عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
خواتي مادري شقولكم …..بس اليوم حسيت بضيقة و وحدة فظيييييييييعة ……۔ ماكأن اليوم عيد !!!
انا انسانةاجتماعية ….۔ احب الناس ….واحب الفرح يعني مو نكدية ابدا …۔
لكن ….۔ وضعنا هالعيد واغلب الاعياد يشعرني بالحزن …..۔
الناس بالاعياد مشغولة مع اهلهم و قرايبهم …..يتجمعون و يتسامرون…..و عيلتنا للاسف لا …۔
خواتي وحدة بالشرقية والثانية بجدة و حنا بالرياض ….۔ يزورونا لكن ازواجهم يبون العيد عند اهلهم …۔ يتجمعون ينبسطون …۔ اخواني يجونا بالعيد الصباح نص ساعة و بعدين زوجاتهم يروحون لاهاليهم …۔ معهم حق و الله كلن يبي اهله …۔ وخلص العيد …۔ نجلس انا وامي بالبيت !!!
امي الله يشفيها ويرفع عنها و يحفظها لي ….مريضة و و مقعدة و تبي ترتاح …۔ واجلس انا بلحالي !!!!
انا مو صغيرة يا بنات عمري 34 سنة…۔ ويوم بعد يوم نفسي تتعلق بطفل اضمة لصدري …۔ طفل ينام بحضني …… طفل لا نام عندي بالليل ما يجي ابوه اوامه تأخذه من عندي ….۔
فعلا و الله ( المال والبنون زينة الحياة الدنيا )
وقفت اليوم اصلي الظهر و سبقتني العبرة ….۔ و دعيت بسجودي ( ربي لا تذرني فردا و انت خير الوارثين )
ودي بعيلة كبيرة تخفف عني وحدتي …….۔ ياااااااااااااه ما احلى جمعة الاهل و الاحباب …….۔
ياللي بينكم وبين قرايبكم مشاكل …۔ تصالحوا معهم وصفوا النفوس …۔ و الله و الله و الله انتم بنعمةمو عارفين قدرها ….
يارب ياكريم يا حنان يا منان …۔ ارزقني وكل بنات المسلمين فرحة تجدد بها حياتنا …۔ ياااااااارب
