عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
سؤالي للأمهات ، خاصة اللي موظفة منهم ، واللي عندها خبرة ومو متزوجة مافي مانع تفيدنا 😆 🙂
أنا مو متزوجة ، بس في شيء محيرني مرة
فقلت أسألكم ، لأني استحيت أسأل الناس اللي بقول لكم عنهم بعد شوي
نجي عند ثنتين متزوجات ، وكل وحدة منهم نقول فرضا عندها خمس عيال ( عيال تشمل بنات وأولاد )
طيب ، بس وحدة فوق إنها زوجة وأم تكون طالبة أو موظفة + داعية وتسوي دورات وأنشطة + تدخل النت + عيالها من أحسن ما يكون تربية + مو مقصرة بحق زوجها وجماعتها + مطلعة على كل جديد وتقرأ كثير + ما عندها شغالة
نجي للثانية هي زوجة وأم ( ربة منزل ) + ما عندها شغالة + مو مقصرة بحق زوجها وأهلها + عيالها من أحسن ما يكون + الوقت ضايق عليها دايم ومو كافيها تسوي أشغالها
طبعا لاحظتوا الفرق بين الثنتين ، وشفتهم عالواقع حتى ما تقولوا مبالغة
اللي قاهرني ومو عارفة كيف الأولى تقدر تسوي الأشياء هذه كلها بدون ما تقصر في حق أي أحد
بينما الثانية ما عندها وقت أصلا ودايم تقول منب فاضية ومشغولة
وربي إني أعرف حريم من النموذج الأول وأكبر عيالهم الآن خلصوا الثانوي ، وبعضهم معي عالمسن
بس استحيت اسألهم 😆 hy:
فقلت مالي إلا أنتم تفيدوني :ق1:
