عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم يا احلى واغلى فراشات 🙁
ادخل في الموضوع على طول عشان ما اضيع وقتكم الثمين يا فراشات
في البداية احب اوضح لكم اني وكيلة معتمدة لمؤسسة الموسى التجارية
بقيادة اخي “ابو عبد العزيز ”
طبعا هذه الرساله لكم من ابو عبد العزيز شخصيا
طلب مني اني اعرضها هنا في المنتدى لاسباب كثيره رح تعرفوها الان
ان شاء الله .
. وطبعا لانه ما يقدر يسجل في الفراشه
طلب مني انا اني اكتبها لكم دون اي تدخل مني .
. وكل اللي سويته انا مجرد قص من ملف الوورد اللي ارسل لي هو ولصق على المنتدى
وهذا نص رسالته
================================================== ==
السلام عليكم ورحمة الله وبركاته
اسمحوا لي اتكلم باللغة العاميه عشان اقدر اوصل لكم رسالتي
طبعا كلنا سمعنا وقرأنا بعض عمليات النصب والاحتيال اللي تصير في عالم الانترنت للاسف .. واتكلم بشكل خاص في عمليات النصب اللي حصلت هنا في منتدى الفراشه من بعض ضعاف النفوس ..
كنت احزن كثير واتألم لانجراف بعض الطيبين خلف دعايات واكاذيب بعض التجار والنصابين المنتشرين في المنتديات التجاريه مستغلين طيبة وحاجة بعض التاجرات
وبصراحه من اللي شفته وسمعته ما قدرت اصبر وقلت لازم اكتب لكم رساله حتى اوقف ولو القليل واساهم في ايقاف هذه المهازل اللي تصير
تصوروا خلال الشهر هذا فقط جاتني 3 اتصالات من3 اشخاص يطالبوني التدخل في استرجاع حقوقهم من بعض التجار اللي بعضهم ( للاسف الشديد ) معروفين في اوساط الانترنت واللي انا اعرفهم شخصيا
لكن ما بيدي شي ان كان صاحب الحق متساهل ولا يملك اي اوراق ثبوتيه .. كيف اتدخل انا ؟
ولكن كل اللي اقدر عليه اعطيكم بعض النصائح والتوجيهات للابتعاد قدر المستطاع عن اسافلة القوم وعن بعض المحسوبين على ( التجارة )
اولا – لكل شخص يطلب الرزق عليه بالاكثار من الاستغفار ووالله الذي لا اله الا هو انها مجربه
قال الله تعالى :
“فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً” .
قال الرسول صلى الله عليه وسلم :-
(من أكثر الإستغفار جعل الله له من كل هم فرجا ومن كل ضيق مخرجا و رزقه من حيث لا يحتسب).
ثانيا : يكثر وبشكل غير طبيعي في اوساط المنتديات التجارية مسألة ( البيع على بيع اخيك ) و مسألة و ( بيع النجش )
البيع على بيع اخيك اعتقد الكل يعرف انها منتشره بشكل مؤسف
بيع النجش : حدث ولا حرج .. اشوف التاجر يبهرج ويلمع ويرفع مواصفات سلعته للسماء ويعطيها اكثر من حقها بس عشان يروج لسلعته وهذا لا يجوز واتقوا الله في اموالكم ويدخل في بيع النجش انك تزايد على سلعه في مزاد ولا تشتريها
واتمنى من الاخوة والاخوات الاستزاده في فقه البيوع قبل ممارسة التجاره
ثالثا : تنزيل الاسعار بشكل غير معقول ( بدعوى المنافسه ) .. لكن الحقيقه لو حسبتوها صح بتعرفون انكم بهذه الطريقه بتصيرون ادوات اعلاميه في يد التاجر ( الكبير )
كيف يكون هذا ؟
مثلا يتم عرض منتج في المنتديات بمبلغ 100 ريال وراس ماله اساسا من التاجر الاساسي 60 ريال
يجي شخص اخر يروح لنفس التاجر الاساسي ويشتري المنتج ويعرضه ب 80 ريال !
طبعاما يجي في بال الكثير اني اعرض بنفس سعر السوق اللي هو 100 ريال … لا يقول ابي انزل السعر عشان ( اسحب الزباين كلهم لي ) !
ينتشر المنتج ويكتسب هاله اعلاميه اكثر ويدخل تاجر صغير ثالث يوصل للمصدر (التاجر الكبير) ينزل السعر اكثر ورابع وخامس الى ان يصل السعر الى راس ماله تقريبا ويفرق بعض الاحيان ريال او ريالين يعني مثلا يصير 63 ريال !!
ولاحظوا هنا ان التاجر الاساسي هو المستفيد الاول والاخير … وانتم بهذه الطريقه صرتوا ابواق اعلاميه بطريقتكم الخاطئه .. وبس ينشتر المنتج انتشار كبير وفي نفس الوقت يكون سعره نزل للحضيض ومافي تاجره او تاجر صغير يقدر يشتريه لان هامش الربح تافه .. يلعب لعبته التاجر الكبير ويبيع بسعر يمكن اقل من 60 ريال والنتيجه
اللي باعت اول ب 100 ريال الكثير ينظر اليها انها نصابه وجشعه
ويكسب التاجر الكبير ( بعد ما يطرح المنتج بنفسه وبعد ما ينتشر منتجه اعلاميا) سمعه طيبه وانه الارخص وانه الملاك اللي نازل من السما .. اما التجار الصغار يروحون يبلطون البحر خلاص ما عاد لهم اي لازم طلعوا نصابين وحراميه ومبالغين في السعر .
والامثله على هذه كثير ومنها مثلا الالعاب الزوجيه
رابعا : الانجراف خلف بعض التجار ( المحسوبين على التجاره ) وهو ما عنده ما عند جدة البنقالي اللي يغسل سيارتي كل يوم
يجي تاجر مثلا يدعي بانه يمتلك ( شركه ) ويمتلك ( فريق تسويق ) ويمتلك فروع منتشرة في ارجاء المملكه و يمتلك مصانع في الصين وانه هو اللي دهن الهوا بويه وانه هو اللي حفرالبحر
انااقول لكم انتبهوا من ها الاشكال وحاولوا تتبع الحقيقه قبل ( ان تكونوا مندوبين لديهم ) لان الكذب حبله قصير وبكره ينكشف وتتشوه سمعتكم .. وانتم تعرفون ان التجاره مو راس مال.. التجاره سمعة
بعض التجار يسوي ذكي وماسك الذيب من ذيله .. يقول لك انا استورد لك من الصين مباشرة ومنننننننننننننن المصدر ويمكن بعد يقول لك من المصنع حقي اللي بالصين وبا اخذ عليك عموله بسسسسسس 2% !!!!!!!!!!!!!!!!!!
طيب مثل ما يقولون البدو حبايبنا صبه ورده .. مويه
يمكن يزود عليك سعر المنتج اساسا 😈 وفوق هذا يقول لك ابي عموله 1% !!
وانت كيف تعرف اصلا انه مزود عليك سعر المنتج ولا لا … وعلى فكره ترى بالصين ممكن يزورون اي فاتورة بكل بساطه وب دولار واحد … يعني لا تصدق لو جاب لك فواتير وقال لك هذا سعرالمصنع
وممكن يصدق معك في سعر السلعه وفي النسبه لكن يسلخك في سعر الشحن … ومثل ما قلنا صبه ورده مويه
والحل الوحيد هنا هو انك تروح بنفسك للصين او تتعامل مع شخص ثقه .. ثقه
خامسا واخيرا : ولو ان عندي كلام كثير ودي اقوله لكن ما ودي اطول عليكم … لا تثقوا باحد .. لا تثقوا باحد … لا تثقوا باحد
واعتمدوا في تجارتكم على الاوراق الثبوتييييييييييييييييييييييييييييييييييييه خصوصا في الطلبات الكبيره
اخوكم / ابو عبد العزيز الموسى
مؤسسة الموسى التجارية
السلام عليكم
