ساعدونى لاهنتم اختكم واصله معاها للاخر اف اف اف

كيفكم عزيزاتى ؟ ان شاء الله باحسن حال

حبيباتى انا متضايقه شوى وحابه افض فض لكم شوى

وان شاء الله على ايدينكم الاقى الحل اللى يريحنى ويهدى بالى ياارب

عزيزاتى :

انا مشكلتى مع زوجى :

زوجى من النوع المزااااااااااااااااجى على الاخر

مع انه مايقصر عليا بشى ابدا ابدا فوووق ماتتخيلو يعنى ولله الحمد

بس مافى انسان كامل .. والكمال لله سبحانه وتعالى

بصراحه انا شكاكه شوى

وزوجى الله يهدية مزاجيته مخليتنى امووت فى اليوم الف مره

تخيلو يا بنات

زوجى ماينام معايا اذا جاء وقت النوم

ويجلس على النت لليوم الثانى حتى ولو كاااااااااااااان تعبااااااااااان والنوم فى عيونه ما ينام

يقولى مافينى نووم .. وهو والله العظيم عيونه حمرا وجسمه طايح من التعب ويجلس لليوم الثانى على النت

تخيلو ايش صار معايا امس وانتم احكمو وقولولى ايش اسوى فيه ::

امس كان عندنا فرح قريب من الجماعه

المهم ..رحت الفرح وامبسط والوضع زى العسل وزياده

ولما دقيت على زوجى يجينى صووته مرا تعبان

ولما ركبت السياره اطل فيه واشوف عيونه حمرا وشوى وتدمع من التعب ومافيه حيل لا يتكلم ولا حتى يسوووق

قلت له : شكلك تعبان تبغا تنام ؟

قال : ايه والله

قلت له: تمام لانى حتى انا تعبااانه ابغى انام

ولما وصلنا البيت انا على طول دخلت غرفة النوم غيرت ملابسي ومستحت الميك آب ولبست قميص النوم وشغلت المكيف

وطفيت الانوار والغرفه جاااااااااااااااهزة للنوم بالكامل ..

رحت عندو بالصاله وقلت له : يالله حبيبي ننام؟؟

قال : مافينى نوم <<< مع العلم انه مايشوفنى من النوووم

قلت له : حبيبي وجهه يقول غير كذا تعال اعمل لك مساج خفيف علشان تنام وانت مرتاح ..

قال : يابنت الحلال قلت لكى مافينى نووم روحى انتى ونامى يالله ..

قلت له: ان شاء الله هذى اخر مرا انام لوحدى عشان بعد كذا ننام سوا ..

قال :لا ان شاءالله “قالها وهو مايطالع فينى وفاتح النت “

انا هنا سكت حسيت الدنيا انسكت بوجهى من الصدمه

(((كيف يقول لا ان شاء الله يعنى ماعندو نيه ينام معايا بعد كذا )))

عاد انا سيبته فى الصاله ودخلت الغرفه ابكى وابكى وابكى بحرقه إلين مانمت وهذا الكلام كان الساعه 5 الفجر

ولما صحيت الساعه وحده الظهر عشان صلاة الظهر

لقيته لسه على النت وياليته بالصاله لا

كان فى المجلس اخذ الاب وجواله وساك باب المجلس

انا مرا زعلت من هالحركه حسيت انه بدأ يلعب بذيله ..

المهم :

ولعت لمبه غرفة النوم عشان لو خرج من المجلس يعرف انى صحيت من النوم

وشوى وهو خارج من المجلس وولا كأنه شاف شى

جلس شوى بالصاله بعدين دخل عندى الغرفه رمى نفسه على السرير وناااااااااااااااااااااااااااااااااااااااام<<< مع انه مستحيل ينام والنور شغال

ولا كأنه شايفنى على السرير ابكى

وطبعا دحين هو نايم وانا بالصاله جالسه اكتب لكم

ابغى حل تكفووووووووووووووووووووووووووون

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله ان عيونى حمرت من كثر البكاء

نفسى اعرف ايش الشى اللى شاغله عن النوووم وعنى

وعلى فكره (( زوجى دايمن كذا ماينام معايا لازم انام انا اوول وبعدها بكم ساعه يجى ينام؟؟واذا اصريت انه ينام معايا … بس مجرد ما اجى بحضنه واغمض عيونى إلا وهو فى سابع نوومه )))

بالعربي يعنى : اذا دخل ينام معايا ثوانى الا وهو بسابع نوومه واجلس عاد انا صاحيه ومقهورة من هالحركه))

تكفوووووووووووووووووووووون شوفولى حل؟؟