سااعدوني بلييز .. انتهت صدآآقتنا ..!!

انا عمري 15 سنة ادرس في الصف الثالث المتوسط
مشكلتي من بدايتها : دخلت المتوسط وانا كارهتها عشان ودوني مدرسة ما ابيها ..
بس مشيت حالي وقلت يلا … اكيد رح اتعرف على صديقات كويسات المهم اول يوم تعرفت على وحده بين عليها طيبة وهيا من جوا كذابة وتحب تتفشخر ( استغفر الله ) المهم كنت انزل معها الفسحه وبعد مدة تخاصمت معاها بسبب قلة ادبها واشتكيتها للمرشدة المرشدة عصبت عليها ومن يومها والبنت ماخذة مني موقف … لييين خلصت سنة اولى ..

بدأنا سنة ثانية على خير وحاولت انه مايكون لي مشاكل مع احد .. بس سبحان الله تسامحت مع هالبنت وصرنا ننزل الفسحة مع بعض ومعانا وحده تانية .. بعدين في الترم الثاني من سنة ثانية حاولت ابتعد عنها لأني مني مرتاحالها من يوم شفتها ,, ابتعدت عنها واصرت انزل مع بنت ثانية بعدين في نهاية السنة تخاصمت هيا وصحبتها اللي كانت تنزل معانا الفسحه .. وصارت صحبتها تكلمني دايما وتحاول التقرب مني بس انا ارتحتلها وظلينا طول فترة الصيف ( الاجازة ) صحبات تكلمني واكلمها ليين بدات سنة ثالث متوسط
اللي انا الآن فيها وكونا سمنة على عسل مرآآ صحبات وكول شي فينا زي بعض من البكل في راسنا ليين الجزمة تخيلوو ..!! المهم عدآآ الترم الاول على خير بعدين في الترم التاني بعد الاجازة اللي جاتنا اسبووع
انا تغيرت ومدري وش صار فيني ماصرت احبها احس انو حد عطانا عين لأن كل من شافنا قال انتو كل شي زي بعض ؟؟!! نبتسم لهم وماندري انهم ممكن يعطونا عين المهم انو انا تغيرت وسبحان الله حسيت انو كلامها بايخ ودمها تقيل ( استغفر الله ) بعدين هيا حست وصحباتها اللي معاها في الفصل حسوو [ انا مو في نفس فصلها ] المهم كتبتلي في دفتر انو انا تغيرت عليها وهيا ماتبغى تخسرني ومن دا الكلام ..

بس بعدين كلمتني وحدة من صحباتها قالتلي : صراحة انتي يآآ…. مررة اتغيرتي ولا صرتي تعطينها وجه ومدري ايش , وقالتلي انو لازم نرجع زي اول لأن الصداقة ماتتعوض ومن دا الكلام .. انا قولت لصديقتها خلاص انا بفكر في الموضوع و برد لك خبر .. اليوم اللي بعده نزلت انا وهيا الفسحة مع بعض .. بسس كان في توتر في العلاقة انا مالي خلق اطالع في وجهها ولو كلمتها وحاولت اخفي اللي ف قلبي و اقول لها شرابك حلو تروح تشمقلي .. اقولها اجلسة تقولي ما أبغى ..!! اظل انا جالسة وهيا واقفة زي الحارس ..!! وش ذي الحالة .؟؟!! المهم هيا دايما تشوفي انا وصديقتي اللي معايا في الفصل زي ماقلت لكم هيا مو معايا في نفس الفصل )) ترووح تنقهرر مررة مدري ليش يعني بمعنى آخر تغاار تقول ليش تآخذ صحبتي مني ..

المهم انا قولتلها تبغيني اقعد طفشانة ماتبغيني اكلم احد لازم اعيش حياتي ( يانااس انا مو مرتبطة ببيهاا ..!! ) يؤ يؤ .. بعدين هيا مررة زعلت ماصارت تنزل الفسحة معايا المهم هيا امس كانت تحاول ترجع العلاقة بس انا مافني فاايدة مررة مطنشة مدري وش فيني بعدين هياااا مررررررررة زعلت وطلعت الفصل وقعدت تبكي وجو صحباتي وشافوها قعدو معاها وبعدين جو يعصبوو علي يقولولي انتي الغلطانة ومدري ايش .. ( صح انا الغلطانه بس مني عارفة اكلمها وارجع زي اول الحب اللي كان في قلبي لها مآآآآآآآآآت ماعاد صرت احبها يؤ يؤ )) المهم قالولي لازم تراضينها وماتروح البيت وهيا زعلانه .. قالت في نفسي روحو احلموو .. مني مراضيتها خليتها تولي .. المهم انا روحت كلمت معلمة من المعلمة وانا مرررة احبها وهيا مررة قريبة من قلبي .. حكيتها القصة كاملة قالتلي خلاص انا بكلمها .. قولت لها طيب ..
بس المعلمة ماتبغى تناديها عشان البنت ماتحس فقالتلي لمن اشوفها بقولها المهم البنت اليوم مررة مهي معطيتني وجه ولا انا معطيتها وجه ولا سلمنا على بعض ولا شي بعدين صحباتي يقولولي لازم تتسامحو هاذي اخر سنة وبعد كدا كول وحده بتسير في طريق …… 😡

ونسييت اقولكم يوم الاحد هذاا دقت امها علينا قالتلي اشبك انتي وبنتي كل يوم اقولها كلمتي صحبتك تقولي لأ .. وش فيكم انا قعدت اقولها مافي شي ولا حاجة مجرد هبالات .. قالتي هيا خلاص بكرة كلميها واقعدي معاها ولا كأنو ساير شي .. قالت : حآآآضر .. ان شااءالله ..
اليوم انا شفتها في المدرسة وفي وحده جات تفربنا من بعض بس انا بصرااحه ماابي مدري ليش رغم انه مالي صديقة غيرهاا يعني لو تفرقنا حقعد لحالي ..

المهم انا ابغى توجيه منكم ابغى نصيحة اش اسوووي ياااااااااااااااربي .. مني عاارفة ..؟؟!!! 😛