عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا وغلا بخواتي الفراشات عندي مشكله وأبغي المساعده منكم ياليت تفيدوني يزاكم الله
كل خير ….
أنا معرسه من 9 شهور والحين حامل بالشهر السابع المشكله انه من يوم ماحملت وأنا كل شهر تستويلي مشكله
مع ريلي والسبب امه الله يسامحها ..
مادري شو بلاها عليا حاطتني براسها وكل فتره تسويلي مشكله وتسير تشتكي عند ريلي وهو عاد مايقصر
يعصب ويزعل على طول وياليت المشاكل تسوى كلها تااافه وسخيفه بس هو الله يهديه مايفكر بهالشيء وكله يعاند وأي شيء تقوله امه هو الصح عنده ومايفكر ايي يسمع راي فالموضوع يزعل بسرعه ويضايج ويوم ايي
أبغي اتكلم معاه وافهمه السالفه وأراضيه حتى لو كنت هب غلطانه يقولي ماابغي اتكلم معاج ونقعد على هالحاله ثلاث أو اربع ايام وبعدين يفكر انه يكلمني…
والحين هو زعلان مني وأنا طلبت منه أني اسير ايلس عند اهلي لين ماتهدى السالفه ونشوف حل لنه مب حاله هاي كل يوم والثاني متضايجين ومانكلم بعض وأنا حامل ومافيني على عوار القلب الحين وصارلي يالسه عند
اهلي اسبوع وبصراحه واااايد مشتاقه حق ريلي ومايهون عليا يتم زعلان مني وأبغي اكتبله رساله عشان اراضيه
بس مب عارفه شو أقوله أبغي الرساله تخليه يرضى عني بسرررررررعه واتخليه ايي ياخذني من عند اهلي بأسرع وقت ..
ياليتني أعرف أكتبها بروحي ومااتعبكم وياي بس والله مب عارفه والمشكله اني مااعرف اعبر عدل
وأخاف لو كتبتها بروحي يطنشني شهر هههههه ..
اتمنى انكم تساعدوني وماتبخلون عليا باللي تقدرون عليه …
ويزاكم الله خير ….
