زوجة اخوي بتفقع مرارتي

السلام عليكم وكل عام وانتم بخير يابنات وش الحل مع زوجة اخوي قاهرتني كل حركاتها بايخه اول ماخطبناها تتصنعانها خجوله وطيوبه وتستحي ويوم تزوجها اخويقامت تنافخ وترفع خشمها على اخوي وعلينا كلنا الموهم هي سنكت معنا بنفس البيت وكل يوم وهي بمشكله نسمع صراخها يوميا في اليوم يمكن تصرخ عشرين مره واحيانا مو صراخ الا صراخ وضحك وربي ان يوم من الايام صارت تتدلع تصرخ وتضحك واخواني قاعدين باالحوش الا شوي وامي تهاوش اخواني قالت ادخلو يله طيب وش ذنبهم هي الي مااحترمت نفسها وماتقدر اذا اخوي ماعنده فلوس تقول دبر فلوس ابي السوق مالي شغل ويجي ياخذ مع امي ويوديها السوق يعني هبلت فينا واخوي يقول لاحد يزعلها ولايسمعها كلام مو زين لدرجا انها مره كذبت علينا وقالت لاخوي شوف خواتك احذفونيي من البيبي وش يقصدون احذوني ليش وقالت له يله احذفهم كلهم من عندك وفعلا حذفنا ولين اليوم ماعاد اضافنا تخيلو ولا تجي تلمح لاختي الصغيره تقعد تقول ليه انتي دايم سرحانه شكلك زي ضديقتي الفلانيه يوم تاخرت ماتزوجت جلست تسرح مثلك يعني ملتنطاق ابد اا ونتخاصم معاها عشان لاعاد تجي تحتك وثغثا وترجع تجي وتلمح بالكلام الي يغث وامس كنا سهرانين ونشوي وفله قالت اختي الكبيره خلوها تجي معنا تتونس وناديناها وجات اول ماجلست واخوي جالس معنا قالت حمودي روح صلح لي شاي ميراميه وزود السكر بس انتبه لاتخلي امك تصلح ماابي الا شايك تخيلو اخوي والله العظيم راح يدور في المطبخ للسكر والاغراض بيسوي لها الا واروح له قلت له ارجع اجلس معهم انا اصلح الشاي يابنات قولو لي وش اسوي مع ذا البنت والله احس انها بلوه ربي بلانا فيها