ساااعدوني محتاره بالسفر

بنات بدخل بالموضوع دغري انايابنات كنت مقرره اسافر ماليزيا بشهر العسل (قبل سنه)
على اساس بعد زواجي باسبوعين لاكن تفاجئت ان اختباري (كانت اخر سنه لي في الكليه ومعي مواد محموله) بعد زواجي ب3 اسابيع يعني مايمديني اسافر بعد ماخلصت اختباري كان باقي اسبوع على رمضان
كيف نسافر في رمضان قلت بشهر 10 وسبحان الله قدر لي وحملت وكنسلت السفر في ذيك السنه كلها
الموهيم بنات انا والده لي 5 اشهر وزوجي معاه اجازه في شهر 11 ويقول خلينا نسافر مصر
قلتله بنروح ماليزيا ولا ماني طالعه برا المملكه وهو رافض ماليزيا الفتره هذي يقول مامعانا فلوس تكفي
وهو معه 25 الف ريال على الاكثر يعني .. وانا الحيين مرره محتاره امسك بقراري وما اسافر إلا لماليزيا ولا اروح معه لمصر او اخليها سياحه داخليه في ابها والجنوب مع العلم اني اخترت ماليزيا للطبيعه الساحره فيها
ومصر مافيها طبيعه والجنوب ماشاء الله موسم امطار وخضره الحين وهذا الشي اللي خلاني اختارها!!!