زعلانه عند اهلي

السلام عليكم ورحمة الله

كيف حالكم ياافرشات

بنات بدخل بالوضوع على طول

باقي لي كم يوم واكمل سنه من زواجي

زواجي جاء بسرعه وفجأه بدون ترتيب لدرجة ان بيتي ماجهز

قضيت شهوري الاولىبالتنقل بين الشقق المفروشه

وبعدين صرنا ننام بغرفة امه وطبعا كل مره لازم تصير مشاكل اني ماني قادره اتحمل هالوضع

اخو زوجي اهدانا غرفة نوم وطلعنا لبيتنا وجلست فيها شهرين انام بغرفه حتى مرتبه مافيها بدون لا سراميك ولا موكيت

لين فرشناها بشق الانفس

وباقي الشقه فاااااااااضيه حتى المطبخ مافيه شي

اكلنا جبن وخبز والله

زوجي كان موظف في شركة بترول بالشرقيه طنش الدوام لين انفصل

جلس تقريبا 6 شهور بدون وظيفه طبعا انواع المشاكل انواع الزعل وكنت ارحمه واسمح

والحين بيكمل شهر بوظيفه بشركو راتبها 3 الالف ريال بالرياض طبعا ماراح تسوي شي هالوظيفه لانقدر نأثث ولا نقدر نصرف

قبل 7 شهور فقدت ساعتي ذهب طلع بايعها

عطيته جوالي يصلحه اخذه وباعه

تاسف واعتذر وسامحت وعدني يعوضي لليوم ماشفت شي لان وضعه المادي من سيء لاسوء

قبل شهرين طلعت فيه باله فكره يطلع تاشيره سواق يطلعها ويبيعها عشان نقدر ناثث الشقه

حااول يدبر فلوس ماقدر وتضايق
ولجا لي وقال تقفلت بوجهه ابغى تبعين اي قطعه من ذهبك وافك زنقتي طبعا رفضت ابيع شي من ذهبي عطيته 1500 من راتبي لانه محتاج 2000 لاتاشيره

اخذ الفلوس وبمجرد ماخذ الفلوس شال الفكره من باله

طبعا قرض الزواج مااخذه ؟؟؟

وقبل 3 اسابيع تعبت نفسيتي لان الدوره متاخره علي صرت مااطيق شي وهو تغيرت معاملته معي بس يتامر

جيبي وحطي كني شغاله بدون احترام

صار عندي التهاب بالبول ماقدر اروح للحمام وانتوا بكرامه ونفسيتي صارت ازفتتتت

قلت بروح للمستشفى بالليل رحت لقينا طبيب مناوب رفض بحجت نه رجال قال اذا جاء الصبح وانتي كذا بوديك

قام من نومه وقومني واانا تعبانه قومي سوي لي فطور قلت والله مااقدر مره تعبانه وماافيني قال اصلا مافيك شي
قومي يالله وبعصبيه ونفخ طبعا انصدددددددددمت وانا تعبانه كذا يعاملني

قلت حرام عليك قال الحريم الوحده حامل وهذا طول بطنها تسوي كل شي

قمت وانا معصبه وقرفانه منه قال كل شي بالثلاجه حطيه

قلت تبغى شاي اسويه بغلاية اهلي هنا عصب على الاخررر قام وسحب الفيش وفتح باب الشقه ورامه من الدرجه وقال صلا انتي شايفه حالك اوديك بيت اهلك

جللللللللللللللللست ابكي وجيت بدق على اخوي طلع ماعندي رصيد قلت ماعندي رصيد قال انتي اللي مفقره حالك

تعبت ودخت شوي حسيت بستفرغ دخلت الحمام ماقدرت

دخلت ابلس عباتي بغرفتي طبعا وهو يقول شايفه حالك انك تصومين وتصلين انا لو ماخذ يهوديه احسن لي

قام وسحبني من يدي وطلعني من غرفتي

وخلاني انا افتح الباب الشقه واقفله واحنا طالعين …

رحت بيت اهلي ودموع على خدي

جاء المغرب وداني ابوي للمستوصف وسويت تحليل وطلعت حامل لي شهر ونص

طبعا ماقلت له اني حامل

ابوي الحين رافض ارجع له رغم ان زوجي يبغى يرجعني من اول يوم لكن ابوي يبغى لين يخلص الشقه وانا مع ابوي اصلا ماابغى ارجع له

اخذ قرض 20 الف وطبعا حط مطبخ فرش الصاله وشرا كنب

شقتي صاله وغرفة نوم ومطبخ وحمام لما قلت له ابغى اصبغ شقتي قال لا تضيقينها علي هذي استطاعتي

وانا برضيك ومن هالكلام قلت له الشقه اثاثها مو رضااوتي

رضااوتي غييير

الحين سوى الشقه عشان يقول لابوي سويت الشقه مو مهم شي حلو بنص يوم اثث الشقه

من جد بنااات تعبت مننننننننننننننننننننننننننننننننه

شووووووووورو علي