عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
راح اتكلم عن شركة الشحن زاجل.هالمهزله اللي كل يوم وتالي تصير لنا من هالشركه زاجل..
معليش لو الموضوع ممنوع احطه ااو اي شي بس احسه ضروووري للتاجرات وللزبونات حتى ماتعتمد اعتماد كليا على هذي الشركه
ومو من تجربتي انا كثيييير وانا تعرضت لمواقف كثيره معهم مو بس موقف واحد عشان احكم عليهم
……..
وهذي فعايلهم:
زاجل سرقني
عندي طلب من الرياض الى الدمام المفروض يوصل يوم الاربعاء
ولا جاه وكل ماتصل عليهم يقول غريبه المفروض يكون واصل ثاني يوم
انا مادي مين الي المفروض يستغرب انا ولاهم
ومره ثانيه ويقول داه الطلب راح جده
ومرثانيه يقول مقال راح جده نحن يطلع من الرياض وعلى طول يجي الدمام تاني يوم
قلت افضل شي اروح بنفسي المكتب وراحت المكتب وقابلت المسؤل واخذ البيانات وقال راح نتصل فيك
ولا شفت شي
واتصلت على الرقم الموحد في زاجل ال920000177
وكلمتهم ويرد واحد سوداني يقول ماقدر افيدك بشي لازم تجي بنفسك اقوله انا في الدمام
يقول والله ماقدر افيدك بشي حتي مااخذ رقم الطلب ولاسال شي عن البيانات مادري لايش يبغاني اجي
شكلي بدور معهم في المستودع
واتصلت مره ثانيه حرقت التلفون على الفرع الدمام وسألت كم راح تعوض عن الطلب اذا ضاع يقول 50 ريال
شكلي امزح معاهم وكل ماتصل على الفرع ياخذ رقم الطلب ويقول راح نتصل فيك ولا اشوف شي….
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
بخصوص طلبيه بزاجل ب600 ريال ضيعوها علي الله لا يوفقهم
ولا يجعل ماله حلال كل من له السبب في ضياعها ….
صار لي اكثر من شهر واخوي يطارد وراء هالشركه الخايسه التعبانه
وكل موضفيها مايخافون الله من الاداره إلى العماله بكافه جنسياتهم
كل يوم بكره نشوف مشكلتك كل يوم بكره كل يوم بكره
إلى متى هالبكره صار لنا شهر او اكثر كمان
*********************************
هالموضوع خاص للي يبي له شكوى عليهم او مضيعين له طلب
او فاتحين له طلبه (بعد الشحن) مو قبل الشحن لأن قبل الشحن مو مشكله نقول من حقهم
مايصير نسكت على اللي يسوونه لان السكوت بيخلونهم يتمادو اكثر
المشكله كنت امدح واشكر فيهم وكل ماسألني احد عن شركه اقعد امدح لهم في زاجل
خساره فيهم والله هالمدح اللي مدحته
لازم هالموضوع يصير تجمع للشركات الشحن الفاشله ومشاكلهم
وعلى رأسهم شركه زاجل
*******************************************
حسبي الله عليكم ياااااااااااا إداره زاجل
حسبي الله عليكم ياااااااااااا إداره زاجل
لو الاداره مو فاشله ماكانو العمال نهبونا
كنت بسكت لو على الل 600 بس
اكيد بعضهم يشوفها قليله لكن انا اشوفها كثيره
اضطر مندوبي اليومين اللي راحو يشحن زاجل لان زي ماعودته الشحن على زاجل
نيست ماخبره اني غيرت يصير الشحن على المقيطيب او اي شركه اخرى
الطلب الاول كان عطور
البنت قالت كرتونتها مفتوحة وناقص طلبها عطرين
والثانيه سلموها طلبها والكرتون مفتوح بس ماخذو منها شي لانها كانت اقلام ماجيك
اكيد شافو ماراح يستفيدو منها شي
على الاقل لو فيه ذره ذكاء كان رجعو شرططو الكرتونه عشان مايبان انهم فتحوها
——————————————-
واللي يقهر ويقهر
لا غلطت وارسلت طلبيه بالغلط على مدينة ثانيه
لمن ادق على مكتبهم
يقولي حولي على حسابي 100 ريال وينقلني الرقم متعودين شكلهم وبعد ماتحولي
خبريني عشان ارجع اشحنها لك
خييير انا اللي اعرفه اذا ارسل طلب لمدينه بالغلط نروح لأداره فرعنا ونسوي طلب استرجاع وبس
مو موضفين مدينة المستلم يأخذون عموله عشان يرجعوها لنا
وياليت بعد الاداره تبع زاجل حق فرعنا تستجيب
لو ماالله رزقني ببنات بالصدفة بالمناطق يرروحون يتسلمون الطلب ويرجعو يحولها لي كان توهقت
اكرر واقول
*******************************************
حسبي الله عليكم ياااااااااااا إداره زاجل
حسبي الله عليكم ياااااااااااا إداره زاجل
قصص كثيره مع زاجل المعفنين ولكن اللي كتبته يعتبر اهم
شي
الله لا يبيح لهم بضاعه سرقوها او مال اخذوه بالباطل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مااحب اطييييييييييييييل عليكم وما خفي اعظم
اللي حاابه تتعرف سواتهم اكثر تراسلني ع الخاص <<<<<هههههههههههههه 🙁 اامزح
مااقدر احصر مشاكلهم هناا واطووول عليكم
اتمنى عدم حذف الموضوع لان فيه تنبيه لاخواتي وحبيباتي ماارضى عليهم اي شآآئكه
تحيااتي للمنتدى الغالي ع قلبي
😈 😆 🙄 😛 😡 😛 😆 🙂
