عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا فراشاتي ويا حبايب قلبي
عندي مشكله متعبتني وماعندي احد من بعد الله اشكي له همي غيركم يا فراشات الخير والمحبه
انا يا بنات لما صار عمري 27 اهلي كلهم يقولون لي كبرتي وعنستي وللحين ماجولك معاريس وكنت طول عمري اتمنى اني اتزوج ريال كويتي لاني من مواليد الكويت بس عراقية الاصل طبعي وكلامي وتربيتي كويتيه وكنت اتمنىاني اتزوج كويتي لان احس روحي كويتيه وتقدم لي ريال عايش بالكويت وهو ايضا من مواليد الكويت بس عراقي الاصل قلت ريال والسلام وتزوجته وانا مااحمل له اي عواطف او مشاعر قلت الحب بعد الزواج
بس اكتشفت بعد ما حملت منه اني مااحبه ولا قادره اتقبله مع انه ريال ملتزم وصايم ومصلي وطيب بس عيبه انه فقير واللي يقعد معاه مايقول كان عايش بالكويت كلامه وسلوكه وتصرفه مثل اهل العراق اللي عايشين بالعراق لما يقول بعض المصطلحات العراقيه تلوع جبدي خصوصا وهو من بدو العراق وانا حضريه
قمت مااطيق اشوفه او اقعد يمه ولا حتى لي نفس انه يلمسني لاني مو حابته بالمره وزاد الكره له عقب ما حضرت عرس وحده من صديقاتي وكانت عراقيه مثلي بس متزوجه كويتي لاحظت الفرق الكبير بين الريال الكويتي والعراقي وندمانه قد شعر راسي اني قبلت اتزوجه ولو اني جالسه ببيت اهلي من غير زواج اهون من حالتي الحين واللي عقد الوضع اني حامل منه
شكيت لامي وخواتي الحاله اللي انا فيها ملوا مني وقاموا يوبخوني ويقولون خلاص هذا نصيبج من بيت ابوج لبيت زوجج ومن بيت زوجج لقبرج قمت مااحب اشكي لهم او اقول لهم اي انا الحين حامل وتقريبا صار لي من تزوجت 5 شهور
شلون الوحده ممكن تعيش مع واحد وهي ماتحبه وتحسه اقل منها ترا والله احساسي مو بيدي
شسوي يا اهل الخير لاني موقادره اتحمله او احبه ولاني قادره اتطلق لان اهلي ماراح يتقبلوني مطلقه
