عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلاام يا فراشات
كيفكم
اتمنى انكم تقرو موضوعي وتقولولي رايكم
والله جالسة اكتب لكم وانا ابكي 
قصتي وما فيها …………
انا متزوجة ليا 8 شهور وحامل في الشهر الخامس
في رمضان كنت بأكلم امي من جوال زوجي وفجأة مدري كيف فتحت الرسايل
لقيت انو مرسل رسالة لبنت
انا اتفاجات وانصدمت وبكيت وبغيت اموت وقتها
وعدت فترة يومين وفتحت معاه الموضوع قاللي انو اخوه اللي ارسل الرسالة ومن ده الكلام
والمصيبة انو الرقم مخزن باسم صاااااااااااااااااحبو ➡
طيب هادا الشي مشيتو لأنو كنا داخلين على عيد ومابغى نكد وزعل
مر رمضان جا شووووووال ودحين نحن في القعدة
يوم الأحد اللي فات فتحت الجهاز الاب حق زوجي عشان ابغى انزل بحث
لقيتو داخل على موقع تعارف وكان حاطط على بروفايل وحدة الله يحرقها
انا انقهرت لييش انا ايش سويتلو 🙂
وكان حااطط انو يبغى علاقة عاطفية وصداقات
انا انهرت يوومها ماعرفت ايش اسووي جلست طول اليوم ابكي
ولمن جيت اكلمو عصب عليا ورفع صوتو
وصار يقوللي انتي تدخلي الشك بيننا الحياة اللي بيننا مالها داعي ومن ده الكلام 😆 🙂
وبعدها بيومين ..
مدري ايش خلاني افتح جوالو وهوا نايم
لقيت رسالة لوحدة وراسل ايميلو
انا خلااص والله انو ربي ستر لصار فيني شي
ومتى قالت الزفت حتكلمو على المسن وقت مانا في الكلية 😐 🙂
والله طوول اليوم وانا في الكلية ابكي كل مافتكر ابكي
ليش ؟؟؟ والله انا ماقصرت معاه في شي
وفي نفس اليوم
جيت عنده وهوا مسدوح قلت في نفسي يا بنت الحلال روحي اتفاهمي معاه
خلاص مو حلوة الجلسة كدة هوا زعلان وانتي زعلانة
الواحد فينا يتنازل شوووية
حتقولو ليش ماكلمو في وقت تاني
زوجي دوامو شفتات والشفت ده معفن من 6 المغرب ل 4الفجر
دخلت عنده وقتلو اني ابغى اتفاهم معاه
قسسسسسسسم بالله انو هب فيا انا قلت حيموتني
طردني من غرفتي طردة الكلب
وصار يهددني ورمى الابجوورة
<<<<<<< والله وانا جيتو بأسلووووووووووب هادي مرررررررة
انا انقهرت على نفسي مرررررة
شلت شنطتي وجيت على بيت اهلي
يا بنات ماني عارفة ايش اسووي
انا عارفة انو طلعتي من بيتي غلط في غلط
بس ايش اسووي ابغاه ولو مرة في حياتو يعتذرلي
** اذا حسيت انو خان وكمان بس ياخدني بالصووت ماعمرو عرف اتفاهم معايا زي البشر **
ابغاه يرجعلي كرامتي اللي هزها بحركاتو
والله يا بنات احبو وهوا مرة طيب معايا وحنون
ويخاف ربنا
ويصلي ويموت عليا
بس ماني عارفة ليش سوا كدة معايا
يمكن نزوة شيطان انا صار لي 4 ايام عند امي حتى مافكر يبرر موقفو
الله يرضى عليكم ريحوني يا حريم
حالتي النفسية زفت في زفت 😳
