عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
رجعت لكم بعد غيبه طوووووووووووووووووووويله
رجعت لكم بعد رحلة علاج ولدي
الحمدلله سويت عمليتين لولدي غير الاولى
والان حمدلله وضعه طبيعي
حالت ولدي كانت انغلاق فتحة الشرج وماعنده مستقيم
العمليه الاولى اللي بعد الولاده مباشره وهي
فتحه في البطن يخرج معها
طبعاً كان المستشفى يصرف له اغراض للفتحه اللي فبطنه
وهي عباره عن قاعده الصقها في بطنه ع الفتحه واثبت فوقها اكياس
علشان يخرج فيها واغيرها له
وبعد ماصارعمره 4 شهور كانت العمليه الثانيه وهي زراعة المستقيم
وفتح فتحة الشرج المغلقه
وهي اقسى شي مر علي
تنوم في المستشفى قبل العمليه بيومين علشان الاشعه والتحاليل
ويسون له غسيل امعاء
صار يوم العمليه وقالي الجراج ان شاءالله سهله مدتها 3 ساعات
دخل غرفة العمليات الساعه 10 الصبح
اه ياقلبي لما اخذوه مني وهو يطالع فيهم ويضحك مايدري شسالغه
تقطع قلبي وقعدت ابكي وطلعوني في انتظار العلمليات
وجلست ادعي ربي واعد الساعات الثلاث ابيها تخلص
ياربي خلصت ثلاث ساعات وبقي ماطلع
ناس دخلو بعده وطلعو قبله
المهم اربع ،خمس ساعات ماطلع
انهبلت اعوذبالله صرت مثل المجنونة امشي في ممر العمليات
ماخليت دكتور ولا ممرض ولا اي سخص له علاقه بالعمليات
الاوقعدت اترجاء فيه يطمني عن ولدي
الاوفيه وحده سعوديه تشتغل ع ريسبشن العمليات سألت بمعرفتها
وطمنتني الله يوفقها والله اني لليوم وانا ادعي لها
والله العظيم ثم والله ماطلع ولدي من غرفه العمليات الابعد المغرب
تيخيلو من الساعه 10 الصبح الى الساعه 6,30
انتهى دوام المستشفى 4,30 وانا واقفه قدام بوابه العمليات
المهم 6,30 طلع الجراح وناداني عند ولدي فيي الافاقه
شفت ولدي وكنت في حال مايعلم فيه الا الله
وزاد الطين بله يوم اخذوه لغرفه العنايه المركزه
وقعد فيها 24 ساعه
وانا طول الوقت اصلي وادعي الله يخليه لي
انتو عارفين نظام العنايه هو في الغرفه لوحده
ممنوع انام معه
كنت بموت من البكاء عليه
لما شغت منظره طفل عمره 4 شهور جسمه صغير
ومليان اجهزه وعليه اوكسجين
منظره جداً مؤلم
في اليوم الثاني سألت الدكتور ليه طول في العمليات
وانت قلت 3 ساعات
جاوبني انهم لقوا عند التصاقات في الامعاء ماكانوا متوقعينها
وبعد صار له نزيف ياعوووومري
بعد 24 ساعه طلع للجناح بعد مأخذ دم بدل اللي نزفه
طبعاً مازالت فتحت البطن موجوده يخرج معها
لانو العمليه زراعه المستقيم ويفتحون الشرج بس
علشان البراز مايخرب عليهم العمليه
وصرت استخدم انبيب لتوسيع فتحت الشرج بعدالعمليه باسبوع
هوطلع بعد العمليه باسبوعين
لما صار عمره 6 شهور كانت العمليه الثالثه
وهي عباره عن توصيل الامعاء بالمستقيم واغلاق فتحت البطن
الحمدلله كانت عمليه سهله ومدتها 3 ساعات
وبعدها صار يخرج طبيعي لكن بصعوبه ومازلت ع الموسعات والادويه الملينه
صار عنده بواسير وشرخ وذي لوحدها معاناه
وفيه شي ياربي زايد مع البواسير مادري وشو
لما شافه الجراح الاسبوع اللي فات
قال عمليته نزلت لماكان يضغط ع نفسه وقت التخريج
ونزل المستقيم شوي برا
وقررو عمليه رابعه علشان يرفعون المستقيم والعمليه
الله يعنني المواعيد اسبوعياً و ولدي صار مايطيق اي ممرضه واذا شاف الجراح ينهبل من الصراخ
بلاه من اللي شافه الله يخليه لي
لكن……….ياْخوااات ان لاحظت شي في ولدي
اذا استمريت بالرقيه عليه
والزيت المقرؤ فيه يرتاح كثيييييييييييير ويخرج بدون صعوبه
اسفه ع الاطاله
واخيرا اتمنى تدعون الله يشفي ولدي ويخليه لي
