عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته كيفكم يا فراشات ان شاء الله طيبين
والله مدري كيف راح ابدأ زوجي مره يحبني ومتعلق فيني وانا بعد احبه اكثر من نفسي هو فرحه عمري , زوجي سبق ان تزوج قبلي وطلق وانا تزوجته وهو مطلق وعنده ولد وبنت وهما الحين عايشين معي واسال الله العلي القدير ان اتمكن من حسن تربيتهم على طاعه الله وهدي رسوله صلى الله عليه وسلم وان اكون قدر المسؤولية واحسسهم بالمحبه والحنان الي فقدوها من امهم لانه زوجه الاب ولو ايش تسوي تبقى في نظر المجتمع تلك الشرسه الظالمه الخبيثه , الولد ماشاء الله عنده 8 سنين مره حبوب ومايفارقني اعز لي من ولدي اما البنت هي المشكله يا بنات مدري ايش فيها مره انطوائيه احسها تكرهني ما تلعب مع اخوانها وشبه منعدم وجودها في البيت ودايما لحالها وماده بوزها شبرين ومكشره وتتكلم لحالها مدري ايش تقول اجي اسالها ايش عندك تقول لي مافيني شي واحضنها وابوسها عشان حرام لسه صغيره والله تكسر خاطري وتقوم دفني وتقولي اووووووووف انتي بس تبوسيني كل مره كل مره طفشتيني وماشاء الله كلامها اكبر من سنها مدري ليش هالحركات وانا اسوي هالشي عشان اعوضها الحنان واكون بمتابة امها واكثر مدري والله انا الحين حيرانه يمكن بسبب دخولي المفاجئء في حياتها بس اخوها ليش غير ام لانها هي اكثر وحده فاقده الحنان من امها والله يقولي زوجي حتى الحليب ما رضعته من صدر امها ورفضتها وسابتها لزوجي وعندها 4اشهر وراحت تزوجت والحين مخلفه عيال وناسيه عيالها فين وفين تسال عليهم اخر مره لها 7 اشهر ما كلمتهم ولا شافتهم .
انا الحين كتب موضوعي ابي مساعدتكم على تعاملي مع البنت والله العظيم اني مو مقصره معاها ولا اهاوشها ولا شي ويوم الاربعاء كلمتني الابله حقتها وقالت لي اشبها فلانه مره عنيده وما تسمع الكلام وتضرب زميلاتها وصراحه بنتك شقيه وتسبني واحسها حقوووده انا استغربت من كلامها قلت لا والله بالعكس في البيت عكس كلامك والحين انا مواعده الابله بعد الاجازة راح اشوفها وتحكيلي ايش صاير معها في المدرسه.
زوجي حتى هو ملاحظ تصرفاتها ومحتارين فيها ومانعرف ايش هو التعامل الخاص الي يبيلها
الله يسعدكم ويخليكم ساعدوني كيف اخليها تتاقلم معانا مع اني انا فرفوشه والعب معاهم واحسبهم عيالي واخواني الصغار بس الله يهديها ادعولي الله يصبرني ولا يشمت فيا الاعداء لاني صراحه مره انزعج من تصرفاتها وما بيدي حيله .
