زوجها وللا دراستهاا؟؟؟

كيفكم بنات ؟
راح ابدأبلمشكلة على طول..
المشكلة مش تبعي المشكلة لصديقتي عزيزة عليا مرررررة .. 😆 🙂
اتزوجنا انا وياها فنفس السنة بس هيا قبلي بشهر >>>>>خلصينا..
المهم لها تقريبا 6 سنين متزوجة غلقت الثنوية وتزوجت على طول وكل ماتبغى تكمل دراستها زوجها يقللها المادة ماتسمح تقوللو طيب اهلي بيتكلفوا بلدراسة وانت وديني وجيبني يقولها لاء انا زوجك وعيشي على قدي 😳 …..>>>>ياسلااااام حلوة دي يعني تضحي بمستقبلها على شان وجهو …
المهم البنت سكتت وقالت خلاص اصبر شوية وصبرت مسكينة …وصبرت..الان جاها عرض مرررة حلو انا تدرس لغة انجليزي ويسير عندها توفل بمبلغ حلو ومناسب واهلها هما اللي بدهم يدفعوا
اتخيلو يعني البنت صارلها 6 سنين ولا اتعلمت اي شي لالغة ولا كومبيوتر ولا جامعة …وفوق الستة سنين اللي قاعتلوا فيها في البيت بين تنضيف وطبيخ وتربية كمان رفض العرض الاخير والله مررررة يقهر ليش يوقف فطريقها وهيا مسكينة تبغى تحقق طموحها الموضوع حصل امس وعلى طول دقت عليا جوال وهياتبكيييييي ➡ ونامت وهيا زعلانة مرررة والله اليوم في الضهر لما قامت من النوم فطرت وكل شي وهياقايمة تغسل اللا داخت البنت اغمى عليها وما في احد عندها بلبيت غير الولد 4 سنين والبنت 1سنة على بالهم امهم نايمة والحمدلله قامت بلسلامة ودقت على زوجها وقالتلو على طول جاها البيت..وكأنو حاسس انو هوا السبب..يسلم عليها وما ادري ايش ولا قلها خلاص روحي كملي دراستك لاء سااااكت …..مرررة ينرفز ..ولا وةدها المستشفى علشان لايقولولو ارتفع الضغط عندها ويحس انو هوا السبب..
انا اتوقع انو ارتفع الضغط عندها ..
بنات قولوا انتو رايكم واش تنصحوا ؟
هل تفضل على كلام زوجها ولا تسيبوا وتروح عند اهلهاوتزعل (يعني يعني)
معلومة بس: هوا مررة يحبها واي شي تبغاه يجبلها هوا ..بس المشكلة في الدراااااسة..
اتمنى انكم ماتتجاهلوالموضوع..