رأيكم يهمني

انا بادخل في الموضوع على طول ، فاكرين يا بنات حكاية الاجنبي ( اللبناني) اللي قلتلكم يحبني و يبي يتزوجني ؟؟؟

راح احكي القصة باختصار للي ما يعرفها ، انا في واحد يحبني له ستة شهور تقريبا ، بس انا كنت اصده ، الين قاللي انا نيتي صادقة و ابغا الحلال و جا خطبني ، اول مرة بابا و ماما زعقو و رفضو حتى من غير ما يسألو عنه طبعا بسبب جنسيته ، مع انه انسان بصراحة انا اشوفه قمة في الاخلاق

الجديد في الموضوع : انه راح قدم على الجنسية السعودية و ( طبعا الحكاية لا تخلو من الواسطات) و حاليا وصل الامر لمرحلة متقدمة جدا ، و الحين ناوي يتقدم لابويا للمرة الثانية و عنده اسباب اقوى هالمرة ، و هو لا زال متمسك فيا و يحبني رغم البهدلة اللي تبهدلها المرة الاولانية .

و انا بصراحة يا بنات الشهر الجي بيصير عمري 27 سنة و ابغا اتزوج و ما ابغا اقعد بالبيت ، لانه علاقتي مع ابويا و امي جدا سيئة ، ابويا من زماااااااان و انا علاقتي معاه مو كويسة ، و امي كنت احبها لكنها جرحت قلبي و صدمتني صدمة عمري و نزلت موضوع عنها قبل فترة في دا القسم .

سؤالي ، لو انتي في مكاني ، و اتقدملك واحد شاريك و يحبك من زمان ، و انتي ما تشوفي فيه عيب عدا جنسيته ، و طبعا لعيونك راح قدم على جنسية بلدك ، ايش يكون موقفك و نظرتك له ؟؟؟

بليز يا بنات ارائكم تهمني ، لاني و الله يعلم بحالي ، ما كتبت هالكلمتين الا عشان ما عندي احد اشكيله غير رب العالمين ثم انتو ، لا اب و لا ام و لا اخ و لا اخت ولا اي احد كله انا لوحدي محد معايا ، و على فكرة انا لاني في حاجة احد معايا و يرشدني للطريق الصحيح ، ارسلت ايميل فيه تفاصيل مشكلتي للدكتورة فوزية الدريع ، بس للاسف عندها زحمة ايميلات و هي تاخدها و تقراها بالدور

ارجوكم لا تطنشوني