راس الخروف والبريعصي

بصراحه الفتره الاخيره احلامي تجيب المرض .. ومالها داعي .. وفكت راسي

الحلم الاول ……ان في حرمه منسدحه عالسرير بغرفه وكان في شي طويل يطلع منها اذا جا على جسم احد مص دمه وكانها تبي تضرني رحت سويت بخور وحطيت فيه شبه وجيت ابخر البيت وابخر الحرمه .. الا الحرمه نشفت على طول صارت زي الورقه اليابسه وارتحت لانها ماراح تضرني

الحلم الثاني…… حلمانه ان زوجي لقى بغرفه نومنا بريعصي ابيض كبير يجي طول الذراع وكانه شاله كم مره ورماه من النافذه .. الا يلقاه على ظهري ويجي يشيله مره ثانيه يرميه ويلقاه رجع على ظهري .. جلس يضحك مع بناتي مستغربين اخر شي قال انا ماقدر اسوي شي انزل لامي يمكن تعرف تشيله
ونزلت تحت لامه وقلت لها شيليه لاني احسه مدخل اظافره بظهري الا امه اول ماشافته قامت تقول وخري عني وخري عني مابي المسه روحي شوفي غيري
الا لقيت بنت حماتي طالعه من المجلس قلت لها الله يخليك شيليه قالت طيب .. واول ماشالته ورمته بالارض الا هو ميت بس شكله لما طاح عالارض كانه جسم ادمي ماكانه بريعصي

الحلم الثالث…… حلمت اني جالسه مع مرت حماي نسولف مستانسين الا قلت لها كاني احس بالم الولاده بس شوي الا راح الالم وجلسنا نخلص السوالف الا رجع الالم مره ثانيه شوي الا ولدت ولد .. الا جاني الالم مره ثانيه وطلع مني ولد ثاني .. الا جاني الالم مره ثالثه وطلعت مني بنت
وكنت فرحااااانه فيهم ومستغربه بنفس الوقت اقول ان بطني صغير بحالحمل والدكتوره قالت بس واحد كيف صاروا ثلاثه وكلمت ابوهم وسماهم عبد الله ومحمد ومها ..
الا جاتني دكتوره تقول المشيمه ماطلعت لازم نسوي تنظيف نطلعها .. بالبدايه رضيت بعدها قلت لا زي ماطلعوا الاطفال من نفسهم انا باطلع المشيمه
ودخلت دوره المياه الله يكرمكم وجلست القرفصاء وجلست اضغط الا بدت تطلع قطع بيضاء نفس الي ببطن السمك اذا جينا ننظفه .. وكل شوي تطلع قطعه واسحبها .. شوي الا حسيت بضغط قوي لما ضغطت على نفسي علشان يطلع الا طلع مني راس خروف عليه دم وله لسانين لسان بالطول طبيعي واللسان الثاني طالع بالعرض من اللسان الاول وكاني تخرعت وطلعت من دوره المياه وانا اطالع فيه خايفه اقول وش جابه فيني

الحلم الرابع …. حلمت بشغالتي القديمه تطبخ بمطبخي كانها تعلم شغالتي الجديده كيف تطبخ وجيت اشوف وش يطبخون لقيتهم يسوون مرق ورحت وخليتهم