روووووووووووووووووووووووووووووووعة

يلا نعرف مع بعض

للآي شادو أنواع متعددة!!

فيه أنواع كثيرة للآي شادو وكل نوع من الأنواع ذي بيختلف عن الثاني، وله وقت معين للاستخدام بتلاقي…

الآي شادو المطفي أو المط

مناسب أكتر في ماكياج الصباح؛ لأنه يدي إطلالة كلاسيكية بسيطة للعين.

الآي شادو اللامع

مناسب في ماكياج السهرات، وممكن تحطيه أسفل الحواجب، علشان تدي إضاءة للمنطقة ذي.

الآي شادو السائل أو المائي

مناسب أيضا في ماكياج السهرات، بس عيبه الوحيدماتقدرين تتحكمي فيه من عند الجوانب، ومحتاج حد عنده خبرة كبيرة في وضع الماكياج.

كيف ترسمي عينيكي بالآي شادو؟!

مو لازم تحطي آي شادو كثير أو الوان كثيرة فوق الجفون؛ لكن ممكن تستخدمي لونين اثنين وبس؛ لون فاتح ولون غامق وتحصلي على رسمة في منتهي البساطة والجمال، كمان ممكن تدمجي اللونين مع بعضهم علشان تعملي تدريج في الألوان…

وعلى فكرة اختيار ألوان الآي شادو راجع للون العين ولون الشعر ولون اللبس وأيضاً المناسبة، وعلشان يكون الماكياج ناجح ويكون الشكل جذاب ومبهر لازم تحددي كل الحاجات قبل وضع الآي شادو.

كيف تختاري الآي شادو المناسب للون عينيكي؟!

فيه ألوان كثيرة جداً للآي شادو، واختيار اللون المناسب بيكون على حسب لون عينيكي؛ فلو كنت صاحبة…

• عيون زرقاء
بتلاقي إن أكثر الألوان المناسبة ليكي هي الألوان الغامقة زي الأسود والرمادي والأزرق، ولوتبغي تفتحي اللون شوية ممكن تستخدمي الروز والأبيض وممكن البني اللي بيكون مائل للذهبي شويه وممكن تحطي الأبيض اللامع أسفل الحواجب.

• عيون خضراء أو عسلية
بتناسبك البنيات كلها والبيج والبرونزي والأبيض والنحاسي والأخضر والألوان هاذيي بتعمل ميكس حلو مع العين الخضراء.

• عيون سوداء أو بني غامق
بتناسبك كل ألوان البنيات بدرجاتها المختلفة والرمادي والأسود، وأيضاً البيج والذهبي والأبيض والأوف وايت، وكمان البرتقالي مع البنيات هيكون حلو جداً.

كيف تختاري الآي شادو المناسب لشكل عينيكي؟!

كل عين ولها ألوان آي شادو مناسبة؛ فمثلا…

• العين الضيقة
يناسبها الألوان الناعمة والفاتحة من الآي شادو وبكمية قليلة لإن كل ما كمية الآي شادو بتزيد كل ما تظهر العين بشكل أصغر.

• العين الواسعة
أما العين الواسعة والبارزة فبيناسبها ألوان غامقة وبكميات أكبر وبالشكل هاذا تقلل شوية من بروز العين.

كيف تستخدمي الآي شادو في معالجة عيوب الوجه؟!

فيه عيوب ممكن تكون موجودة في الوجه زي مثلا إن المسافة بين زاوية العين الداخلية وعظمة الأنف صغيرة يبقي في الوقت هاذا تحطي لون غامق عند الزاوية الخارجية للعين، وتسحبيه شوية لبره علشان تحصلي على شكل أوسع لعينيكي، أما لو كانت المسافة بين الزاوية الداخلية للعين وعظمة الأنف كبيرة يبقي تحطي اللون الغامق من عند بداية العين علشان تقللي شوية المسافة بينهم.

كيف ترسمي عينيك في المناسبات؟!

لو كان عندك مناسبةوتبي ترسمي عينيك بشكل كويس باستخدام الآي شادو، يبقي تحتاجي أربع ألوان وهم…

-1-

اللون الأول: وبيكون لون محايد وبيوضع على كامل الجفن.

-2-

اللون الثاني:هاذا بيكون للون الأساسي، وبيكون لون اللبس أو اللون اللي إنتي تبيه، ويوضع على منطقة الجفن من النصف وهي مثل الـbanana .

-3-

اللون الثالث: بيكون درجة أغمق بتزودي بيها الزاوية الخارجية، وبتحطيه على شكل خط رفيع فوق العين، وبعدين تطلعيه للخارج إلى آخر فتحة العين، وتخليه قريب جداً من الرموش، وعلشان تعملي شكل حلو كمان ممكن تسيبي الخط الرفيع فوق العين من غير ما تسيحيه؛ لكن لو كانت عينيكي ضيقة يبقي حاولي إنك تعملي تمويجه بالآي شادو الغامق، وممكن كمان تحطي اللون الغامق على الرموش السفلية بفرشة رفيعة جداً من منتصف العين إلى خارج العين والطريقة بتدي شكل أحلى وأوسع للعين.

-4-

اللون الرابع: وبيكون أبيض أو أوف وايت، ويوضع أسفل الحواجب لكي يعطي نظرة مشرقة للعين.

كيف أعمل ميكس بين ألوان الآي شادو؟!

ما في قاعدة عامة في الألوان لكن فيه بعض الألوان تعمل تناغم حلو مع بعضها وبتدي انطباعات مختلفة للعين زي مثلاً…

الأسود Smokey eyes مع الألوان الفاتحة تحت الحواجب بيعمل لمسة جريئة للعين.

اللون الرمادي لون باهت شويه، علشان كذه مش لازم تكثري منه لكن ممكن تدمجيه مع الأبيض أو البيج أو البني.

اللون الأصفر بيدي إضاءة وممكن تستخدميه مع الألوان الترابية.

الآي شادو الأخضر بلاش تحطيه لوحده لإنه بيعطي نظرة باهته للعين لكن بيكون حلو مع البني أو الأسود أو البرتقالي أو الذهبي.

اللون الأزرق لون جميل والعين بتحبه؛ لكن من الأفضل إنك تدخليه مع لون ثاني زي الأبيض أو الرمادي، وأيضاً ممكن تمزجيه مع الأسود علشان يديكي درجات الأزرق الغامق، وبيكون حلو، وهو موضة هذا العام، واللونين مع بعض أساسيين في الماكياج الخليجي.

اللون الذهبي أو الأوف وايت أو البيج بيضفي نور على الجفن وممكن تمزجيه مع الألوان الغامقة لإنه بيدي شكل تحفة.

الألوان اللامعة ممكن تستخدميها تحت الحواجب أو عند زاوية العين من الداخل لإنها بتعمل إشراقة حلوة أوي بس بلاش تحطيها على الجفن نفسه لإن الشكل يطلع وععععع.

وفي النهاية
أنا بانصح دايما أي بنت تستخدم الألوان الفاتحة زي البيج والأبيض والبني الفاتح

لأن الألوان هاذي بتساعد على علاج مشاكل كثيرة
زي مثلا مشكلة الهالات السوداء…
وبتدي شكل مشرق للعين