عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيف حالكم يافراشات تراني نصيتكم تكفون لاتخلوني
الموضوع باختصار ان ودي اسافر السنة هذي برا المملكة وعلى فكرة ترى هذي اول مرة بتعتب رجلي برا بلدي ودي نصيحتكم وين اروح اي بلد خاصة مع الاوضاع الراهنة والمشاكل اللي بالعالم شي ارهاب وشي تفجير وشي اعصار الله يستر علينا . زوجي يقول اذا مابتسافرين معي قولي من بدري عشان ارتب اموري وانا مسافر مسافر .
ماودي يسافر لوحده والله اموت من القهر ولعلمكم ترى لاعندي لغة ولا اعرف غير العربي وعندي طفلين وشغالة اولادي باخذهم بكيف الرجال يرضى والا مايرضى اما الجنية ( الشغالة ) مدري لو اخذتها معي اش الاجراءات حقتها .
الله يسعدكم افيدوني خايفه من السفر وخايفه زوجي يسافر وحده ❗ قولو لي وين اروح وكم التكاليف و …..الخ كل شي الله يخليكم
