زوجي وابويي الله يحفظهم ليي بــس ..!!

السلام عليكم ..

شخباركم فراشات ..

ماني عارفة شنو اكتب لكم بس في البداية بعطيكم نبذه عني ..
آنه بنت بين ماشاء الله 4 شباب ..
وكنت ومازلت دلوعة ابوها ,,

الحمدالله حياتي الزوجية ممتازة بس الوالد الله يحفظه وااايد يغاار من زوجي ..
واحياناً احس ابووي مايحب زوجي ..
الاحظ تعامله مع الناس غير ومع زوجي بالذات غير ..
بس دائماً كنت اقول لزوجي ان ابوي اهو طبعه جذي مع كل الناس ..
ياربي سامحني لان قاعده اكذب .. بس والله علشان مابي زوجي يكره ابووي ..
او اغير تعامله ويااه ..
بس خايفة من هالشي وااايد واقعد افكر طوول الوقت في هذا الشي ..
يعني تخيلو زوجي يروح يبي يقعد مع ابووي ,, ابويي بس يسلم يقعد وياه ثواني بس ويطلع عنه ..
وحتى اذا قعد وتكلم يبي بس اهو اللي يتكلم واذا اتكلم زوجي بس يسمعه شووي ويقاطعه ويغير الموضوع ..
وزوجي بس علشان خاطري قاعد يروح بيت اهلي وانا مابي تتغير العلاقة وتصير لاسمح الله مشكلة بينهم 😉

ياريت اللي عندها نصيحة تنصحني فيها ..