زواجي من معدد

السلام عليكم ورحمة الله وبركاته

بداايتن اتمنى قبل لا اطرح موضوعي الي يقراه ومايناسبه الموضوع بالذات الي يردون ويجرحون لان كل شي بالحياة وقناعات وانا موضوعي ماتعديت فيه شرع رب العالمين وتشرع لنا

الموضوع باختصار انا مطلقه من ثلاث سنوات تقريبا مريت بمرحله زواج جدا جدا سيئه والحمد الله بعد سنتين من المعاناة تطلقت وبدون اطفال هذا من فضل ربي علي

لي فتره من سنه تقريبا موضوع يقرقع براسي بالذات عقب مالاحظت كل خطابي متزوجين يكونو وكنت ارفض

لكن الحين بشكل جدي بديت اقتنع بالموضوع وزاد اقتناعي فيه لما فكرت ان بيكون لي خصوصيه اكبر من لو كنت زوجه لحالي

1يعني يمديني ارتاح مثلا باليوم الي يكون فيه الزوج عن الاولى بحيث لما يجي يومي اكون مستعده ومرتاحه نفسيا واكون كاشخه باستمرار وعندي وقت لها الشي

2 يكون عندي حرية بالايام الخاليه بزيارة اهلي ترتيب بيتي قضاء حاجاتي ومن هالاشياء

3 راحه لي شخصيا من جميع النواحي

4 يكون عندي مجال امارس هوايتي المفضله

5 الشغل مقسم على البيتين بالمناسبات مثلا

وغيرها وغيرها من الاشياء بالذات اذا الله رزقني وظيفه

وطبعا من شروطي يكون رجل عادل يعني ماتظلم زوجه عشان الثانيه وبعد ان نكون منفصلات يعني ولا وحده تدري عن هوا دار الثانيه بس ماوحده تظلم حق الثانيه

يكون رجل بمعنى الكلمه مايكون رجل بس يبي يتزوج يتسلى

وغيرها يكون مرتاح ماديا وقادر على الصرف على الزوجتين وفتح بيتين

طبعا انا الوالده شوي معارضه الموضوع بس انا شخصيا بديت امهدلها اني انا موافقه وماعندي مشكله بالذات ان الزواج مو بس حب وخرابيط لا مسؤوليه اكبر من اني اعيش لرجل فقط وانكر احتياجاتي مو غلط اخصص جزء لحياتي الزوجيه وبنفس الوقت جزء لحياتي الشخصيه

اتمنى اسمع ارائكم وبدون تجريح ولا احلل ولا ابيح اي وحده تدخل تقول كلام تجرحني فيه لان عارفه ان بعض عقليات الحريم الله يستر عليها

حتى الي عندهم اعتراض حياهم لكن باسلوب وذوق اتقبل رايهم بكل رحابة صدر والي تقولي تبني سعادتك على تعاسة غيرك من الحين ارد لو تعاسه لغيري وفيه ضرر لغيري ربي ماشرعه وحلله لكن غيري هي الي تسببت بتعاسة نفسها وهدمت بيتها بيدها