ساعدوني بموت من القهرررررر

السلام عليكم كيفكم فراشات كيفكم صارت مشكلة بيني وبين زوجي وبالأصح هوا اخترع مشكلة من لاشي
سواها كبيرة
راح فضحني عند اهلي خلاني وسخة , ماني حقت تربية , مانفع كزوجة , ماعرف اربي بنتو . مرة ما اطبخ , هوادايما يكوي ملابسو
وانا اقسم بالله اني بسوي كل شي يرضيه وبسويلو كل شي هوا ربوع واحد ماطبخت كنا معزومين
قبلها في زواج قرايب لزوجي ورجعنا الساعة 5 الفجر ةتعبانين وصحيت تعبانة وماقدرت اطبخ
لأنو كلن يبغاني اروح لامو بدري فجاب غدا من برا … ويذل اهلي على الغدا ده
لا ولمن كلم بابتي قاللو ( ترى انا متحمل بنتك وصابر عليها 3 سنين وطلع فيني عيوب الدنيا )
وانا لمن كلمت بابا والله اني ماغلطت عليه وقلت اللي صار بالزبط
انا ايش شاف مني عشان يقول الكلام ده
يا بنات اقسم بالله اني كنت احاول ارضيه بكل شي
وامو واخواتو شالو يدهم مني … ليا شهر ونص على الزعلة اللي من غير سبب
ولا احد رفع عليا تلفون على الأقل يسالو عن بنت اخوهم
امو مرة وحدة اتصلت ..
ليش الظلم ليش
لا وعامل انو يخاف الله ويصلي …. عمرو ماكان واحد يخاف الله وهادا تعاملو مع حرمتو
لا ولمن كان يجينا في الويك اند وربي ما اشوفو طول وقتو برا البيت ويجي ويحط راسو وينام ولا يعبرنا لا انا ولا بنتو (انا ادرس هنا وهوا شغلو في مكان تاني وانا اخر سنة ليا ) … ولا يبغاني اسافر معاه . ولا يبغاني بعد ما اخلص اروح معاه اجلس
مرة مايبغاني … ولمن سافر اخد قريبو معاه .. ليش ؟
و دحين له كم اسبوع يجي ياخد بنتو يوم الخميس ويرجعها الجمعةلا وازيدكم له فترة يرسللي رسايل استفزاز وقلة ادب بس نا مارد عليه
يا بنات خلاص انا فكرت في الطلاااااااااااااااااااااااااااااااااق
تعبت وربي تعبت
بس اللي كاسر خاطري بنتي
اقسسم بالله انو مو كفو تربية ولا كفو اخلي بنتي معاه
واحد الدنيا لاهيتو بنفسو بس

ساعدوني اختكم تعبانة والله ادعولي
وعلى فكرة ماستبعد انه يكون سجل ويدور على مشاراكاتي لنه قد سواها مرة << شفتو الهنا اللي انا فيه

وسامحوني طولت عليكم