مرحبا يا أحلى فراشات ،،، أنتوا ابتعرفوا انو رمضان على الأبواب” اللهم بلغنا رمضان ” ومرات كتيير بيزيد وزننا وابنتفاجئ في العيد إنو ما في ملابس ابتيجي علينا زي الناس
لهيك انا ناوية إن شاء الله من اليوم لقبل رمضان باسبوع إني أصوم ، وحابة استغل هاي الأيام برجيم وأنحف إن شاء الله …. مين عندها يافراشات رجيم للصيام يكون كويس وسريع .
رح أحكيلكم نظامي اللي اخترعتو لحالي واللي عندها واحد أحسن ومجرب ياريت ما تبخل علينا
➡
الإفطار: تمر 1- 3 تمرات و ماء
ثم صلاة المغرب
بعد الصلاة: شوربة أي نوع بس مش الشوربات الدسمة
لبن
أو سلطة و دجاج أو لحم
وبعد ساعتين عصير اناناس
وإزا جعت رح آكل تفاح
السحور: حليب قليل الدسم و تمر
أو تفاح
شو رأيكم؟؟؟؟
إن شاء الله رح أخبركم شو بيصير معي ،،، وأكم بنحف ليساعدكم في رمضان
وازا في وحدة حابة تبدأ معي حياها الله