عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا عسلات ..
شخباركم شخبار الكروش والتسبود (للي توهم بالوحم ..)
اكيد هذا القسم الي بيفهمني عاد مدري الا موضوعي بالحياة الزوجية واذا صار بالزوجية ودوه لقلبك
المهم يا حوامل <<مستانسة انها حامل
اقولكم اني احس بحرقاااان فضييييييييع احس اني اذا زفرت بقوه باصير مثل التنين الي يطلع منه ناار..من جد احس كذا شوي واتخيل خشتي تنين
كني بديت اسولف ؟؟
القصة يا حلوات ان وحامي في حملي الاول كان شديييييد جدا جدا جدا وحملي هذا الحمدلله الحمدلله مليون على الله ثم على حبوب الغثيان اخف بكثييييير يمكن 75%
بس الصراحة ليتي على وحامي الاول تدرون ليش؟
بالاول كنت بس نايمة على فراشي ولا احط عيني بزوجي وكان يداريني كثيير ويخاف علي كثيير وووو
بحملي هذا هماه شافني ما طحت زي الاول ..الله لا يوريكم يابنات كل يوم زعلان ..يبغاني زي الاول اضحك له وافرفش له واتحمله
مو فاااهم اني اتوحم بس مو شديد
مثلا اذا اكلت كثير الحين خلاص ماالي خلق شي كأني بوحامي الاول
وهو ما يتفهم الشي هذا..(ليه مكشرة ..ليه متنرفزة..)مرة دخل وهاوش هاوش هاوش الين قال بس..مالي خلق اسأله وكذا..بعد اسبوعين من الزعل قلتله ترا ما صارت وش السالفة؟؟قال:لانك يوم أدخل البيت ماتقومين تستقبليني وتتبسمين لي ووووو .
طيب جزاي اني متحملة نفسي وماتدلعت
وقعدت عندك وقابلت البيت..ونفس الوقت هذا بحملي الاول الله عالم ايش حالتنا كانت
المهم اني من حملت وحنا متخاصمين..ما نرضا الا علشان هوشة جديدة
وخبركم الحامل يأثر عليها خصوصا الاشهر الاولى النفسية زفت
واذا شفت التعامل هذا منه يجيني شعور التنين الآنف الذكر وكبدي تقوم علي واحس بحرقان يابنات من جد يشويني والله ما ابالغ..
المحروس بدل ما يخفف عني صار يزيد وحمي
ليه يازوجي العزيز ..؟
آخر مثال (توه خافه آثار الحرقان من تبعاته) رحت امس لاهلي ورجعني تو اول ما دخلت البييت مافسخت العباية الاهو طاير لغرفة النوم وصاك الباب..وياحلاتي متسلفة روج اختي متزينه له!!وابدأ الحس الروج علشان يروح
رحت وانسدحت ع الكنب 10 دقايق وطلع جاء اخذ منديل من جنبي ورجع للغرفة وسكر الباب!!
والله يا عالم يوم اروح امس ماااافيه الا العافية وقسم
بنات عطاني انواااع وحم من اختراعه
يبيني اترقص له واتضيحك له ..هو يحسبني شكلي كذا من سوء اخلاقي ولا زعلانه زي كذا
انا اتأثر يضيق صدري ويأثر على باطنيتي كأنه ضغط زر زيادة الوحم..لا هوب الي خفف الوحم ولا هب الي كفاني شره
شرايكم اوقف حبوب الغثيان ارجع لوحمي الاول يمكن تستقر حالتي؟؟
