سؤال للبنات الذوق<<عن حفل تخرجي انا والشله^_^

ابسئلكم سؤال صغير.. واتمنى تفيدوني…

هو اانا ابغى اسوي حفل تخرجي انا وصديقاتي بمكان عام يعني بمكان مخصص للحفلاات…
ولأن مدرستنا الله يجزاهم بالخير مو مسوين لنا حفل تخرج…

واذا بيسوون بيحطونه مع حفل الأمهااات يعني ماراح يكون حفل!!!!!

فقررنا انا وصديقاتي إنا نسويه بمكان عام…..

وانا صراحه اقترحت عليهم الصاله الي بملاهي البراجون…
انا صراحه ماقد شفتها من داخل …..

بس اتوقع انها تنفع … لانا الحفله الي راح نسويها بتكون بسيطه مانبغا نتكلف …

لانها خاصه بشلتنا بس…

فياليت الي تعرف هذي الصاله اي معلومه عنهاااااا تفيدني….

واذا تعرفو اماكن ثانيه زي كذا يكون حلووووووووو….

لان ماودي باستراحه والا مدري وش ابغى مكان عام…. وفيه ونااااسه…
يعني نلعب ونستانس…ونسوي اللي نبغى…
وعشان البنات اللي معاي اهلهم مايرضون يودونهم استرحات…

فياليت تكون بملاهي او شي زي كذا……

انتظر ردودكم يابنااااات…وياليت تقولون السعر ,, والمواصفات… وانا بالرياض….

وشكراً مقدماً لكل وحده تساعدني….. اوفكرت انها تساعدني….

انا ماسئلتكم الا وانا واثقه برايكم وبذوقكم….
وعارفه انكم بتعدوني مثل وحده من خواتكم…
ومارح تقصرون معاااي…