زياره لمكتبة …………….. فراشة :)

بداية و قبل أي حاجة العنوان مسروووووق …. ❗ , بس مش مسروق من موضوع تاني والله ,,, لا ده مسرووق من برنامج إذاعي قديييييم ..

الناس اللي أولد فاشون زي حالاتي و كانوا غاويين إذاعه وهما صغيرين ممكن يفتكروا البرنامج ده .. كان إسمه زياره لمكتبه فلان على إذاعه الشرق الأوسط ….أيام بأه

كانت فكرة البرنامج بإختصار تقوم على القيام بزياره لأحد الشخصيات العامة و بالذات زياره مكتبته , والشخصية دي تتكلم عن أهم الكتب اللي بتعتز بيها في مكتبتها و إستفادت منها إية باختصار شدييييييييد ..

بصراحة كان في قمة المتعه , من كل بستان زهرة , ساعات كان يتكلموا عن كتب بتناقش شخصيات معينة … و ساعات كتب دينية و ساعات كتب علمية و ساعات روايات و شعر …

و لأني حاسة إننا قرايتنا قلت أوي عن زمان كلنا بلا إستثناء , فكرت إننا نعمل نفس الفكرة هنا في قسمنا الحبيب ,,

كل مرة نزور مكتبه فراشة ….. و باختصار تكلمنا فراشتنا المختاره عن أهم كتب أو روايه قريتها و أثرها في نفسها ….

ممكن مناقشه بسيطة على أهم كتاب تخلينا نستفيد كلنا من مكتبة الفراشة من غير ما نكون قريناها ………….. فكرة خبيثة مش كده للي مكسلين يقروا زي حالاتي دلوقتي …..

ممكن بأه نشوف أول فراشة … حتقولنا اية على مكتبتها أو أهم الكتب اللي أثرت فيها في حياتها ؟؟

في الإنتظار يا فراشات 😥