ساعدوني*انا فورطه*سمعت كلام عقلي وتزوجت غير اللي فقلبي وهذي النتيجه…!!!

اول شي بأقوله الحمدلله على كل حال…………..وابي منكم النصيحه والمساعده…
مابي احد يعاتب ويقولي غلط وما ادري ايش……………انا عارفه كل شي وفاهمه(( ووالله)) اني عاقله وكل اللي يعرفوني يمدحوني من هدوئي وعقلي بس احيان الواحد قلبه يحكمه اكثر من عقله……..

طبعا مو ملاك …………….. مافينا احد مايغلط لكن الاعتراف بالخطأ فضيله…………!!

آآآآآآآآآآآآآآآآآآآه
يابنات انا سمعت كلام عقلي وهذا انا الحين في ورطه وقسم بالله تعبااااانه وماني عارفه ايش اسوي ………..

غلطت غلطه كبيره وظميري يأنبني وماني عارفه ايش اسوي

ابي ادخل في الموضوع من البدايه الا النهايه وسامحوني موضوعي طويل لكن باختصره قد ما اقدر ….
والله اكتب وانا ابكي…

ومتأكده اللي جربت الحب الصادق رح تفهمني…..آآآآآآه

———-

انا يابنات من وعيت على الدنيا وانا اهتم في ولد خالتي(محمد) وولد خالتي يهتم فيني……..
ولد خالتي من قبيلة (من القبايل المتشدده وماتزوج من برى)
وانا من قبيله ثانيه….
امه واخواته مرررررره طيبين ويحبوننا بشكل مو طبيعي….واحنا كمان نحبهم مررره…..
ابوه ظالم الله يهديه ويسامحه اصلا لاهي في نفسه يتزوج ويطلق ويجمع في الفلوس وسخ الدنيا ويكدس فيها….ظالم زوجاته وبناته وعياله وحارمهم من كل شي…………

المهم انه علاقتنا بهم مره كبيره ودايم مع بعض يعني بالغصب تعلقنا في بعض…سبحان الله كبرنا وصار هو يلمح لامه انه يحبني….وانا نفس الشي كنت المح لامي…
طبعا سنه عن سنه نكبر ويزيد الحب ………….كانت اخته توصلي اخباره
وهو مرررره مجنون يقول فيني اشعار براسه كله قدام امه واخواته….يعني كان حبنا علني….

حبي له من وانا صغيره يمكن من الابتدائي………..!!
المهم لما صرت في الثنوي….صار عندي جوال ………..وصارت بيننا رسايل وبعدين مكالمات……..
اصلا ماصحيت بنفسي الا وانا اكلمه ويوم صحيت كنت خايفه تعرفو الواحد لما يسوي شي غلط يتعب وظميره يأنبه
قلتله لازم تخطبني وتعلم امك وانا اعلم ماما………
قاللي امي تدري اني احبك……..قلتله حتى امي ودايم المح لها اصلا امي تبغاني لولد اختها…..

بس سبحان الله مع الايام امي كشفتني اني اكلمه وطبعا هاوشت وهزأت وقالت يجي يخطب مو يكلم بالجوال …….وعاقبتني واخذت الجوال بعدين رجعته

ومن رجعته رجعت اكلمه بس هل المره كنت المح لامي اني ترى جالسه اكلمه وهو رح يخطبني..
امي ماكانت راضيه اني اكلمه بس الله يهديني ماقدرت وكنت اكلمه وهي طول اليوم تهاوش …..

عرفو اخواتي كلهم ويمكن حتى ناس من برى انه بيننا حب…..
هذا كله ماكان يهمني
بالعكس انا ابي كل الناس يدرون اننا نحب بعض ونيتنا زواج

تخرجت من الثانوي
وهو كلم ابوه ………………!!

تخيلو يابنات 😥

ابوه قاله: مالك الا بنت عمتك(هدى)

توسطت خالتي وقالتله الولد متعلق في ساره بنت خالته ومايبي غيرها ومدري شو………

قال طيب هو خليه يشتغل وانا ازوجه……………..(يتحجج باي شي عشان ولده مايتزوجني)

اشتغل ولد خالتي ورجع لابوه وقاله يالله اخطبلي ساره
قال ابوه لااااااا

اخطبللك بنت عمتك هدى!
هنا ولد خالتي مرررره انهار من ابوه ……………….يعني والله يابنات…….
لو انه ما اشتغل ولا سوى اي شي ابوه يقدر يزوجه في شهر واحد من الفلوس اللي عنده……….. بس انا شرطت على ولد خالتي اني مارح اتزوجه الا لما هو يشتغل مارح ارضى ان ابوه يصرف علينا…………….واصلا مستحيل يصرف علينا لان ابوه بخيل يالطيف….

المهم حاول محمد وكلم عمانه وخيلاني يكلمون ابوه لكن ابوه رافض الفكره بتاتا………عندهم مايزوجون الا من نفس القبيله………….مع انه غالبية هل القبيله انفكت هل العقده منهم وصارو يزوجو من برى الا ابوهم باقي على هل التقاليد !!!

قام ولدخالتي انهاااار مره وكسر جواله
وهج من البيت
والله يابنات هج شهر كامل ماندري عنه ولا اهله مايدرون عنه وين!!
ماندري وين راح بعدين رجع في القريه حقتنا ……بس مره مايجي لا لامه ولا ابوه…..ينام عند اصحابه ينام في سيارته………هنا هنااااااااا
لمدة ارب اشهر!!
قال لابوه ماني راجع البيت الا لما توافق تزوجني بنت خالتي……..ساره!

خالتي مسكينه تجننت تبي ولدها يرجع بس الابو متخلف وعنيد!

آه
حسبي الله ونعم الوكيل

ياقلبي على خالتي>>صارت تكلم اخوانها الي هم خيلاني وخيلان محمد انهم يتوسطون له عند ابوه يوافق يزوجنا….

وقسم بالله بعد 4 اشهر حن ابوه…
وقال لخيلاني خلاص خليه يجي يشتغل وانا ازوجه……………
فرررررررح ورجع البيت وكلمني بعد غياب 4 اشهر وقسم بالله كانت نفسيتي زفت ومره كنت منهاره وتعبانه

بس امي مره كانت زعلانه لييييييييييييش زوج خالتي مايبغى بنتها…

وهنا اخذت موقف ..

وصارت تقولي الله يعوضك باحسن من ولد خالتكي……….دام هذا ابوه مانبغاه
وصارو الخطاب يجون وهي تغصبني اوافق عليها وانا ارفض…..

والله رفضت كثيييييييييييييييير مره
قلتلها ما ابغى غير محمد
بس كان ولد عمي ماجد يخطبني دايم ماييأس
اتاريه يحبني من وانا صغيره وانا ما ادري عنه
وخطبني من وانا في المتوسط وبابا قاله لسه صغيره تكمل دراستها

تخيلو في الفتر اللي كان فيها محمد زعلان وتارك البيت خطبني ولد عمي ماجد
وهو دخل مزاج امي مره
وصارت تلح علي اني اوافق على ماجد الحاح مو طبيعي
صارت ماتبغاني الا له!!

المهم طبعا انا دريت انه محمد خلاص رجع البيت انه كلمني وفررررررحت لما كلمني مره فرحت ووالله كنت متأكده انه رح يرجع يكلمني وكنت انتظره 4 اشهر مافقدت الامل وياما كانت تجيني ارقام غريبه ارد ما احد يتكلم كان هو !!

وقاللي رح يجي يخطبني خلاااااااااااااااااااااااااااااااااااااص الحمدلله!
😈

وعلى طول رفضت ولد عمي ……….قلت لماما ما ابغاه ما ابغى غير محمد

وبعدها بفتره اتصل علي محمد
قالي ابشرك الحين امي رح تتصل على امك وتاخذ موعد نجي لكم فيه
وجبت التلفون جنب ماما وجلست انتظر …….وانا واياه فرحانين بنطير من الفرحه……………
وهو يرسل لي مسجات انه ابوه وامه عند التلفون والحين امه رح تتصل خلاااااااااااااااااص

اخييييييييييييييرا

😉

واتصلت خاتي وردت ماما…………..وتكلمو >>>
تكلمو كثييييييير تعرفو الاخوات لما يتكلمو كيف………… 💡

حسيت ان مكالمتهم مره طويله ابغى اسمع الزبده خلاص………

قامت خالتي قالت لماما
نبغى نخطب ساره لمحمد……

تخيلوا……….
امي ايش قالت يابنات………………!!

!

!

!!

بجد انصدمت منها!

وانقهرت
وكل شي حسيت الدنيا كلها اتسكرت في وجهي

قالت لها :

والله ولد عمها متقدم لها ويبغاها!!…………

مافي نصيييييييييييييييب 😆 🙂

خالتي انصدمت من ردت اختها هذي……

مره خالتي انصدمت

والله كأنها اخذت كف من ماما…………. وكان جنبها زوجها ابو محمد وعرف ………..احنا ماصدقنا انه يرضى………خلاااااااااااااااااااااص

محمد قاللي دام بابا دري باللي قالته امك لامي !!!
والله ماعاد في امل

لاحول ولا قوة الا بالله

انا انهرت وقسم بالله نفسيتي تعبت وقلت لامي حرام عليكي ظيعتيني….
شهوووور وانا تعبانه
جلست بالبيت لادراسه ولا شي كل شي سكيته ماعاد ابي شي من هل الدنيا

وهو مره زعل بس عارف انه مو بيدي

توترت العلاااااقه مره بينهم

وخلاااااص راح الامل

هنا ولد خالتي رجع………….وقف على رجليه وحاول مره ثانيه فأبوه…..

بس
قاله: ابوه والله والله والله لو تنطبق السما على الارض ماتاخذها !

والله ماتاخذ الا بنت عمك هدى

قام محمد قاله …………………………..خلاص ماعاد ابي زواج

ومن يومها …تركني
وقسم بالله اتصل اتصل مايرد…!

غاب ايام وبعدين
ارسللي مسج كاتب فيه….

انه يحبني موت وانه هذا نصيبنا وانه سوى كل اللي يقدر عليه بس الله ماراد
قاللي شوفي نصيبك انا مارح اوقف في نصيبك …….انا عارف ابويا وكيف سلطته قويه وانه مارح يسمح انه نتزوج
وكتبلي انه مو مصدق انا رح نفترق وانه تعبان وبيتجنن……..بس هو مجبور يبعد عني عشان اشوف نصيبي وانه رح يبعد عشان يبغى لييا السعاده(قالل:الله يجبرني ويصبرني على فراقك….الله يجمعنا في الجنه انشالله)

آآآآآآآآآآآآآآآآآآه

وكانت تحكيني اخته كيف كان منهار ………..آه

والله يابنات اني مافقدت الامل ,,,زجلست سنه كامله اتصل عليه وارسل له مايرد علي…………….لما اسأل اخته تقولي خلاص شوفي نصيبك ,,,,,,,,,,,صح هو بيتجنن عليكي بس خلاص شوفو نصيبكم وانسو بعض ….قالتلي وقسم بالله اخويا تعبان…. وبيتقطع عليكي وموقادر ينساكي بس يبغى لكي السعاده

اسمعي كلامي وتزوجي

آآآآآآآه

اعطيت نفسي واعطيته فرصه كم شهر ….
انتظرته يرد علي لو بمسج………
و ارسلت له انه لو مارد علي رح اتزوج ………..تهديد……………….!
كتبت له والله لاسويها………!!

بس ماكان يرد

قمت ارسلت له اني ابي استناه لو 10 سنين ماعندي مانع ……….

وبرضه ماكان يرد علي…….عشان مايبغاني ارجع اتأمل فيه
كان يتعذب لما يشوف رقمي ومايرد ………………

بالاخير كلم اخته………………….وخلاها تتصلت علي قالتلي حرام عليكي خلاص لايضيع عمرك على الفاضي
تزوجي وشوفي نصيبك ……

صرت افكر في كلامها …………..وكلام صاحباتي…………..واخواتي واهلي………..والكل
كان يقولي شوفي نصيبك
كان يقولولي: ياساره فكري بعقلك……….سيبي قلبك على جنب….

قمت فكرت بيني وبين نفسي واستخرت الله ………

وبعدين شي جاني قاللي يابنت اذا تبغين له السعاده وتحبينه من جد تزوجي عشان هو يتزوج !!

اذا تبغين له السعاده تزوجي لانه(( يحبك ))مارح يتزوج لين ماتتزوجين!!

وفعلا>>>

خطبني ولد عمي ماجد………….يمكن المره الخامسه او السادسه!!

وقررت اسمع كلام ( عقلي )………..ووافقت ………..والله يابنات >>>>>>>>>>كل شي صار هوى

الشوفه >
ثم
قراية الفاتحه
ثم>
الملكه
ثم>>>>
الشبكه
ثم >>>>>>>>>
الغمره
ثثثثثثثثثثثثثثثثثثثثثم>>>>>>>>>>>>>>>>>>>>>>>>>>>> >

((…………………….الزواج…………….. ….))))

تزوجت!!!!

والله كله ورى بعضه………..زي عقد اللولو لما يتفرط……..ولد عمي ماصدق اني اوافق على طول دردبها فوق بعض

ماصحيت الا بنفسي يوم زواجي………….مصدومه

ماقدرت اتقبل هل الانسان >>>>>>>>>كيييييييييييييييف دخل حياتي

حاولت احبه

حاولت اتقبله

حاولت حاولت

صبرت وجاملت ومثلت وسويت كل شي >>>>>>>>>>>>>>>>

حاااااااااااااااولت
خصوصا انه يحبني مووووووت والله!!

كان طيب معايا طوووول فترة الملكه وصارحته بكل شي بيني وبين محمد من ايام الملكه

وماجد تقبل كل شي ووعدني انه يعوضني…………وانه بينسيني ولد خالتي محمد…

(((((((((((بس ماقدرت احب ماجد وماقدرت انسى ولد خالتي!))))))))))

يابنات انا احب محمد من حوالي 10 الا 12 سنه!!!!!!!!!!!!
طبيعي مارح انساه

آآآآآآه

يوم زواجي محمد ولد خالتي ارسل لي رساله انه مو مصدق وانه مصدوم والدنيا ضايقه به وانه بيتجنن وجالس يدعيلي بالتوفيق والسعاده طول عمره وانه مستحيل ينساني……………
وطبعا انا مارديت عليه خلاص صرت على ذمة رجال…………….مسحت الرساله
وكملت حياتي

حاليا لييا سنتين و 4 شهور متزوجه…………..
واحس حب محمد يزيييييييييييييييد ما ينقص……….!!

ماني عارف ايش اسوي انا في ورطه مايعلم بها الا الله……………….

ماجد زوجي يحبنيويموت فيني بس ماني قادره احبه
واحس نفسي جامده وقاسيه معاه لابعد درجه….

احس اني ندمت يوم اني تزوجت ولد عمي مره ظالمته ماني قادره احبه……….

واحس بنفس ولد خالتي معلقه فيني>>>>>>>>>> وقسم بالله على طول في بالي ولما انام اتحلم به واحيان انادي باسمه وانا نايمه(ويسمعني زوجي يسوي نفسه ماسمع شي والله!!!!!)……………..واحيان اغلط باسمه وانا صاحيه بس محد يقدر يلومني……

الكل عارف انه مو بيدي

المهم الحين انه ………….

مع الايام سمعت انه

ولد خالتي محمد خطبله ابوه بنت عمه هدى
ووافقت وملكو وزواجهم قريب…………..

والله فرحت له من قلبي وادعيله بالتوفيق والسعاده
انا ما انكر اني غايره وباتجنن من الغيره بس خلاص هذي الحياه قسمه ونصيب!!

وكلمت اخته كانت تقولي الله يوفقك ويوفقه هذا نصيبكم..

تقولي والله اخويا تعبان وافق انه يتزوج بنت عمه هدى عشان يلتهي ………
والله ياساره انه مسكين مانسيكي وكل يوم يخرق اذن امي من كثر مايسأل عنكي………..ويدعي لكي…

آآآآآآآآآآآه

حتى اخوه اصغير مره يعرف بقصت حبكم وفاهم اللي يدور حاولينه
تخيلي مر من جنبه وسمعه وهو يكلم بنت عمه خطيبته هدى………

قام قاله : يامحمد تعال فهمني انت الحين تحب ساره ولا هدى؟؟؟؟؟؟؟؟

يعني اخوه اللي عمره 5 سنين لاحظ ومستغرب………………….!!
ماشالله عليه

معليش طولت عليكم بس ترى لسه (((ماكملت القصه )))
قلت لكم البدايه والحين انا في ورطه
لاني غلطت غلطه مايعلم بها الا الله
بارتاح شوي وارجع اكملها ………..

واقولك الورطه اللي انا فيها بس الحين امانه ادعولي……………………………………..

تراني مره تعبانه ونفسيتي مره متأزمه ابي نصايحكم الله يسعدكم لاتبخلون علي وخلوكم جنبي