عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباحكم / مسائكم ورد..۔
كيف حالكم يافراشات عساكم طيبين ؟؟
انا يا بنات متزوجه لي 3 سنوات والحمدلله وموظفه في الصحه .۔
مشكلتي مع زوجي يمكن كم وحده منكم تعانيها او اذا لحالي فهذي اعظم !!!
الحمدلله وظيفتي كانت من الشروط وولدت وماقصر الرجال جابلي شغاله والحمدلله
الحين شغالتي بتمشي وجيت اناقشه ودي انها ترجع وكذا عاد بدا بالسالفه اللي مانخلص منها
وليه ماتقعدين بالبيت وتقابلين عيالك والشغاله ماوراها الا وجع الراس ويصير كذا عيالنا يضيعون وتربيهم الشغالات
وانتي مو ميته جوع عشان تتمسكين بالوظيفه وانا وعيالك احق ونبي اهتمام و و و .۔
والله يرحم حريم اول عقل وثقل والوحده لاقلتلها حرف قالت سمع وطاعه ولاتفكر بشغالات ولا فلوس واكبر همها بيتها ولا تعقب ورا زوجها وترادده و و و .۔
والله قهر اشوف زميلاتي بالدوام ازواجهن معاهن دايم ويساندونهن ويركضون لهن لا صار شي ويفتخرون بكون حريمهم بهالمناصب
وانا لو يصير اللي يصير مااجيب له الطاري ودايم يحطم بالقطاع اللي انا فيه ويقارن ومستحيل اطري له اسخف شي يصير معي عشانه بيبدا يتحلطم ويسب وانتي المفروض بالبيت و و و
والله كرهني بحريم اول هالضعيفات ويقولي انتوا يهالجيل عندكم قولة تم للزوج مذله !!!!!!
افكر استقيل والله لانني تعبت وصرت من جد مخنوقه كل شي عنده صعب وكل طلباتي خرابيط وويني عن حريم اول!!!
الله يعين بس ،، قولوا لو انتم بمكاني وش تسوون!
قبل اروح مره وانا معصبه وقاعد يقولي باتزوج و كذا قلتله يااخي ليه اخذتني قايل لاهلك يدورون لك من حريم اول لاتظلمني ولا اظلمك!!! قهرني والله يسامحه
