زوجي واسراري…هاااام

السلام عليكم ورحمة الله وبركاته
اخواتي اليوم انا بقولكم ع مشكله متعبتني وابي منكم المشوره
المشكله هي زوجي
زوجي انسان طيب وفيه خير يعني من يوم اخذته ماشفت عليه شي مو زين الا شي واحد رافع ضغطي:)ااااه قاهرني
الشي هذا هو انه يطلع اسراري لأهله يعني تخيلوا مااسوي شي ولا اخطي خطوه الا امه وخواته عندهم خبر
انا بصراحه ماكنت اتمنى كذا كنت اتمنى اذا تقفل باب بيتي علي انا وزوجي محد يعرف شي عنا لا اهلي ولا اهله
ماتصدقون لو اقولكم انه يقولهم حتى ع التفاصيل البسيطه
وش طبخت وين رحت ومن ين جيت حتى لو كان يكلمهم ومريت من قدامه قال شفيها تمشي قدامي
انا تعبت احس بيتي ماله خصوصيه
مليت من هالوضع
تكلمت معاه وفهته ان هذا شي خطا وان هذي اسرارنا لازم نحافظ عليها لاكن لاحياة لمن تنادي يقول طيب بس يسكتني
قولولي وش السواة الله يجزاه الجنه اللي ترد علي ويسخرله قلب زوجه ويسعدها في دنياه واخرتها
تكفوووووون شورو علي 💡