عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته
انا فتاة عمري 20 سنة غير متزوجة و لا مخطوبة يعني عازبة رايت الرؤيا بعد الفجر و نمت و لم اكن مزعوجة من شيء ابدا و الحمدلله
و رؤيتي هي :
اني كنت زعلانه بالمرة و متضايقة من زوجي و زوجي في الرؤيا كان( ولد اخت زوج اختي ) مع اني ما اعرفه
و اسمه اسامه و كنت زعلانه منه لانه ما اتصل فيني و لا سال عني و انا في بيت اهلي و ما كنت ابغى ابين لاحد من اهلي اني زعلانه
و بعدها دخلت علي اختي المتزوجة و كانت لابسه فستان ابيض و فرحانه و تقولي وش رايك و انا اناظر لها بطرف عيني و فيني زعل و ما رديت عليهاو قالت لي تعالي هناك لك هدايا من زوجك قمت اشوف لقيت كيسين حجمهم وسط و لونهم ابيض و قالت لي اختي الكيس الثاني لك فتحت الكيس الثاني و لقيت فيه فستان زي روب النوم لونه اسود و كبير بالمرة يعني مو بمقاسي سالت اختي هذا حقي ؟ قالت لي ايه حقك قمت قلت لها هذا مو مقاسي هذا مقاسك انتي و رميته لها و خرجت من الغرفة اللي هي فيها
و رحت على المطبخ و جلست ابكي بس بدون ما اطلع صوت و شوي جات اختي و معها جوالها و تقولي اسمعي زوجك وش يقول عنك و هي كانت تضحك جيت اسمع كان زوج اختي يقول لزوجي انت ما حتسأل على زوجتك( اللي هي انا ) جاء زوجي قاله انا اصلا ما احبها و لا افكر فيها بعدها انا زعلت و قمت رجعت للمطبخ و بكيت بصوت عالي
و بعدها دق جرس البيت و قام اخوي الكبير فتح الباب و انا كنت واقفة و اشوف مين اللي دق ، شوي طلع زوجي و كان لابس بلوزة ورديه و بنطلون جنز ازرق و معاه اكياس و كان يتنفس بسرعه من التعب و بعدها ما كلمته
و دخلت غرفة في بيت اهلي و كانت الوالده جالسه و شفت على الارض اكياس و قالوا لي هذي هدايا لك من زوجك جيت اطالع فتحت اول كيس لقيت فيه ثلاث كراتين صغيرة و مستطيلة فتحت الاول لقيت فيه لعبة اللي هي (الصورة المبعثرة و اللي انا ارتبها) فا قلت للوالده و الله زوجي كانه عارف اني انا احب هذي اللعبة جاب لي ثلاث منها بعطي وحده لاختي الصغيره
و اطالع في امي ما ترد علي بس مبتسمة و وجهها نور
شوي شفت اكواب و قلت لامي هذي من زوجي اذا تبغينها خذيها
و بعدها دق الجرس و جونا ضيوف حريم و منهم خالتي و بنت خالتي و جات بنت خالتي تقول انا بخرج و بخلي بنتي عندك و خلت بنتها و انا كنت شايله همها لاحد يزعلها او يصير فيها شيء
و بعدها الا انا في السيارة و اهلي بيرجعوني بيتي و شفت زوجي في الشارع لابس لبس هندي لونه سكري و استغربت منه و سكتت و شوي ادخل مكان زي الركن و كان لونه بالمرة ابيض و فيه مواصير لونها ابيض و الوالده تطالعني و انا اقولها لا انا خلاص بروح بيتي و تسلقت في المواصير و كانت ثلاث مواصير و كان في السقف فتحتة مربعة و ابدخل منها و كنت اقول للوالدة و انا داخله خلاص خلاص انا بروح بيتي .
و انتهت الرؤيا ادري ان الرؤيا طويلة بس دايم انا افكر فيها و حتى لو نسيتها افتكرها على طول يعني شايله همها و انا شفتها قبل شهر و للمعلومية زوجي اللي في الحلم انا ما اعرفه ولا قدر شفته الا مرة وحده بس و غيرها ما اعرف عنه شيء حتى و لا افكر فيه …
و الله بدعي للي تفسرها لي بالدعوة اللي تبغاها بس تطمني اللي يطمنها على احبابها و يجزها خير..
اختكم الفراشة الجريحة
