عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته….
تحيه لجميع اخوتي وأخواتي…
رح أحكي بالموضوع لانه جد تعبت وما لقيت غيركم أشكيله…
أنا طبعا بنت مخطوبه ولكني فلسطينيه وأقيم بالإمارات … الموضوع وما فيه ان شاء الله وكان فيه خير زفافي حيكون بشهر ثمانيه بالأردن… والمشكله انه خطيبي أو منشان اكون دقيقه أكثر انه أهله يريدون العرس مختلط وانا رافضه الموضوع كليا… وحكيتله اذا رضا ربي حيفرقنا انا وانتا انا قبلانه … ومبارح كان عندي وكان كتير تعبان… ويقولي انه تعبان… لأنه أهله يريدون مختلط وانا وإياه اتفقنا انه يكون أول العرس مو مختلط منشان آخد راحتي انا وعائلتي والبنات المحجبات وبآخر ساعه أتغطى او ألبس شي ويدخلون الرجال ويفرحون… لكن المشكلة الحين كل ما عم تزيد… لأنه الفنادق ما فيها صالتين … وما في حجز مثل ما كنا نتصور….
واليوم خطيبي متغير معي وما بعتلي الا مسجتين وما حكى معي تلفون … وانا طول الوقت أدعي ربي اذا فيه الخير الموضوع ووجودي مع خطيبي صح يكمله وإذا لا يبعدنا عن بعض …
ما بنكر انا أحبه ومو حابه أخسره أبد وهوي بعد يموت علي … ويريدني دايما كون مبسوطه بس ضغط أهله متعبه كثير … ودايما بحكي لا طاعة لمخلوق في معصية الخالق.
شاوروا علي وش سوي!!!!….
لأنه انا نفسيتي من جد تعبانه …
بس ما تقولون علي أقبل عرس مختلط!!!!…. لأنه ما بدي أبدأ حياتي بالغلط!!!… انا رح أعمل عمره بعد زواجي مباشره … بس متأكده ربنا ما حيسامحني لو قصدت الغلط وبعدين رحت تبت إله…
ما تحرموني من آرائكم الله يخليكم…
