ساااعدوني وربي طفشت

سجلت بالمنتدى قولت يمكن احد يديني حل وارتاح شويه

بجد وربي مرا منى عارفه ايش اسوي

اتعرفت على واحد ومرا اتعلقت فيه وهوا كمان نفس الشي

المهم جات امو واختوو في عيد الفطر 4/10 وشافوني

وخرجو من عندنا اول ماخرجو كلمتو وانا اكلمو اختو كانت تكلمو ع البيبي تقولو البنت مرا لزيزه وحلوه ماشاءالله

وبعدها بنص ساعه امو كلمتو قالتلو ان ارتاحت لـ اهلى وانا اكتر شي عجبتها ووصفتلو شكلى وشكل اخواتي بس انا اكتر شي عحبتهاا

قالتلو ازا تبغا ياسمين انا موافقه

وفي عيد الحج على انو تجيناا وكلمت امي وعزمتها على فرح بنت اخوهااا

وحاولت في امي انها تروح عشان تشوفها وكيدا

ووافقت المهم وراحت وعرفتها على اهلها وقتها انا ماروحت معاهم بس اخواتى 2 الى راحو

وجلست معاهم اختو اكبر مني بسنه دي تانيه غير الى جات مع امو

وعلى انو تجي بعد الفرح اليوم التاني بس اتصلت واتعذرت انو امها مرضة وجاتها جلطه

وقالت ان شاءالله حجيكي في الاجازه الى كانت في شهر 2

ولمن جات الاجازه اتصلت على امي قالتلها خلاص ان شاءالله حجيكي في الاجازه الى بداية شهر خمسه الين هيا دا الاسبوع

ولا حتجي شكلوو

لاانو كول مايكلمها تقولو مني فاضيتلك انا شايفنى مشغوله وكول مايكلمها تقولو كيدا
اخوه اصغر منو بـسنتين خطبتلو مرا علاقتها قويه ماشاءالله بـ اهل خطيبتو ومهتمه فيهم
حتى لمن بتخرج تتمشااء يخرجو مع بعض وتجي خطيبتو عندهم في البيت وعادي الوضع

وقبل فتره قولت لـ امي انو انا اعرف الى جو خطبو ويكلمني

اتفهمت الموضوع الحمدالله

ودحين طفشت كول شويه ترقع بالكلام انو اول مرا طولت الهرجه اول مرا كلمت امي كان التاريخ 4/8/1432

ومابقي شي وتكمل سنه وقولتلو الوضع مو عاجبني يقولى حتى انا مرا مو عاجبني انتى شايفتها كيف تعامملنى واخويا الى اصغر منى مهتمه فيه وحتى لا هوا موظف ولا شي

وانا الى موظف ماتبغا تكمل موضوعي وقلى ابغا اسيب البيت وحقفل جولااتي عنهم يمكن تجلس فتره تدورني ولمن تلااقيني قلبها يحن وتجي تخطب رسمي

قولتلو لا دا لو سئلت كمان عنك

لاتقولو يجيب اعذار انا عارفه كول شي عنهم وكم مرا اسمع امو كيف تكلمو وكيف تكلم اخوه الى اصغر منو مرا مفرقه بينهم على انو الرجال يجو دي الاجازه وامي تقولى ابوكي سئلنى عنهم قولتلو بيجو في الاجازه دي مو تكدبيني عندو لو ماجوو في الاجازه دي انا حشوف حل لداء الموضوع

واختى ماشاءالله اتخطبت في الاجازه الى شهر اتنين والحمدالله سئلو وكول شي تمام واتفقو حتى متى الملكه وانا الين دحين موضوعي معلق
هوا من اهل المدينه بس ساكن مع اهلو في الرياض وانا في المدينه ساكنه

ياليت تدوني حل ايش سوي معاها اموو وهيا عارفه كمان انو يحبني ويكلمني