زوجي اصغر مني وانا زوجته الثانية

السلام عليكم خواتي
الحقيقة ما اعرف مشكلتي جديدة ولا ما في منها بالمجتمع العربي الحين, انا عمري 34 سنة وصارلي سنتين من تزوجت كنت ارملة وما عندي اطفال بس صار النصيب من شاب صديق العائلة ما متفاهم ويا زوجنه وهو مزيون ومؤدب تزوجته واهلي حبوه كثير بالبداية كنت فرحانة بيه و مو حاسة بشي بس بعدين بمرور الايام صار عندي غيرة من زوجتة الثانية يخليهة تلبس جينز وتعمل شغلات مثل السوريات ابد مو محتشمة وكلشي برايهة وانه دايما يحاسبني ويعصب علي واللي زاد الطين بلة انه هية عدهة ولد وانه للحين ما صار عندي شي وكاعد اتعالج من هرمون الحليب ,اني صار عندي عقدة من اسمهة وشكلهة حتى وفوك كل وجع الراس زوجي ما يشبع من النسوان يا خوات احنه بامريكا والبنات اشكال والوان وزوجي ما يبطل يطلع فيهم وانا امشي معاه وما يبطل يتفرج افلام اباحية وصور تلعب الروح ومن اكولة يكول عادي كل الرياجيل هيج بس انتي ما تعرفين,مع العلم زوجته الاولى مزيونة طويلة وبيظة عمرهة 19 سنة وانا الحمد الله مربوعة ومتروسة عبالك عمري 25 سنة وكل جماعتة حاسديه علينة بالمناسبة زوجته الاولى عايشة بسوريا يزورهة كل شهرين بس المهم عنده حريم 2 وبعده يدور والحين انا صرت بغار من كل النسوان والله من وراه وما اعرف شسوي.