عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
بدخل بالسالفه على طول
رحت للسوق غرناطه يوم السبت ومن رجعت وانا مقهوره ومحتاره وفيني نار شابه بقلبي
المهم تدرون ليه دخلت محل الاتصالات ورحت اسئل عن جوال المهم حسيت العامل مرتبك شوي ويحاول يطلع لي بسرعه وتحسينه مرتجف شوي المهم ماعلي منه شفت وحده بعمر العشرين عند الكونتر مع العامل الثاني تسولف وتحركي ايدينها وتحاول تلهيني انا وتحاول تلفت الانتباه العامل اللي على الكونتر ؟؟؟
تركتها وقلت بكيفها وسخ ❗ وتتميلح
المهم قلت له لا تدخل الجوال خله برى بتجي صديقتي تشوفه بعد شوي ..وانا جلست احوس بالمحل ومعي عيالي وعيال صديقتي احتريها تجي
المهم وانا استناها دخل ولد عمره 15 سنه تقريبأ لابس زلاجات وقام العامل ياشر له لاتدخل لاتدخل التفت على البنت ولقيتها تاشر له انه ينتظرها برى …فهمت من الاشكال انه اخوها الصغير
المهم صديت وقلت بنفسي انه يطلعونه صعبه يدخل بالمحل بزلاجاته وكذا ماعلي منه..
المهم رحت اتصل على صديقتي ووادوره عند باب المحل ولما شافوني بعد عنهم طلعوا بنت من المخزن اللي يحطون فيه جوالاتهم 😆
وطلع عامل معها عمره بالاربعين اردني الله ياخذه ويفضح امره
له الدرجه الكلاب مستغلين بناتننا الى هالدرجه بناتنا مغفلات وغبيات 🙁
حتى صديقتي يوم جت تقولي واضح انهم مرتبكين العاملين الثانين ام اللي دخل مع البنت ولا كانه مسوي شي
لاتقولون لي يمكن اني فاهم الموضوع غلط او كذا لا …تدرون ليه لاننه ممنوع اي رجال يدخل المخزن غير العمال شلون عاد البنات
المهم انا انقهرت ومدري شسوي طلعت برى المحل ودورت على الهيئه وسئلت الامن عنهم قال لسه اليوم ماجوا 
ورجعت للبيت وانامقهوووووره ودي ابلغ عن هالعمال يمكن يلعبون بنص بناتنا…مدري وش الحل ؟؟؟
البنات بكيفهم راحوا والله بيعاقبهم
اما العمال ودي لو احد يوقفهم عند حدهم …عطوني رايكم ….والله مقهوره على اللي يسير كلنا يستخف فينا وبباتننا
