رحم ذو القرنين ,, وتأخر الحمل

السلام عليكم ورحمة الله وبركاته
كيفكم بنات تشجعت اسجل معاكم يوم قريت تعاونكم مع بعض فلا تخذلوني

انا متزوجه من 7 سنوات تقريباً
وما الله كتب لي انجب وكانو يقولو لنا المستشفيات
ان عندي هرمون حليب وزوجي عنده ضعف في الحركه تقريباً 35 او حولها
يعني انا ما افهم بها الشغلات
بدينا رحلة العلاج من بعد 5 اشهر من الزواج
ومن مستشفيات اشعه تحاليل ابر حبوب لدايات لعلاج بالاعشاب ولافيه فايده
لانهم يقولون مشكلتكم بسيطه وبيحصل حمل ان شا الله


قعدنا 4 سنوات ع العلاجات والدايات ومواعيد وخساير ولا فيه فايده
وقفنا كل شي وتوكلنا على الله ونعم بالله
وقلنا اذا الله كاتب لنا العيال بيجون بدون دكاتره وغيره
واستمرينا ع الدعاء بالسجود والاستغفار والصدقات
قعدنا 3 سنوات بعدها ازعجنا كلام الناس خصوصن ام زوجي
تزن على زوجي يكمل علاجه بحكم ان مشكلته الحركه فكملنا علاج
انا اخذ حبوب الهرمون وهو ماشي على تحاليله وادويته


انا بالاربع سنوات الاولى سويت صبغه وقالت لي الدكتوره
وكان في وجهها انه خبر سيئ
يوم قالت بنعيد الصبغه انا خفت قلت لها ليش وش فيه ؟؟
قالت الانابيب عندك سليمه لاالتصاقات ولا شي
والمبايض سليمه بس عندك مشكله بالرحم انه ذو القرنين
انا من صغر سني ماعرفت وش يعني كلامها بس طمنتني
قالت هو مو سبب تأخير الحمل بس اذا حملتي ممكن ماتولدي طبيعي
قلت لها خليني احمل اول عشان يكون طبيعي او مو طبيعي








المهم قبل 10 اشهر تقريباً رجعت للمستشفيات
ووسوو لي سونار وقالت لازم صبغه عشان نتاكد
شكل عندك تكيسات ع المبايض
سويت الصبغه ونفس الشي يوم جيت اخذ النتيجه
وجه الدكتوره ماكان يبشر فقلت لها وش فيه
قامت تقول وش قالو لك يوم سويتي اول مره صبغه ووين سويتيها
قلت لها سويتها بمستفى الفلاني وقالو ان عندي رحم ذو القرنين
قالت اهااا يعني عندك خبر انا بصراحه خفت
وقامت ترسم لي شكل الرحم انه على شكل قلب
بس تقول حاجه خفيفه ويمكن تحتاج تدخل جراحي
قلت لها يعني هو سبب تأخر الحمل قالت لااا
بس هو سبب في اجهاض في اول 3 اشهر
او يسبب ولاده مبكره او عمليه قيصريه
شافت تحاليل زوجي قالت الحركه 81 اتوقع
وقالت ان كل شي عنده تمام


مين عندها رحم ذو القرنين وحملت عادي
ومن خبرتكم وش اسوي انا حاليا لاني من جد ماعندي غير الله ثم انتم
الحمد لله الاستغفار مستمرين عليه والصدقات مو عشان الخلفه وبس من قبل لا نتزوج حتى
وما عمري فكرت اني اوقف استغفار عشان شي انا ابغاه وماصار




دلوني الله يجزاكم خير اخر موعد رحت للدكتوره ماعطتني شي غير كلوميد
هرمون الحليب طبيعي وزوجي سليم
هل اقترح عليها اني ابدا في التلقيح المجهري ؟
او اطفال انابيب او .. وش اسوي بالضبط