عالم البنات النسائي كل ما يخص المرأة العربية من ازياء وجمال والحياة الزوجية والمطبخ
راح انقل رابط الموضوع الي ذكر فيه تجارب الفراشات لزيت الخروع قبل الولاده
http://www.alfrasha.com/showthread.php?t=220309
وراح اعطيكم تجربتي لزيت الخروع
طبعا انا كنت متردده في انه استخدم الخروع او لا لان من دخولي الشهر التاسع وانا اشرب القرفه مع كف مريم بالاضافه الى الكمون
لكن استغربت انه من دخولي الشهر التاسع كانت تقول طبيبتي انه لازم تولدي وممكن بطلق صناعي فكنت استغرب ولا اتحقق من الاسباب بمجرد انها تقول الكلام هذا كان يصيبني خوف من كابوس الطلق الصناعي
فجاء موعد مراجعتي عملت لي الدكتوره اشعه تطمن على وضع البيبي قالت لازم تولدين خلال الاسبوع هذا قبل الاسبوع 39 قلت في نفسي لا ماراح استعجل فقلت لها لا دكتوره فحاولت تقنعني انه لازم لان كمية المويه ضاغطه على الجنين وفيه خطوره عليه هنا صابني خوف اكبر فقلت لها ايش تنصحيني قبل اخذ الطلق قالت اشربي خروع ملعقتين فقط مره وحده
لكن لازلت متردده واتصلت على احدى مجربي الزيت من فتره بسيطه واعطتني تجربتها ورجعت وقريت ردود البنات لكن حيرتي لازالت فصبرت يوم وبعدها رحت لطبيبتي اللي راح اولد عندها علشان اخذ وجهت نظرها وكان معاي ملف متابعتي للحمل اطلعت عليه وبعدها عملت اشعه وقالت خلاص ادخلي اليوم نعطيك طلق صناعي قلت لا مستحيل فقالت افضل من انه نفقد واحد منكم وقتها صابني رعب وذهول ليش قررت ادخل طلبت منها ارجع البيت ارتب اموري واتطمن على اوضاعي وقلت لها راح اشرب خروع قالت نصيحتي لك ادخلي قلت لها اوكي لكن راح ارجع لك على وقت العياده المساء قالت اوكي بس ماتتاخري
طلعت من المستشفى وانا في حالة ذهول ورعب وخوف رحت اشتريت خروع وشربته وبعدها نمت وماصحيت الا مع صلاة العصر وكان كل شي فيني بارد لا طلق ولا الم ولا حتى حركة للبيبي وصار مزاجي معكر لاخر درجه
ومن بعد العصر سبحان الله صرت اروح الحمام اعزكم الله بكثره والخروع عمل عمايله بقوه ولين بطانيتي
واهلي ملاحظين تغير في وجهي ونفسيتي اتصلت على زوجي وطلعت امشي ومشينا قرابة 3 كيلو متواصله بدون كلل او ملل وهو مستغرب وخلال ماكنا نمشي بلغته بكلام الطبيبه وصار همه هم المسكين ورحت اتسوقت بعض الاشياء اللي ناقصتني وانا ما احس باي شي نهائي ورجعت البيت على الساعه 10 وبدون ما احس بشي
لكن من مجرد جات الساعه 11 والطلوق بدات معاي ومباشره جبت كماده حاره وصرت جالسه عليها وصارت الالام تتكرر كل 45 دقيقه بعدها كل نص ساعه وبعدها كل ربع ساعه وبعدها كل 10 دقائق كانت الساعه تقريبا 1و نص الليل اتصلت على زوجي قلت خليك على استعداد أي لحظه راح اتصل فيك وطول الوقت كنت اقراء اذكار الولاده وادعي الله انه يفرج همي وييسر امري وكنت وقتها امشي باللي اقدر عليه لحد ما جاء وقت صلاة الفجر صحيته صلى الفجر وطلعت مباشره للمستشفى ولما وصلت قالو مفتوح 5 فحمدت الله وتحسبا لاي شي حطو لي مغذي ومعاه نسبه بسيطه من الطلق لان راس البيبي كان مرتفع فوق مو نازل نزول تام
والحمد لله تيسر الامر وولدت طبيعي وجبت ولد الله يصلحه ويجعله من عباد الله الصالحين
ولما طلعت الغرفه وطلبت البيبي استغربت لونه ولون اللسان بالذات مايل للزرقه فسالت عن الاسباب فقالو لي الممرضات انه التفاف الحبل السري على راس البيبي شي مو سهل استغربت قلت ماعندي خبر قالو ممكن الدكتوره ماحبت تبلغك وتخوفك وسالتها قالت نعم ماحبيت ارعبك فقلنا لك انه السبب ضغط المويه على الجنين وبس وكان باين معاهم انه الحبل طويل بما يسمح للولاده الطبيعيه او انه المفروض قيصري فحبينا نعجل ولادتك ولاناخرها وبالفعل لو عندي خبر انه الموضوع فيها التفاف حبل سري ماراح افكر بالطبيعي مباشره راح اقول قيصري بدون تردد لكن الحمد لله انه استخرت الله وشربت الخروع وانه اموري تمت بسلام وجبت الولد اللي يتمناه زوجي
وهذي قصتي مع الخروع واحداث الولاده
