زوجها حلف عليه ونسي ……كيف الوضع يكون

السلام عليكم ورحمة الله وبركاته
اخواتي الفراشات بحكيكم مشكلة اعز صديقاتي وانا متاكدة انكم رايحين تقدرو تساااااااعدوني في حلها لاني اثق بحكمتكن …………….ورايحه انقلها جميع الردود لكن الرجاء اللي عندها رد موكويس لاترد واللي عندها حل تذكره وربي يجعله في موازين حسناته
المهم زميلتي دائم على خلافات مع زوجها وهي الحمدلله علاقتها بربنا ان شاء الله انها كويسه
وزوجها طبيعة عمله خارج المدينه اللي هي تسكنها يعني يسافر يومين لعمله ويجي عندها اربع ايام وهكذا وهذا حاله من يوم زواجها ولهم على هذا الحال 10 سنوات واتعودت هي انها تخلص حاجياتها ومشتروتها في حال غيابه وهو من ناحية الثقه يثق فيها ثقه عمياء
السالفه انه اهل زوجها برضو ساكنين خارج المدينه ولماتكون واحده من قرايب زوجها بتتزوج تنزل عند زميلتي وهي متعوده تقضي لكل عرايس اهل زوجها من اخواته وبنات اخواته وهي تحتسب ذلك كنوع من تفريج الكربه عنهم لسوء المعيشه في القرى اللي يسكنونها
وفي يوم من الايام اتصلت زميلتي على زوجها في مقر عمله وقالتله ابغى اروح السوق واخذ ليموزين واولادها معاها طبعا هو وافق كالعاده وقاللها عادي روحي بس لاتتاخري
وراحت زميلتي السوق ورجعت ماطولت …..ولما جا زوجها من العمل كان معصب حده وصار يحقق معاها ليش رحتي وهي صارت تقوله انا استاذنت منك وانت اذنت لي وصار يحكيها عن الكلام اللي يقولو اصحابه عن التحرشات اللي بتصير للنساء من خلال الليموزينات وصارت مشاده بينهم مما جعل زوجها يحلف عليها ويقول (( علي الحرام لو رحتي طلب من غير اذني لاوديك بيت اهلك )) وانتهى ذاك اليوم بكل مشاكله
ومرت الايام وجات احدى العرائس (من اهل زوجها ) عندها عشان تتقضى للفرح ………….وزميلتي نسيت تماما الكلام اللي صدر من زوجها …………….وكمان هو نسي ………….وصارت تروح وتجي على السوق مع هذي العروس يمكن شهر كامل رايحين جايين ايام تتصل عليه وتقوله وايام تروح عادي لانه سامحلها على طول باستثناء هذيك الكلمه اللي قاللها
وبعد ماانتهى الفرح وراحت عروستهم وتقعد زميلتي مع نفسها بعد دوشة الفرح الا تتذكر هذا الكلالالالالالام تقول كان احد صافعني على وجهي ……………..راحت كلمت زوجها وفكرته بالكلام ……….طنش وماعطى الموضوع اهميه لانه كان في لحظة غضب ………..حتى لدرجة انه مو فاكر الكلام ……………المهم زميلتي مو عارفه ايش تسوي ……….خايفه تكون عايشه معاه بالحرام ………ايش تسوي واذا كان فيه كفاره هي مستعده تلتزم فيها ………………ارجوكم ساعدوها بارائكم لانها ماعندها احد تستشيره غيري 😡
انتظركم اخواتي الفراشات والله يفرج هم كل من يفرج عنه همهااااااااااااااااااا
واخر دعوانا ان الحمدلله رب العالمين