زوجي ومنتدى الفراشة !!!!

السلام عليكم يابنات
والله مشكلتي مضيقة انفاسي علي
انا يابنات متاابعة المنتدى بس مو دايما افضى وادخل النت البيت عندي والظروف وكل شي !
المهم هي مشكلتي مع زوجي !!!!
انا يابنات احيانا اقرا مواضيع عن مشاكل البنات هنا في كل الاقسام وارسلها لزوجي يقراها عشان يدعي لهم ومو قصدي حاجة بس ارسلها كذا يعني زي القصة !
المشكلة فايش انا عودته على الطبع هذا يقعد جنبي يقرا القصة او احفظها له او ارسله الرابط او اي حاجة
المصيبة الحين اكون مشغولة بالبيت واتفاجأ انه فاتح النت وعلى منتدى الفراشة والي يبدو لي مسجل عضوية فيه ويشارك في مواضيع ماني عارفة ايش هي !!
مو هذا الي موجع لي قلبي
المشكلة يطلع على امور كثيرة انا ماابغاه يعرفها يعني عن الدورة الشهرية والنفاس واللبس التنكري اللانجري ويدخل قسم الفراشة المول ويقرأ اشياء عن كريمات النكهات ويجي يرسلي الرابط يقولي سوي زي هذي !!!
اشتري زي الحرمة هذي !!!
شوفي هذي كيف مسويه مع زوجها واهله!!!
لدرجة انه صار يقرا بالادوية الشعبية للنفاس والله جاب لي رقم وحدة قال اطلبي منها عشان تعالجك !!!
يعني صار اعرف مني بالامور هذي فيه اشياء كثيرة المفترض ان زوجي مايعرفها الامني مو يكون خبرة في كل حاجة ويجي يدلني ويرسلي الروابط
يعني كذا محسسني بالتقصير واني مهملة لانه صار يطلع على امور بنات خلق الله
انا ندمااااااانة فتحت له مجال مسكر يعني لو على القصص يقراها وبس كان سكتنا بس يرسلي الروابط والارقام انا تفأجأت وزعلت بس ايش اسوي ؟؟ ايش الطريقة ؟؟
لدرجة صار اعرف مني بالاقمشة وقمصان النوم والخرابيط هذي؟؟
انا من اشهر كنت ارسله الروابط بس ابد ماتوقعت انه ممكن يكون حالي كذا معاه ويتغير علي !!
ليش ليش ؟؟؟
يعني كل جوانب القصور والجوانب العادية فيني صارت مكبرة بعينه !!
يعني ايش اكثر من انه يجيب لي رقم حرمة تبيع اعشاب ؟؟؟؟ للحريم ولامورهم الخاصة واكيد انتم عارفين ايش اقصد ؟؟؟
ايش الحل يابنات علموني ؟؟؟
والله محتارة وماني عارفة ايش اعمل ؟؟؟
واو قلت له بيفتكرها غيرة وتجيني مصايب ويقول انتي الي دليتيني عليه ؟
لدرجة اني جالسة معاه فصالة تاركني وفاتح المنتدى يقرا ويرد ؟؟ وماني عارفة وش يعمل ؟؟؟
يعني حتى لما اساله يقولي مشغول مشغول << عشان المنتدى ؟؟؟
بالله عليكم ايش الحل تعبت تعبت والندم كمان اتعبني اكثر .. وماني عارفة ايش اسم عضويته هنا يمكنه كمان يقرا موضوعي !!!! ياربي ايش اعمل له ؟؟
على فكرة انا من 6 اشهر متزوجة يعني لسى عروس .. يالله يابنات .. انتظركم ربنا يسعدكم دلوني
دلوني