زبدة الشيا وعطارة الشهبندر اوقفوا هذه المسخره

مرحبا اخواتي الفراشات…..:P ➡ ❗

اتمنى تكونوا بأحسن حال
كلنا والجميع يعلم كم تحب المرأه ان تبحث عن الجمال وتسعى جاهده للمحافظه عليه 😡

لكن هذا مو معناته الاستسلام للاستهبال اللي قاعد يصير زبدة الشيا وماأدراك مازبدة الشيا صارت حديث الموسم وخبرها تناقلته الصحف والاخبار العالميه والدوليه انها حل لكل واي مشكله في بشرة الجسم مهما كانت وأيا كانت وانها الحل الاول والاخير ولا قبلها ولا بعدها وانها وانها وانها الين شكيت انها ممكن بمفعولها تحيي العظم وهو رميم انا ماأنكر ان لها فوائد كبيييره للبشره وانا بنفسي طالبتها وابي استخدمها في اقرب وقت ممكن ومررره متحمسه لنتائجها بس هذا مو معناته توصل للعب على العقول…. فكرت اتاجر فيها وعملت كافة الخطوات اللازمه من معلومات ومراسله الجهه المعتمده لتصدير الشيا في افريقيا ووووووو
بعدين هونت لسبب ما خارج عن ارادتي …..ياحلوين ربع الكيلو ان كثر وطقته الحمى مفروض سعره الاساسي 60 ريال كأعلى حد وهنا تاجرات بسم الله ماشاء الله تبارك الله تبيع الربع ب100 او150
حسيته شي مبالغ فيه بالعرررررررررررررررررررربي ماهي هاذي قيمة الربع من زبدة الشيا وقيسوا عاد عليها النصف والكيلو بكم المفرووووض يكون:)

كل هذا كوم والخبر الصاعقه اللي سمعته اليوم في اسواق العويس تحديدا عطارة الشهبندر النصاااااااابين اللي صدمني صاحبها مطوع لانه ماشاء الله ملتحي ودقنه طويل واسمه ابو عبد الله اذا هو يسوي كذا الله يهديه اجل غيره وش يسووون بالضبط!! هذا ايش مو حرام يبيع ربع الكيلو من زبدة الشيا ب900 ريال واقسم بالله العلي العظيم انه يوم قالي تنحت تتنيحه عجيبه 😐
والكيلو ب2000 الفين ريال سعودي
ياناس يامسلمين وش اللي قاعد يصير بالضبط ؟؟
مين المسؤول ؟
ووين المسؤلين؟ واش مهمتهم مع هالتسيب اللي قلنا مع قرارات الملك الجديده بتنضبط التجاره شوي الا انحاست اكثر!!

بكره بأذن الله بكلم مكافحة الفساد والغش التجاري وبقولهم عن هذي العطاره النصابه اللي كل شي فيها يزيدونه اضعااااف مضاعفه مو فرق عشره والا عشرين والا خمسين ولا حتى ميه ضارب اخينا في الله الاسعار ضرب…