زوجي أطيعه بس أمي وأبوي مو مهم أطيعهم عندهم غيري يطيعهم

صباحكمـ معطربـ فل ونرجس ,,, مسـائكـمـ معطر بـ مسك وكافور

انا ودي اتكلم معكم عن موقف يتكرر بشكل يومي وفي اغلب البيوت إلا ماقل وندر

( إاللي هـــــــــو )
( الموقف الأول)
يدخل الأبو جاي من العمل او من اي مكان منهد حيله

ويشوف بنته ساره جالسه

على الاب توب ساره قومي جيبي لي كاسة مويه وحطي لي شئ اكله
ميت جوع …~

ساره طيب دقيقه و بقوم

تمر الدقيقه وتجر معها دقايق وتتحول الدقيقه الـى ساعه والأبو المسكين ينتظرر والبنت قاعده على المسنجر مع صديقاتها

او تنتظر لما يخلص البرنامج اللي تتابعه في التلفزيون

وهو يلا يابنتي قومي جيبي لي مويه وهي ولاهي هامها ماعندها

إلا لحظه وشوي وبقوم ..~

طيب إلـى متى من اهم شغلك اللي مو مهم والا ابوك

اللي يذبح نفسه لو شاف دمعه نازله من عيونك”،”

(موقف ثاني)

تجلس الأم من النوم (القيلوله) وتشوف بنتها نوره تكلم صديقتها في التلفون

نوره قومي سوي لي شاي احس راسي مصدع

وقبل ماتكمل الأم كلمتها إلا وتسمع صرخة نوره تهز البيت

يــــــــــــــــــــــــــــــاربي مافي إلا انا تقولين لي قولي لـ/ مشاعل << قصدهاأختها