عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته::
اول اسمحوا لي انا صرااحه اول مرة اكتب موضوع وتوني عضوة جديده
وانا مااسجلت الا عشان اكتب هذي المشكلة واشوف رايكم فيهااو من لها معرفة وخبرة ببعض امور الحيااة لتسااعد وتفرج عن غيرها,,
بسم الله الرحمن الرحيم ,,,
شوفوا يااخواتي بصرااحه هذي قصة وحده عزيزه علي مرة وانا مااكتبتها الا لاني اريد مسااعدتها واتمنى منكم تساعدوني..
انا عندي صديقة عمرها تقريباا الان 24 سنه وتخرجت من الجاامعه توها وداايما يجونها عرسان ويخطبونها وترفض وطبعا مو بس السنه كانوا يجونها من وهي في ثانوي ودايم ترفض وتتعلل بالدراسه وظلت على طول يخطبونها ناس وترفض وبصرااحه كانوا رجال مااعليهم كلام وكانت تتوتر جدا لما تسمع بسيرة الزواج وهذا التوتر ماقام يببن عليها الا بعد الثانويه ,,
المهم انا طبعا تكلمت معها اكثر من مرة ومافي فايده لكن الحين بعد ماخلصت الجامعه ويخطبونها ترفض نفس الشي ومن دون سبب وماتقدر تتكلم كأن في شي مانعها انا جيت لها يوم واصريت عليها تقول شسالفتها لانها حلوة ومافيها شي واخلاقها رووعه وجيت وسألتها وقلت لها انا حااسه فيك شي مانعك من الزواج وخايفه ليش ؟
وطبعا رفضت تتكلم وقالت مافي شي لما اصريت عليها وضغطت اكثر قامت تبكي وحضنتني بقوة وهي تبكي
تعجبت منها قلت لها حرام عليك خوفتيني شفيك شوي شوي قالت انا بقولك بس مابي يطلع الكلام اوكي قلت لها ولايهمك بس فضفضي ,,
قامت تقص علي وتقول احنا يوم كنت صغيره كنا عايشن مع بيت عمي في بيت واحد وانا كان عمري تقريبا ست سنوات او خمس اوسبع مو متذكره بس المهم تقول في واحد من عيال عمها كان قاعد يشتغل في شغله في البيت وانا جالسه اتفرج واشوف شنو يسوي المهم بعد شوي قال لي قومي معاي نشيل الا غراض ونوديهم مكان ثاني وفرحت لاني بشيل معاه اغراض المهم لما وديناهم قعد قال لي تعالي وقفل الباب علينا وانا ماكان في بالي انه راح يسوي شي انا احسبه ثل اخوي الكبير وعلى فكره عمره هو تقريبا في العشرينات المهم لما جيت وقربت يمه
طلع خبيث وكان راح يعتدي علي هو قرب مني ولمس مني اشيااء حساسه بس مادري شسوى وانا مافهم شي بعدين انا خفت وقمت اصيح لما شافني بكيت قال خلاص قومي وقمت ورجع يوم ثاني وقال تعالي بس مارضيت المهم انا طبعا ماقلت لاحد مادري ليش خفت يمكن وكنت صغيره وكبرت شوي شوي ونسيت الامر كله وحتى هو خلاص تزوج وعنده عيال المهم انا لما وصلت الحين سن الزواج وعرفت بعض الامور تذكرت الشي اللي حصل لي فجاه وعشان كذاا خفت انا مااحسيت انه صار لي شي بس مادري خايفه من الزواج اخاف يصير فيني شي ونا مادري …
وهذي القصة ياجماعه اللي ابيه منكم وبصراحه ومن غيرا احراج هل تعتقدون صارلها شي وشلون تتاكد بنفسها لانها خايفه يعني هل في علامات تبين هالشي انها فاقده او ي شي يبن ..
سااعدوها الله يخيلكم ودي اساعدها والله مااتستاهل ,,
تحيااتي
انتظر ردوردكم
