روايه غزلان كامله لا تفوتكم

رواية غزلان..؟…
ان شاء الله تعجبكم وادعولي

الجــــــ 1 ــــــزء

ام جراح .. بصراخ : حرام عليك خاف الله فيني وفي عيالك شذنبهم هالمساكين
تاركهم ولاهي بالسم اللي تشربه قوم كلمني اصحى
ابو جراح .. وهو سكران : يؤؤؤ اذلفي عني لا اكسر راسك أذلفي طيرتي السكرى من راسي
ام جراح : ياربي ياربي عوضني خير قوم ولدك بيموت حرارته مرتفعه قوم
ابو جراح : موتتك كلب طسي وسكري الباب وراك
ام جراح .. وتبكي : حسبي الله ونعم الوكيل

جراح يركض : ماما فارس مايكلمني
ام جراح تركض : ولدي

تدخل الغرفه وتاخذ ولدها تلبس عباتها وتركض بالشارع على بيت جارهم
وقامت تضرب الباب بقوه فتح الباب جارهم

ابو عصام : خير يا ام جراح شفيك
ام جراح : تكفا يابو عصام الولد بيموت وماعندي احد يوديه المستشفى
ابو عصام : افا وانا ابو عصام يالله يالله مشينا

ويروح ابو عصام وام جراح ولدها فارس وجراح للمستشفى

دخلوا الولد عند الطبيب فحصه وحطه تحت الملاحظه

ام جراح : مشكور يا ابو عصام تعبناك معانا
ابو عصام : يا ام جراح يقول المثل الناس لناس والكل بالله وهذا حق واجب
وماننسى وقفتك مع ام عصام يوم تظني بنتهاا
…………………………………….

ابو جراح :يصيح على جواهر :قولي لي ماما وين
جواهر وتبكي : مدلي ماما لاحت تبيب
ابو جراح : وليش راحت الطبيب وخلتك بالبيت بروحك
جواهر: أأأأأأأأأأأأأأأأأأأأ … قامت تبكي
ابو جراح : بس اسكتي لا اكسر سنونك بس ولا كلمه
جواهر: بين شهاق : تحاول تكتم بكيتها عشان ابوها ما يطقها

بعد دقايق دخلت ام جراح وشايله بيدها ولدها فارس اللي كان مريض حيل

ابو جراح : شرفت الهانم ممكن اعرف وين كنتي

ام جراح .. كملت طريقها من غير ما ترد عليه وحطت ولدها على السرير

ابو جراح ويمسكها من ايدها : لا كلمتك ردي علي لا تسفهيني فاهمه
ام جراح: وين كنت بعد اودي ولدك الطبيب اللي بغى يموت
ابو جراح : بصراخ . مع منو رحتي مع منو علميني
ام جراح : مع ابو عصام الله يجزاه خير
ابو جراح : وينهال على ام جراح طق : ليش تروحين مع رجال غريب
وراكبه معاه.. كم مره قايل لك هاناس مالك شغل فيهم
ام جراح : بترجي : الولد كان بيموت بين ايدي
ابو جراح : وان شالله لو يموت وتطلع روحه تنثبرين هني لين انا اقوم واوديه
فاهمه
ام جراح : خلاص فاهمه بس تكفا هدني هدني

جراح كان حاظن اخته جواهر اللي ماتعدى عمرها 4 سنوات واخوه فارس اللي كان يهذي من المرض ويبكي حيل خايف من ابوه

ام جراح : خلاص تكفى بتطيح اللي في بطني
ابو جراح : احسن اصلن انا اشك انه من صلبي
ام جراح: خاف الله حرام عليك ربي فوقك يحاسبك على اللي تسويه فيني انا وعيالي

غزلان .. وتهز كتف امها .. هيه يما سرحانه بمنو هااه بدينا بالسرحان
ام جراح : لالا بس طرى على بالي ابوك
غزلان: يؤؤؤ يماا متى بتنسين ابوي
ام جراح : هذا ماضي ما ينسي يا غزلان ما ينسي
غزلان: المهم يما طابخه لك اليوم خوش اكله هتكلي صوباعك وراها
ام جراح: هههههههههه يالله وريني اكلك

جراح يدخل عليهم ومعاه ولده ناصر : هااه اسمع طاري اكل
غزلان: هههههه ياحبك لاكل
جراح: ويمسك كرشه : هااه وين العشاا
ام جراح: قومي غزلان حطي العشا خلينا ناكل كلنا
غزلان: يمااا خليه يسوي رجيم
جراح: يالله بس جيبي لي بلعه اكلهاا
غزلان: بجيب بس غصب عنك تمدحهاا
جراح : أي هين مع ان ادري انك ماتعرفين تطبخين
غزلان: انا ماعرف اطبخ ماشي حمشيها لك اليوم بس عشاني طابخه

مريم زوجة جراح تناديه على الدرج: بدلع : جراااااااااااااااح
جراح : يا عيونه
مريم: تعال ابيك
جراح: بتعشى
مريم مسويه لك عشاء تعال تعشا
جراح: خلاص جاي
مريم: لا تتأخر
جراح ويطالع امه : عن اذنك يالغاليه

غزلان : وداخله معاها صنيه العشاا :: هااه وين رايح بطوط
جراح: بروح المدام مسويه لي عشاا
غزلان: وبتطنز: ومن متى المدام تسوي عشا تعشا معانا لا تنام ميت جوع
جراح: عن قلة الادب هذي المدام مارضى عليهاا
غزلان: ياعمي طير خابنا مع المدام هذي روح لها لا يطق فيها عرق
جراح : نصور يالله بابا بنروح عند ماما مسويه عشا
ناصر : لا مابي ابي غزوله مابي ماما
غزلان: هههههههههههههههههههه حبيب عمه انت
جراح: يالله بلا دلع ماصخ .. ويشيل ولده ويركض فيه عند زوجته وكان ولده يصيح ويستنجد بعمته غزلان

ام جراح: تسلم ايدك على هالاكله الطيبه
غزلان: تعرفين يعني بنتك طباخه وهالايام طالبين مني انزل كتاب طبخ ويعني انا بنتك ما احب الشهره وو
ام جرااح: بس خلاص عورتي راسي بيعني وتعرفين فكينا من هذرتك
غزلان: هههههههههههههههههههههههههههههه

وقطع عليهم صوت التلفون حديثهم حول طبخه غزلان

ام جراح : غزلان يما ردي على التلفون
غزلان: يماا بعيد مالي خلق اروح
ام جراح : بعصبيه .. قومي يابنت
غزلان: انزين انزين لا تاكليني

غزلان: من غير نفس : نــــــــعم
اختها جواهر : نعامه ترفسك
غزلان بصرااخ : جواااااااااااااااااهر هلاااااا والله وينك يالخايسه شخبارك
وشلون زوجك وشلون كندا الجو حلو عندكم ولا لأ وبشري ما حملتي
جواهر: يما يما الله وأكبر كل هذا اسأله يرحم امك خففي علي
غزلان: يابقره مشتاقه لك تعرفين انا يخوني التعبير في اغلب الاوقات
وجواهر: اجل ما ألوم أبله سهير كله مصقطتك بالتعبير
وبعدين مشتاقه لي وتقولين بقره صج حماره ماتعرفين الاتيكيت
غزلان: أي مو الاخت متزوجه دكتور ولازم يعني تورينا انها تعرف الاتيكيت
جواهر: غزلالالالالالالالان ماقلت لك شنو شفت تعرفين اللي نشوفهم بالفلام
غزلان: أي
جواهر: لقيتهم هناك
غزلان: منو تقصدين
جواهر: هذولا الشقران
غزلان: صج بقره يعني رايحه كندا بتشوفين منو عرب اكيد اجانب
جواهر: بس يهبلون
غزلان: جب بس جب على بالي عندك سالفه المهم امي تبيك
جواهر: صج حماره اللحين اسولف لك وتطنشين فيني عطيني امي خليني اتونس معاها بعرف شحقه انزل انا تفكيري وعقلي لوحده عمرها ما جاء 17 سنه
ماما عطيني احد كبير عندك يا جاهل
غزلان: ها ها ها ما تضحكين ولعلمك ان عمري جاء 17 وبعد سنه بدخل 18 لمعلوماتك بس
جواهر : صج والله علبالي بتدخلين 20 سنه يا فهيمه امي وين
غزلان : امك مو عندناا يا دبه
جواهر: عن اللعانه وعطيني امي
ام جراح : يؤؤؤ خلاص عطيني السماعه وروحي غسلي الصحون ورتبي البيت
غزلان.. بدلع : يؤؤؤ البيت كله على راسي وبس انا اللي اشتغل جيبو لنا خدامه تشتغل لاعت كبدي وانا أكرف بالبيت ولا يبين بعين احد .. وتظرب رجلها بالقاع
ام جراح .. بمواساة : خلاص حبيبتي بكره لا تزوجتي جيبي لك بدل الخدامه عشره
غزلان : اووف متى اتزوج متى
ام جراح : روحي شوفي شغلك بس

ام جراح : هلا يما شلونك
جواهر: بخير دامك بخير يالغاليه
ام جراح : بشرينا عنك وعن زوجك
جواهر: والله كلنا بخير ونسلم عليك
ام جراح: يسلم غاليكم يا قلبي هااه شلون كندا معاكم
جواهر: تهبل يمااا وبراد وناسه بس
ام جراح .. تحط أيدها على قلبها : بس شنو يماا صاير فيكم شي
جواهر: لالالا بس ناقصني شوفتك وشوفت الخبله
ام جراح: ههههههههههههههه خرعتيني علبالي فيكم شي والخبله هذي ادعي بس ربك يعقلهااا ..
جواهر: شدعوه يفيد فيها بس شوري عليك يماا زوجوها مايعقلها غير الرجال
ام جراح: بس انتي لا تحطين الفكره براسها توها صغيره مازوجها الا لما تخلص دراسه . يما شكلي طولت عليك
جواهر: لا يما مستانسه معاك مشتاقه لك
ام جراح: لا ياقلبي انتي عروس وروحي لرجلك داريه لا تقعدين بس على التلفونات
ترى الرجال يمل
جواهر: ان شاءالله يما
ام جراح: يالله مع السلامه
جواهر: مع السلامه

غزلان بالمطبخ تتحلطم وتغسل الصحون ..

غزلان: أي بس انا اللي اغسل واخم وارتب والله لو اني خدامه على الاقل خلوني انام الساعه عشر وعطوني كل شهر 40 دينار اوووف متى اتزوج والله لو اتزوج
مابي مهر ابي بس خدامه ولا بعد اخدم حق الهانم اللي فوق ورجالها يركض وراهاا
أأأأه يا اخوي يافارس والله لو انك هني ماترضى اني اشتغل وينك الله يرجعك لنا سالم

ام جرااح : ماشالله كل هذا بصدرك وساكته
غزلان: ليش عندي احد اشتكي له مالي غير ربي
ام جراح: أي عن الهذره وخلصي شغلك وروحي نامي مبكر ولا ادرسي لك كلمتين تنفعك لا جات الامتحانات مو لا جت حزة الامتحانات تقولين مالي خلق ادرس واجد الكميه وتروحين مو دارسه وينجحونك بالدز لا حبي درسي ابيك السنه هذي تطلعين الاولى
غزلان: أي بالمشمش
ام جراح: نعم
غزلان: لا ماقول شي اقول من عيوني بس تبين اطلع الاولى انتي تامريني امر
ام جراح: انا طالعه اناام
غزلان: نوم العوافي يا حبي

وتروح ام جراح تنام واول ما صعدت الدرج ولا تسمع صوت كسر صحون
ام جراح: غزلان وجع لا تكسرين الصحون
غزلان.. وحاطه ايدها على حلجهاا : اسفه يماا موقصدي طاح مني

واول ما خلصت غزلان شغل راحت تركض تشوف لها فلم تنطره من اسبوع
ويوم حطت على الفلم ولا يطلع على النهايه…

غزلان: لالالالالالالالالالالالالالالالالالالا اوف اللحين طافني الفلم وباقي القنوات مافيها شي شسوي ياربي نيهااهااهاي ماكو غير اتصل على بنت خالتي منال واجننهاا هههههههه

+++++++++++++++++++++++++++++++++

الجـــــــــ 2 ــــــــزء

منال: نواره تكفين عطيني ألعب
نوره: لا قلبي ماكو لعب اليوم دوري انا اللي ألعب
منال: عشان أنهي المرحله وندخل بالمرحله الثانيه
نوره: أفسه
منال: صج سخيفه ومليغه
نوره: وانتي شحارك انا سخيفه لووووووووووول
ام منال.. بضيق : ماخلصتوا لعب خلصونا بيجي البرنامج اللي اتابعه
منال: أي يماا شوفي برنامجك نوره عيب عليك امك تبي تطالع التلفزيون وانتي جالسه على البلاي ستيشن
نوره: يما يالنحاسه لو اليوم كان يومك ماخليتي امي تشوف بس عشانه يومي

ويقطع عليهم التلفون راحت ترد عليه منال

منال: ألووو
غزلان: ألوو
منال: منو معاي
غزلان: اختي هذا بيت ابو منال
منال: أي منو حظرتج
غزلان: معاك شركة ألكترونيات فزتوا معانا بجدر ضغط وملاس أستيل
منال: والله فزنا
غزلان: أي اختي مبرووك عليكم بس على شرط
منال: وشنو شرطج
غزلان: تطبخون فيه مندي لحم وتعطون منه غزلان
منال: هاااه غزلالالان وشعرفك بغزلان
غزلان: صج بقره انا غزلان يا ذكيه ماعرفتي صوتي
منال: لالا والله خبري صوت غزلان تقول صوت رجال واللي تكلمني بنت مو غزلان
غزلان: عمى بعينك أللحين انا ولد
منال: يماا لا تزعلين علينا بس شخبارك يالبطه
غزلان: بخير انتي شخبارك شمسويه ويا الامتحاناات
منال: اسكتي بس امي تحن فوق راسي ادرسي ادرسي وانا حاذفه الكتاب وجالسه أقرى قصايد بالنت
غزلان: ههههههههههههه عندنا وعندك خير بس لو يجيبون لي اللي اخترع المدرسه ابط اعيونه وادوس بخشمه واخليه يشتغل بدالي بالبيت
منال: ههههههههههههههههه لالحين عندك عقدة الشغل عيشي حياتك وترى الشغل وناسه
غزلان: انطمي لا ابط عيونك صج المهم تعالي انا مافيني نوم وابي تطرشين لي فلم
منال: بهليل اطرش لك
غزلان: ياعمي الساعه 10 طرشي بس
منال: خدامتنا نايمه منو يجيبه لك
غزلان: شوفي انا بوقف عند حديقة جارنا وانتي طرشيها مع نوراه انطرها لا تطول
منال: أي فلم انزين تبين
غزلان: ياعمي أي فلم المهم هندي والسلاام لا تطولين امي نايمه وماتدري بطلع عجلي علي
منال: اوكي خمس دقايق واطلعي من بيتك الوعد عند الحديقه
غزلان: وكلمة السر
منال: كتكووت
غزلان: ههههههه كتكوت بايو
منال: بباي

وبعد خمس دقايق ألبست غزلان عباتها وطلعت من البيت ووقفت عند حديقة جارهم
تنطر نوراه تجي كان بيت منال وراهم بشارع وبينهم مدخل سري اللي هو حديقة جارهم تقرب بينهم المسافه

غزلان.. تطالع بالساعه : يؤؤؤ تأخرت هذي وامي اللحين ان قامت ومالقتني بالبيت بتذبحني
نوره: بووووووووووووو
غزلان.. متخرعه: يوماااااااااااااااااااا
نوره: ههههههههههههههههههههههههههههههه
غزلان: وين الافلام
نوره: هذي هي يالله باي ابوي أللحين بيجي
غزلان: بايات

وراحت غزلان تركض تدخل بيتهم وهي داخله ولا تصادف عند الباب ولد جيرانهم أحمد تفشلت ماهي عارفه شنو تسوي دنقت راسها وقامت تركض بسرعه لين دخلت البيت طبعاا ولد جيرانهم مانزل عينه عليها لين دخلت البيت وتطمن عليهاا وعقبها دخل البيت

غزلان.. وهي متسنده على الباب وهي فحمانه وتلهث من الروعه : أه ياقلبي
حسبي الله عليك يا نوره هذا حزه بالله عليك تعطيني فيها أفلام

وراحت غزلان ضبطت لها قعده حب وبسكوت وكاكاوات وشاي وبيبسي وطفت اللمبه وقامت تطالع فلم ورى فلم لين ناامت على اخر فلم

على صلاة الفجر قامت ام جراح وراحت تدور غزلان لين طاحت عليها وهي نايمه والغرفه عفيسه عندهاا

ام جراح: يا حول ياهلبنت مادري متى بتكبر وبتفهم والله ماجاب لي القلب غيرها وغير سوالفها اللي ما تخلص
راحت عند غزلان وقامت تصحيهاا: يماا غزلان قومي صلي الفجر
غزلان: يووه يماا روحي طقي لك فره وتعالي لي
ام جراح.. بصوت عالي: غزلالان قومي قومي بالله عليك
غزرن: خلاص قمت قمت

وراحت غزلان تصلي وعقبهاا نامت

في لوس انجلوس..؟..

غازي : يصيح ويصرخ : الحقييير الواطي شلون اخذ البضاعه شلون اخذهاا
بضاعه بـ 100مليون تضيع منكم بهسهوله شلووون شلوون
جاسم: مو بيدنا يا زعيم فارس مو هين طلع راشي من ربعناا وهم قالوا له عن موعد تسليم البضاعه واخذهاا قدام عيونا ولا قدرنا نقول شي
غازي: أأه يالقهر ابي احرق قلبه مثل ماحرق قلبي شلون شلون
جاسم: بتحرق قلبه يازعيم بس انطر شوي وبيجيك الخبر الاكيد
غازي: أي خبر اكيد انا لازم ادمره ابيده ابيك تحرقهم كلهم كلهم لا ترحم صغيرهم ولا حتى كبيرهم
جاسم:بس يا غازي انا عندي خطه اخليه يحترق قلبه ويجي لي عندك يتأسف
غازي: بلا عبط قول لي شلون
جاسم.. ابتسم بخبث : دقايق دقايق وبتفهم كل شي

جلس غازي على الكرسي بكل قوته وبطل زراير قميصه اللي فوقه وقام ينافخ ويفكر
شلون يسترد بضاعته بضاعه المخدرات من فارس وبنفس الوقت يعلمه درس ماينساااه

في بيت فارس بلوس انجلوس

نواف وفارس ومحمد يحتفلون بأنجازهم العظيم اللي سووه امس واللي كسبهم 100 مليون

نواف.. يدق كاسه بكاس فارس ومحمد ويضحكون

فارس: هههههههههه اليوم عطينا غازي ضربه قاضيه
محمد: أي قاضيه إلا ساحقه موميته
الكل: ههههههههههههههههههههههههههههههههه
نواف: اليوم انا عازمكم على حفله ماصارت ولا استوت تكريم للصاحبين فارس وحمووودي
فارس: لالالالا مايصير انا الكبير وانا اللي اعزمكم والحفله اليوم عندي
محمد ونواف: صار يا كبير ههههههههههههههههه

في الكويت

غزلان.. يماا يماا في واحد على الباب يبيك
ام جراح:منو يا بنتي
غزلان: في غيره الظرف يماا
ام جراح .. وبان على وجهاا الضيقه : انشالله يماا أللحين جايه

وبعد دقايق فتحت ام جراح الباب ..

ام جراح : خيير ياوليدي
عبدالله: قوه خالتي هذا الظرف من فارس
ام جراح .. وبعيونها البكيه : قوله يا ياوليدي ماصارت امك تبيك طولت عليهاا
عبدالله: والله يا خاله مالي شغل انا اللي علي اوصل الظرف ومالي شغل عقبها
ام جراح: مسموح يا وليدي
عبدالله: مع السلامه خالتي
ام جراح : مع السلامه

سكرت ام جراح الباب وظلت واقفه تطالع بالظرف وعيونها تدمع
غزلان: لا حول ولا قوه الا بالله وهذا انتي كل ما شفتي الظرف بكيتي
ام جراح. وهي تشهق: قلب الام يا غزلان قلب الام
غزلان: انزين يما هالظرف كم فيه
ام جراح: مادري
غزلان: بطليه لاني محتاجه كم فلس بشتري لي غريضات تعرفين عرس رفيجتي هدى بعد الامتحانات وماعندي شي ألبسه
ام جراح: انزين
غزلان: وبشتري تلفون
ام جراح انزين
غزلان: وو
ام جراح: بس خلاص ما صارت وعلى شرط اشتري لك كل هذا
غزلان.. بتلهف : شنو
ام جراح : تنجحين
غزلان: طاحت على الكنبه : بضيق يؤؤ تجيبنها على الجرح اجل بروح ادرس اووف
ام جراح: أي يما روحي درسي بكره بتبدا الاختبارات وانتي نايمه
غزلان: أي هين

مرت الايام وبدت الاخبارات ومع كل يوم اختبار ايقنت غزلان انها بترسب
بس هذا مايهما لان اخر شي تفكر فيه هو الدراسه بس الله يعين قلب الام اللي يحترق من بداية السنه الى اخر يوم اعلان النتايج ..؟..

اخر يوم اختبار..

غزلان واقفه عند باب الشارع تنطر الباص..

غزلان: ألهي ياكريم انك تنزل صاعقه بقرعة كومار المكار تخليه يرفس يرفس وتجيه سياره مسرعه تصدمه ويطير ويطيح بماي ويغرق وينقذونه ناس ثم يجيه واحد من بكره مسلفه 100 دينار ولا رجعه يلعن جدفه ويمووت اللهم اميين

وبعد دقايق يجي الباص وتركب غزلان وكان ودها دعوتها تتحقق

غزلان: سلااااااام شباب
منال: ليه شايفه شواربنا طالعه من ورى النقاب
غزلان: اضحك يعني كركركركييك بس لا تعدينهاا
منال: تعالي انثبري هااه درستي
غزلان. وتجلس على الكرسي: أي وشقيت الكتاب شق
منال: أي أبليني اخاف صج تعالي احفضي لتس كم كلمه
غزلان: تناظرها بنظره حقد: احد مسلطك علي اليوم اقول بكمل نومتي
منال: أي اخمدي وخليني اكمل قصتي

بعد مرور ربع ساعه

منال: غزلان قومي شوفي
غزلان: تفرك عيونها .. شفيك تراج بلشه
منال.:شوفي شوفي هالسياره السوده من دخلنا شارعكم وهي تلحقنا
غزلان: وش عليك فيها تلاقينهم مغازلجيه خليهم يولون
منال: بس يخرعوون
غزلان: يا امي اسكتي عني تراي دايخه
منال: بكيفك انا ليش اكلمك صج اني بقره
غزلان: اخيرا اعترفتي انك بقره هههههههههههههه

وصل الباص للمدرسه ونزلوا كل البنات وراحوا داخل المدرسه

غزلان: هااه وين طاسه منتي رايحه مع الشله نسولف
منال: لا قلبي بروح عند احلام
غزلان: يا امي على هالسخافه صج سخيفه حرمه كبر جدتي لالحين عندك سوالف اعجاب ومدري شسمه المهم انا بروح عند الشله لا خلصتي من المحروسه تعالي
منال: انزين

وراح كل وحده فيهم عند صديقاتها وبعد مرور ساعه بدت القاعات تفتح الابواب
والبنات يتوافدوون على مقاعد الامتحانات

غزلان: وهي تجلس على الكرسي : بس هيه خوله
خوله .. تلتفت على غزلان : نعم
غزلان: خوله جايبه لك معي هديه بعد الامتحان بعطيك اياهاا
خوله . فرحانه :صج مشكوره بعد عمري
غزلان: بس هالله هالله فيني
خوله: انشالله
منال: تغز غزلان بالقلم : هيه غزلان
غزلان.. بصوت عالي: أأأأأي تعورين
منال: شقاعده تقولين لخوله
غزلان: اضبط نفسي عندهاا
منال: لا تنسيني
غزلان: على شحم بس
المدرسه: بس يابنات استهدوا بالله وسموا بالرحمان وحلوا الامتحان ماتستعقلوش الوأت ادومنا طويل ساعتين يالله كل واحد يحط عينه في ورأتوه

وبدأ الامتحان

وبعد مرور الوقت قاموا البنات يطلعون من الامتحان وهم فرحانات انهم خلصوا الامتحانات وكل وحده تسلم على الثانيه

غزلان تركض بسرعه وتمسك منال ويركضون بالساحه الخلفيه..

منال: شفيك
غزلان: منحاشه من خوله قاصه عليها وهي تدورني
منال: ههههههههههههههه المهم بنروح اليوم مبكر
غزلان : ليش
منال: ناسيه اليوم عندنا عزيمه
غزلان: لا مو ناسيه
منال: وناسيه امي حامل وماتقدر على الطبخ
غزلان: أي صح بيجيكم أللحين المقرود الثالث وووع
منال: انا بسلم على البنات وبطلع ألحقيني عند الباب

++++++++++++++++++++++++++++++++

الجــــــــــــ 3 ــــــــــــــزء

غزلان: اوووووووووف حرقتنا الشمس
منال: لو ما تأخرتي ماكان الباص راح عناا
غزلان: اللحين شلون
منال: ماكو غير نرووح رجليه
غزلان: والله ماقدر سوري
منال: على الاقل نزلي هالشحوم اللي تارستك
غزلان: أي قولي محتره من شحومي مووتي حره
منال: فكينا من شحومك وامشي
غزلان: يالله بس شوفي ان خربت بشرتي تشترين لي غصبن عليك كريمات
منال: بالله وين تخرب بشرتك وانتي تلبسين بوشيه لين ركبك امشي بس
غزلان: الستر زين يالله سريناا

منال: تلتفت على ورى : وتشوف السياره تمشي وراهم على خفيف
وماحب تخرع غزلان فاسكتت وحاولت تسرع بخطوتها وتدخل بممرات ضيقه مايقدرون يدخلون منهاا

غزلان: يالله وصلنا بيتك انا بكمل لاني شوي وينغمى علي
منال: ادخلي يابنت ساعديني بالشغل
غزلان: لا قلبي انا مكفيني الشغل اللي علي بايو

غزلان تدخل البيت

غزلان.. بصوت عالي : هياااااااااا عطلنا عطلنا وقامت ترقص
ام جراح: ههههههه مبرووك المهم روحي ارتاحي عشان شوي وراك قومه
غزلان: لا مابي بنام وانتي روحي الا جراحوه وينه
ام جراح: سافر اليوم الصبح
غزلان: صج وين راح
ام جراح: راح الصين يجيب بضاعه المحل
غزلان: والمدام وينها
ام جراح: عند اهلهاا
غزلان: اجل بنام ولا تقوموني تعبت من الدراسه
ام جراح: أي باين اقص ايدي ان ماكان عليك خمس مواد
غزلان.. تتثاوب: أأأه بروح ارقد
ام جراح : انا عند خالتك لا قمتي تعالي
غزلان.. وتطق اصبعهاا : لااا قمت

راحت ام جراح عند اختها تساعدهاا وغزلان تناام

في لوس انجلوس قبل يوم

غازي : جاسم شصار على فارس
جاسم: جبت لك كل بيانات عايلته وهذي هي الضربه القويه
غازي: يالله سمعني
جاسم: فارس العمر 24 سنه منحاش من بيت ابوه من خمس سنوات عقب ما اسجنوا ابوه بقضيه مخدرات مده 20 سنه وبهلخمس سنوات اهله ماشافوه ولا يدرون وين هو فيه وبأي ديره عنده اخوه الكبير جراح متزوج وعنده ولد ناصر
اخته متزوجه ومسافره كندا مع زوجها يدرس طب واخته صغيره 17 سنه غزلان
ماعليها أي شي وابوه طلق امه عقب ما دخل السجن من 4 سنوات وهذا كل اللي قدرت اطلعه
غازي: يبتسم بمكر: قلت لي الصغيره غزلان
جاسم: شناوي عليه
غازي: بتشوووووووووووووف

في بيت فارس …

دامت احتفلاتهم مدة خمس ايام بسبت حيازتهم بضاعه المخدرات اللي تقدر 100 مليون

……………………………………

صوت طق على الباب مزعج حيل
غزلان: اووووه من هذا المزعج

راحت تلبس عباتها ونقابها وتفتح الباب ..؟..

غزلان: منوو
الرجال: بريد يا حقه
غزلان: من منو
الرجال: وش عرفني

غزلان: وفتحت الباب وطلعت ايدها بتمسك البريد فجأه ينفتح
الباب بكل قوته وينقض الرجال على غزلان يكبلهاا وغزلان تقااوم
وبعدها غابت عن الوعي

بعد ساعتين
ام جراح : يؤؤ يالبنات مايشبعوون نووم بروح اقومهاا وارجع لكم
منال: لالا خالتي انا بروح واكسر راسها واجي
ام جراح: حيلك فيهاا
منال: لا توصين حريص

راحت منال لعند غزلان واول ماوصلت البيت تفاجأة ان باب البيت مفتوح
دخلت البيت وقامت تصيح بأعلى صوتهاا

منال: غزلالالان وجع وينك
لا رد
منال: غزلانوه يالبطه وينك
لا رد

قامت تدور بالبيت شبر شبر مالها وجود غزلان قالت يمكن راحت بيتنا وانا جايه وماشفتهاا خلني اروح البيت

وهي داخله بيتهم :
منال: مرحبااا
ام جراح: هااه وينهاا
منال: اجل ماجت
ام جراح : لا
منال: مالقيتها بالبيت وكان الباب مفتوح
ام جراح .. وهي مفزوعه : هاااه شلون بنتي ماتطلع من غير علمي لا اكيد مادورتي عدل
منال: ياخاله ماخليت مكان بالبيت الا دورت مالقيتهاا
ام جراح : ياويلي على بنتي وقامت تركض للبيت
ام منال: حبيبتي اتصلي على رفيجاتكم يمكن عندهم
منال: يما غزلان ماتحب تروح عند بيوت رفيجاتهاا بس بتصل عليهم

وقامت منال تتصل على كل رفيجات غزلان ولا حصلت عند أي احد رد يبرد على قلوبهم

ام جراح : وهي بالبيت تصيح ومنهاره حدهاا : ياويلي على بنتي وينها فيه
غزلان ردي علي انتي وينك
وبين انفعاها واصياحها لقت ورقه مكتوب فيها” غزلان معانا انتظروا اتصالنا” قرت الورقه طاحت غشيانه بسبب الصدمه القويه

منال: خالتي خالتي قومي نوره اتصلي على الاسعااف
نوره: تتصل على الاسعاااف

غزلان تفتح عيونها ببطئ وتشوف من حولها غرفه ظلمه واصوات براسها سببت لها صداع واصوات رياجيل يتهاوشون

غزلان: يماااااه يماااااه

وفجأه ينفتح الباب وتجئ كل الاضاءه بعينها حاولت تفتح عينها ماقدرت من شدة الاضاءه وفجأه تحس بأيد تمسك ايدها ويدخل شي مثل الدبوس فيهاا وبعدهاا تطيح غشيانه

ابو منال: يادكتور طمني عليهاا
الدكتور: انت زوجها
ابو منال: لا زوج اختهاا
الدكتور: ماعندها عيال
ابو منال: مسافرين عيالهاا
الدكتور: شقول لك يا ابو
ابومنال: ابو منال
الدكتور: حالتها خطيره هي كانت تعاني من القلب واظاهر جتها صدمه عنيفه أدت ألى حدوث جلطه وادعي لها باالشفاء
ام منال.. وهي تبكي: نقدر نشوفهاا
الدكتور: لا إلى ان تستقر حالتهاا

منال بالبيت تبكي ومعاها نوره ويحاولون يتصلون بجراح عشان يبلغونه
بس ماكو رد
راح ابو منال يسوي بلاغ عن اختفاء البنت لكن قالوا له لازم يمر عليها 24 ساعه
على اختفاءهاا

بعد يومين وصل جراح من الصين وهو حده مفزوع على اخته وامه
اللي بالمستشفى بين الحياة والموت

جراح : وهو يركض بالمستشفى لين وصل ركن العنايه الفائقه

جراح: خاله امي شلونها
ام منال: والله حالها مايسر العدو
جراح: وغزلان شصار فيها
ام منال: سوينا بلاغ وجاري البحث عنهاا
جراح ويجلس على الكرسي تعبان من الرحله ومن هم امه واخته

بعد ساعه جاء اتصال غريب رفع جراح التلفون

جراح.. بنبرة حزن: ألوو
المتصل: مرحباا
جراح: هلا والله
المتصل: مابي اطول عليك بس بلغ فارس وقول له عمك الزعيم يقول لك عليك بالعافيه بالملايين وانا على بالعافيه بغزلان
جراح: منو انت وين غزلالان ألوو ماترد
غازي: هههههههههههههه مثل ماقلت لك بلغه وعطه تحياتي
جراح: ياحقيييييييييييييييير رد علي انت منو
غازي: يسكر التلفوون

…………………………………

غازي: البنت وين
جاسم: كله كم ساعه وتكون عندك
غازي: عال العال ابيك تجيبها بالفندق
جاسم: وليش الفله موجوده
غازي: نفذ مثل ماقلت لك
……………………….

في بيت فارس

نواف : قوم ياحلو
فارس: ياولد بناام
نواف: جايب لك هديه
فارس: هذا وقته
نواف: مو مني
فارس: من منو
نواف: من غازي
فارس: ههههههههههههه لا تكون قنبله
نواف: لالا شريط
فارس: هههههههههه لايكون يبكي
نواف: هههههههههههههههههههههههههههههههههه
فارس: ويقوم .. شغله وانا بروح الحمام واجي
نواف: يالله بطلب لك فطور
فارس: اوكي

وبعد دقايق الشريط جاهز للتشغيل
نواف وفارس مندمجين

طلع لهم صفحه سوده ومكتوب “عليك بالعافيه”

فارس ونواف: ضحك شماته.هههههههههههههههههههههههههههههههاي

وبعدها: على بالعافيه بــ

فارس: اندمج

وفجأه تطلع له صورة اخته طايحه بالارض .؟..

فارس: انصدم صعق وقام يصيح بأعلى صوت : لالالالالالالالالالا
الواطي غزلالالالالالالالالالالان لالالالا
نواف: شفيك فارس منو هذي
فارس: ويطق راسه :غزلالان غزلالان اختيي
نواف: اختك شتسوي عند غازي
فارس: الواطي اكيد خطفها وين بيروح مني والله لذبحه والله لذبحه
نواف: هدي هدي والامر بتنحل شفيك
فارس: طاح على الارض : وقام يكسر كل شي قدامه
+++++++++++++++++++++++++++++++++++
الجــــــــــــ 4 ـــــــــــزء

غزلان تقوم من نوم عميق تطالع يمين يسار إلا هي في جنه
غرفه كبيييره حيل وكل اثاث الغرفه مذهب طبعا بطلتنا مبطله حلقها على الاخر
وتطالع الغرفه وهي منبهره بس قطع عليها اندماجها صوت دش ماي وعقبها وقف وانفتح باب بأخر الغرفه وطلع شخص من الحمام لابس روب حمام
ومر من قدام غزلان طالعها وعقب لف ظهره وراح عند التسريحه وقام ينشف شعره اللي واصل تحت اذنه بفوطه صغيره ويطالع غزلان من مراية التسريحه

غزلان زادت تبطيله حلجهاا وقامت تناظر بالرجال
وتقول بقلبهاا : هذا منو لا يكون متزوجه وانا مدري الله زوجي كذا يابختي
لازم اقرى على نفسي ولا يصكوني عين

انتبه غازي لشرود غزلان وابتسامتها واستغرب منهاا

ألتفت عليها وسند جسمه على التواليت

غازي.. رافع حاجب ومنزل حاجب : قمتي من النوم
غزلان: لا ماتشوفني منسدحه ومغمضه عويناتي واشاخر اكيد قايمه
غازي.. يضحك وماسكهاا : طيب صباح الخير
غزلان: انا وين
غازي: انتي هناا

غزلان: وبدأ عليهاا الخوف لانها تذكرت يوم تقوم من النوم وجاء واحد وخنقها قامت بسرعه من السرير ومسكت البطانيه تحتمي فيهاا وقاعده ترجع ورى من الخوف

غازي: شفيك
غزلان.. بتبكي : انا وين انت منو شلي جابني هناا

غازي:سكت ماعرف شنو يقول غير انه مسك التلفون وطلب رقم وقام يرطن بالانقلش

غزلان: وبدت تبكي : ابي امي ابي امي
غازي ترك التلفون من ايده وراح لغزلان يهديها حط ايده على كتفها : لا لاتبكين انا ماراح ااذيك
غزلان: وتنحاش منه : ان مسكتني ثاني مره ياويلك مني
غازي: بتضربيني
غزلان: واكسر راسك
غازي: ههههههههههههههههههههههه
غزلان: وبدت في دوامة بكي : انت شتبي فيني
غازي: حب يستفزها : شسوي احبك
غزلان: حبك برص وعشرة خرص
غازي: أووووووف شكلك بتجنيني الله يعين

وبعد دقايق دخلت بنت شاميه اسمها نيكول ومعاها صحن اكل
طلع غازي من الغرفه وراح لغرفه ثانيه

غزلان: انتي منو وشتبون فيني
نيكول: ماعليش حبيبت ألبي هي سالفه مالك خص انتي فيا بس حكم الأدر اللي جابك لهون اصبري والله يعوضك
غزلان: يعني شنو… وقامت تتلفت: انا مين
نيكول: حبيبت ألبي ممكن تشلحي أواعيكي عشان تلبسي أواعي جديده
غزلان: مابي ولا راح اسوي أي شي إلا لما اعرف انتم منو وليش انا هني
وقامت تبكي بكي يصخم العدوو
نيكول: امري لألله بحكيلك السالفه

فارس: طايح بالغرفه ومعاه الشريط عقب ماكسره وصار تناتيف بين ايده

فارس: قام يكلم روحه: انا خبل ليش أللعب مع غازي ماعرف سوالفه ماعرف هو منو وانا مالقيت الا غازي اكيد اكيد بيسوي فيها شي لالالالالالالالالالالالالا
ماني جالس مكتوف الايدي انا لازم اروح له وارد له الصاع صاعين

نواف : يدخل عليه .. الطياره جاهزه وبتروح للكويت
فارس: كلمتو غازي
نواف: غازي يقول بعد اسبوعين :راح يروح لمصر وراح نتقابل هناك
فارس: وغزلان تقعد عنده اسبوعيين اكيد اللحين يعذبها شذنبها المسكينه شذنبها
نواف: اصلن هو لو رجال كان تفاهم معاك مو اخذ اختك
فارس: انا ماني صابر اسبوعين لازم اروح له
نواف: انت خبل تبيه يذبحك ويحتفظ بالبضاعه وبغزلان وش راح تستفيد
فارس: بس
نواف: لا بس ولا شي انطر اسبوعين وبتنتهي الامور
فارس: وغزلان
نواف: اووه يهلغزلان جننتنا فيهاا
فارس: ويمسك راسه .. انا رايح الكويت

ام جراح حالتها خطيره خصوصا وهي مره كبيره بالسن ومريضه بالقلب

الدكتور: اصلن اعادكو هنا ملهوش فيده دنتوا بتتعبوا ومفيش نتيقه
الحقه اذا صحيت هنبلغكم يالله اووم روح شوف شغلك
جراح: يناظره نظره كسير : أه فاضي صج انت خلني بحالي
وروح عني
الدكتور: يابني ماتروح بأه وبلاش تعأيد خلنا نركز ونشوف شغلناا
جراح/ والوالد
الدكتور: انت بتساعدنا بحاقه منتى اعد على هالكرسي من صبحيت ربناا
لابتعمل حاقه ولا بتخلي حد يركز
جراح: وهو مل من الدكتور: الله يزعجك
ويقوم يروح لبيته عند زوجته وولده

فارس وهو يوصل الكويت ركب اللموزين وراح لبيتهم
صفط اللمزين قدام بيتهم ونزل وهو يطالع الشارع والبيت:

فارس:سبحان الله ماكو شي تغير غير البيوت انصبغت سبحان الله
اول كنت انا وربعي نجنن راعي البريد وهنا كنت أللحق البنات
وهنا يوم ابوي طردني من البيت وهنا يوم كنت اشوف اهلي من بعيد
وهنا يوم اركض ادافع عن غزلان لما كانوا البنات بيطقونها وينك فيه
يا الغاليه

وعقبها تقدم للبيت وطق الباب ماكو رد راح لبيت خالته
واول ماطق الباب سمع صوت بنت من ورى الباب ..

منال: منو
فارس.. وابتسم : الله هذي انتي يالمزعجه
منال.. وقف قلبها المزعحه فارس اكيد فارس : فاارس<< بصدمه
فارس: شخبارك يا منال
منال: وهي متجمده وعيونها تغورقت : زين لالحين تذكر اسمي
فارس: وعمري نسيتك اناا
منال: ماهو واضح خمس سنين لاحس ولاخبر
فارس: بتخليني واقف على الباب وبتبدين معاي تحقيق
منال.. وهي تشاهق : تفضل
فارس: فيه شي منال لي هالدموع ولا فرحانه انك شفتيني
منال: يعني ماتدري عن غزلان وعن خالتي
فارس: امي شفيهاا
منال: امك جتها جلطه وهي بين الحياة والموت
فارس: انصدم وطلع من البيت
منال: فارس فارس

راح فارس يركض مثل المجنون يدور على المستشفى لين لقاها
وهو داخل الباب صادف اخوه طالع

جراح: فااارس
فارس: جرااح

وقامو يتحاضنوون ويبكون مع بعض على المصايب اللي طاحت فوق روسهم

بعيد عن الكويت في لوس انجلوس

غازي: واقدر اعرف سبب عدم اكلك
غزلان: ……
غازي: طفارتي اللي مايرد علي ردي علي لا اقوم اكسر راسك
غزلان: ……
غازي.. وفقد اعصابه ومسك غزلان مع كتوفها وقام يهزهاا:
لما عمك يكلمك تردين عليه فاهمه فاهمه ولا لا
غزلان: وبدت تبكي تنزل راسها :وتحط وجهها بين كفوفها وتنخرط في بكاء

غازي: تركها ولف عطاها ظهره وشاف مزهريه كرستال قدامه عليها ورد جوري بصلي مسك المزهريه وحذفها بالطوفه انكسرت وكان صوتها مرعب
غزلان: وارتعبت من الصوت وقامت ترجف حيل

غازي: بصياح: لا تبكيـــــــــــــن مابي اسمع صوتك
غزلان: وهي تحاول تمسك نفسهاا .. بس كانت غصبن عنها تشاهق

طلع غازي من الغرفه وجلس بالصاله وقام يقلب القنوات وهو متنرفز
وبعدهاا حذف الريموت وراح لصاله ألعاب رياضيه يلعب على اجهزة الرياضه

غزلان بعد مرور ساعه ونص وحست ان غازي مو موجود بالشقه هدت اعصابها وسكتت وقررت تطلع من الغرفه وتبحث لها عن أي وسيله تساعدها على الخروج

غزلان .. وهي تفتح الباب شوي شوي تطلع راسها تشوف في احد: اشوه ماكو احد.

قامت تركض بالصاله متوجه الى باب الجناح حاولت تفتح الباب لكن مغلق توجهت
الى المطبخ هم ماكو فايده حاولت مني مناك ماقدرت وقامت ترفس كل شي قدامها
وتتأفف وتدعي على اللي كان السبب في مجيأها هني..

وبما ان الفندق فندق والد غازي كانت هناك صوره كبير لغازي محطوطه على الجدار غزلان شافتها وراحت عندها

غزلان .. بصوت عالي : إلاهي انت جاهي تاخذ الرجال هذا من على وش الارض
وتطيحه بمصايب مايعلم فيها ألا انت وتنزل عليه الصاعقه اللي بتنزل بصلعة كومار وتخليه يرفس يرفس وماتطلع روحه وعقبها تتهدم فوقه عماره من 10 طوابق ومايموت ويلقونه بين الحطام وعقبها يارب الدكتور اللي بيعالجه ينسى المقص في بطنه وتعفن ويموت من العفن اللهم امييييييييييييييين

وقامت تسوي حركات يعني بطقك بكس وتتفل بوجهه وحركه بشنقك ومن هالحركات اللي نسويها وحنا صغار بظهر أي واحد يهاوشناا

بالصاله الرياضيه اللي متواجد فيها غازي كان الزجاج شفاف اللي داخل الصاله يطالع اللي خارج الصاله واللي خارج الصاله ما يقدر يطالع لانه بتطلع له مرايه ومن خلالها كان غازي يشوف غزلان وهي تحاول تنحاش ويوم قامت تسبه وكان ميت عليها من الضحك

في الكويت

جراح: وهذا كل اللي قاله لي قبل كم يوم
فارس: ادري عندي خبر
جراح: وانت شمسوي له عشان ياخذ غزلان طفله بريئه مالها ذنب
باللي بينك وبينه
فارس: مو هذا اللي ذابحني مالها أي دخل بس شتقول بواحد مايهمه احد بهعالم
اذا ابوه من اغنياء العالم تخيل يذبح الناس ويسوي بلاوي والشرطه تدري
ولا تقدر تقول له بووم او تسوي له شي
جراح: لهدرجه هذا ولد منو
فارس: بستهزاء.. ان قلت لك اسم ابوه بترتجف وتقول حلال عليه غزلان
جراح: والله وش يكون هذي اختي وما استغنى عنهاا
فارس: ايه بلاك ماتدري هو منو
جراح: تراك شوقتني اعرف منو
فارس: غازي ولد فلان الفلان
جراح:بخوف … هااااااااااااااااااه شتقول
فارس: اللي سمعته
جراح: وحط ايده على راسه … لا بالله راحت البنت وش الدبره
فارس: ولا يهمك الدبره عندي
جراح: وانت حسبي الله عليك مالقيت الا هذا تتورط معااه
فارس: شاسوي حظي المهم استأذن انا وبلغني عن اخبار الوالده
جراح: وانت وين رايح
فارس: رايح ارجع غزلان

++++++++++++++++++++++++++++++++++++
الجـــــــــــــــ 5 ـــــــــــــزء

نيكول: بليز هيك مابيصير صار لك تلات تيام ماكلتي شي بليز والله غازي بيأتلني ان رجعت الصحون هيك
غزلان: احسن خليه يذبحك
نيكول: ليه شو عملت انا ألك
غزلان: مو كفايه الوضع اللي انا فيه اقول اقلبي وجهك لا اذبحك انا بدال هالغازي

ويدخل عليهم غازي : شفيها الاخت معصبه
غزلان: اضن ان مالك شغل
غازي.. زين زين سمعنا صوتها نيكول خلينا لحالناا
غزلان : نيكول اقعدي
نيكول: مافيا اعصي أوامر استاز غازي
غازي: ويطالعهاا بنظرات منتصر : شوفي شغلك نيكول

قامت نيكول بتطلع من الغرفه وقامت وراها غزلان بتطلع معاها
لكن غازي مسكها من ذراعهاا وحذفها على السرير

غازي : اجلسي بكلمك
غزلان: مابي اسمع لك
غازي: لعنه تلعنك عمرك ماكيليتي ولا اتهنيتي لكن مابيك تموتين
قبل ما اخذ حقي من اخوك اخاف تموتين واخسر انا 100 مليون وانتي ماتستاهلين
اخسر عليك سعر نعالي

غزلان: كانت تسكر اذنها بأيدها ماتبي تسمع صوت غازي وبالحركه هذي اغاضت غازي حيل

غازي: يالبيبي
غزلان.. وطفارتها احد يعايرها بصغرها : انا مو بيبي انت البيبي
غازي .. وحب يغيضها : بيبي بيبي بيبي
غزلان.. معصبه : أأأأأأأأأأأأأأأأأأ
غازي.. تخرع منها وقام يضحك : ههههههههههههه ياحلوك معصبه
غزلان: اطلع براا براا
غازي: مو بكيفك تطرديني عناد فيك بنام هني

وراح لباب الغرفه قفله بالمفتاح ودخل داخل غرفة تبديل الملابس يلبس بيجامه

واما غزلان من القهر قامت تطق ايدها وتتحلطم
دخل غازي عليها وطفى الليت

غازي: بلا زعاج بنام
راحت غزلان تفتح النور : انا اخاف من الظلمه
غازي: ويتلحف بالفراش : اللهم طولك ياروح

راحت غزلان اخر الغرفه وقعدت بزاويه ظمت رجولها لصدرها ودخلت
راسها بينهم وقامت تبكي

في قصرفارس

نواف: أي والله يا خالد طلع غازي خاطف اخت فارس واتوقع بنرجع البضاعه
خالد: والله يهديكم ماتعرفون غازي وسوالفه ادعي بس مايسوي بالبنت شي
نواف: مع اني مدري ليش فارس مكبر الموضوع وشنو يعني كلها بنت
خلها تولي يجي غيرهاا مصيرنا ماشين على هالطريق كلنا بنموت
خالد: شنو كلها بنت هذي اخته يعني سمعتها من سمعته وانت وجهك
ارواح الناس عندك لعبه شنو خلها تولي والله لو انها اختك كان قعدت الدنيا ومافيها
نواف: الحمد لله وحداني ويتيم يعني ماعندي اهل اخاف عليهم ولا اهل يعورون راسي
خالد: تصدق احسدك على برودة اعصابك
نواف: ياعمي اخذ الدنيا ريلكس وينتهي كل شي

غازي..ماقدر ينام من صوت بكي غزلان وحس بتأنيب الضمير وقام يراضيها

غازي: ليش قاعده هني
غزلان .. بين بكيها : كيفي مالك شغل انا حره باللي اسويه
غازي.. وانقهر منها: عدلي اسلوبك
غزلان: هذا اسلوبي وعاجبني كيفي
غازي: انزين قومي من القاع بارد عليك
غزلان: كيفي اذلف عني
غازي.. يضغط على نفسه وهو حده معصب : ترى لعلمك انا مكرمك ومجلسك بغرفتي ولا غيرك راميهم بسرداب مهجور وشوفي عاد العذاب اللي يجيهم
و انتي مكرمك لان وراك 100 مليون والصراحه مو وجهه نعمه
غزلان: وزاد بكيهااا
غازي: يالله ماتتعبين من البكي شنو انتي مركبه حنفيه هههه
غزلان: جب جب
غازي: صج قليلة ادب
غزلان: والله مو قليل الادب الا انت
غازي: انزين اسكتي تراك ازعجتيني يالملسونه

ويروح يجلس على غنفه موجوده بالغرفه وقدامها تلفزيون

غازي يلتفت على غزلان : تعالي شوفي تلفزيون
غزلان: مابـــــــي
غازي: هههههههههههه كيفك ترى ماراح اكرر العزيمه
غزلان: شتبي فيني لا تكلمني
غازي: خلاص محاربك ههههههههههههه
غزلان: ابي امي .. وقمت تبكي
غازي: قاام يطالعهاا بشفقه : لو مااخوك اخذ حلالي كان انتي عند امك
غزلان: الله ياخذ اخوي كان ماشفت من وراه الخير
غازي: تبين تاكلين
غزلان: مابـــــي تفهم لا تكلمني

غازي اخذ التلفون وطلب منهم اكل لشخصين

وبعد دقايق الاكل قدامهم

غازي : تعالي
غزلان: ……
غازي.. انتي مايفيد معاك إلا شي واحد

وقام غازي يفتح الادراج يدور على شي ولقااه وبعدها تقدم عند غزلان اللي منزله راسهاا وتبكي و حطه على راسها

غازي: قومي
غزلان: يوم شافت المسدس قامت تتراعد حيل : شتبي فيني
غازي .. بصياح : اقول لك قوووووووووومي
غزلان: من غير تردد :: هااه قمت
غازي: قدامي
غزلان.. وقامت تمشي قدامه لين قعدها على كرسي وحط قدامها الاكل
غازي: اكلي
غزلان: بترجي: بس انااا
غازي: بصراخ ….. اكـــــــــــــــــــلي
غزلان.. وقامت تخطف الخبزه وتدخلها بحلجهاا بسرعه : هااه كليت
غازي: ويأشر على الصحن وهو موجه السلاح على غزلان: اشربي العصير
غزلان: ومسكت الكاس : وشربته مره وحده
غازي: ابيك تخلصين كل الصحون
غزلان: تنفذ كل شي يقوله لها غازي وهي ميته خووف
غازي: عفيه على الشاطره خلصتي الصحون اللحين مايحتاج نغسلهاا هههه
غزلان: صمت
غازي: أضحكي
غزلان.. بتصنع: هههههههههههههه
غازي: مات عليها من الضحك وهي خايفه : ههههههههههههههههههههههههاي
غزلان: شيل المسدس خلاص اكلت
غازي: اشيله بكيفي مو انتي تامرين علي

مر اسبوع وغزلان عند غازي وكل يوم هي وياه هواش وصياح
وينومها على المسدس ويقومهاا عليه لين في مره دخل غازي الحمام يتسبح
وغزلان كانت جالسه على الغنفه وشافت ان غازي ناسي المسدس على الكمدينه
انتهزت الفرصه وقررت انها تطلع حرتها من غازي اللي ذلها على المسدس

غازي وهو طالع من الحمام ولاف فوطه على خصره ويغني ..؟..
مادرى الا غزلان بوجهه معاها المسدس

غزلان. ضحكه شريره: نيهااهاااهاااااي والله وطحت ياغازي ومحدش سمى عليك

غازي: ناظرها وابتسم وبعدهاا كمل طريقه عند التوليت

غزلان: يعني مو خايف اني اذبحك
غازي: لا
غزلان: وليش الاخ القلب الشجاع
غازي: ههههههه لا بس لانك جبانه
غزلان: انا مو جبانه

وتقرب منه وحط المسدس على راسه طالعها غازي من المرايه وبعدها
بحركه خفيفه مسك ايد غزلان وخطف المسدس ولفه ايدها على ظهرهاا
وقرب عند اذنها وقال

غازي : مو انا اللي ينلعب معاي
غزلان: وتحاول تفك نفسهاا: اتركني اتركني
غازي:ويترك ايدهاا : هالاشياء خطره مايمسكونها جهال نفسك
غزلان: تتخصر: انا مو جاهل انا كبيره
غازي: ويقلدهاا: باين يا ام 17 تدرين لو ان متزوج كان عندي بنت كبرك
غزلان: يامسكينه اللي بتاخذك يالشايب .. وكشت بوجهه
غازي: انا شايب يالعجوز
غزلان:أي اكيد عمرك تعدى الخمسين ولا عندك بنت كبري وعمرك ماكمل 23
غازي: وش دراك عن عمري يالملسونه
غزلان: تخمين بعدين صج لا تكلمني
غازي: انتي اللي تكلميني ولا انا محاربك يا العجوز
غزلان: لا تقول عجوز ترى والله اكسر الغرفه على راسك
غازي:يأشر عليهاا …. شفتي قاعده تكلميني

غزلان: وتشهق وبعدها بحركه طفوليه حط ايدها على حلجهاا وهي مبققه عيونها

غازي: ههههههههههههههههه

++++++++