عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
شخباركم خواتي عزيزاتي الفراشات..
اني من المداومين على الدخول في المنتدى .. بالاحرى يوميا ادش وعلى طول قاعدة واتصفح فيه.. فيمكن مشاركاتي قليلة جدا بس ما اعتبر نفسي فراشة جديدة لانه تعودت على المنتدى وصار كانه بيتي..
المهم.. طولتها وهي قصيرة :fragghagi
اسمعوا سالفتي..
اني متزوجة صار لي سنة و9 أشهر..
ودورتي و لله الحمد منتظمة يعني تجيني كل 30 او كل 31 يوووم
وللحين الله ما كتب لي بيبي.. الحمد لله على كل حال..
وهالشهر حاسة باشياء غريبة اول مرة تجيني
شكيت اني حامل..
لانه جتني اعراض غريبة.. يعني الم بصدري
واحس بنبض في المبيض اليسار
وعندي احساس اني حامل
قبل يومين حللت بول وانتوا بكرامة..وكان باقي على الدورة 4 او 3 ايام
يعني تجيني تاريخ 24 او 25
وطلع لي في التحليل المنزلي خط والثاني فااااااااااتح بالكاد يرى
تاملت خير
ورديت اليوم الفجر حللت.. يعني عقب يومين من التحليل الاول..
وطلع مثل الشي خط فاااااااتح والثاني غااامق
ارتسمت على وجهي ابتسامة غريبة..لاني على طول احلل تحليل منزلي حتى اذا اخرتني يوم ولا عمري طلع ليي خط فاااتح.. على طوول يطلع لي بس خط واااحد..
وانا ما قلت لزوجي..
لانه ينتظر الحمل بشوووق
قلت بحلل دم وبقول له اذا الله كتب لي..
وكنت امبي اسويها له مفاااجاة لانه نهاية هالشهر ذكرى خطوبتنا..
المهم..
قعدت اليوم الصبح وانصدمت
شفت قطرات دم..وانتوا بكرامة.. قليلة جدا..
انا عادة دورتي تنزل في البداية على شكل قطرات دم وبعدين تنزل عاادي
رغم ان اليوم مو موعدها..
يعني بكرة او عقب بكرة المفروض تجيني..
فقلولوا لي الله يخليكم.. شنو هذا؟؟
ومعقولة يكون نتيجة جهازين حمل خائبة؟؟ ومو صحيحة؟؟
وشنو المفروض اسوي؟؟
انقذوووني لانه حالتي النفسية صفر..
الله يخليكم استشركم لا تخيبوني.. ردوا ولو بكلمة الله يرزقج ويرزقنا معاج بالذرية الصالحة المعافاة..
ما فيه احسن من التخفيف على النفس بكلام الاخرين..
والسمووحة على القصة الطويلة :frxxagir
