عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته
عندي فكرة جديدة أتمنى تعجبكم… و اتمنى ما تحرجكم (عاااادي كلنا بنات)
أبي كل وحده تدخل تخبرنا عن أول مره جاتها الدورة الشهرية كم كان عمرها ؟ و كيف تصرفت؟
نبي تفاعل لتعم الفائدة من تجارب الآخرين.
أبدأ أنا…
أنا بالنسبه لي كنت بموقف لا أحسد عليه لانها جتني بالمدرسه وخفت ان مريولي يبقع عليه 
ومن حسن حظي كانت الحصه الخامسه..انتظرت الحصه السادسه تخلص علشان أطلع مع الإبتدائي مع أن المفروض إني أطلع الحصه السابعه لأني مرحله متوسطه بس ماصدقت تجي طلعة الإبتدائي علشان أهج للبيت..بعد ماوصلت سألتني أمي ليش طلعتي بدري ؟؟ قلتلها إن المعلمه اللي علينا الحصه السابعه غايبه فطلعونا والحمدلله إنها صدقت.. ويومين وأنا آخذ من أختي ( فوط ) ولا أعرفت بعدين قررت إني أعلم.. بس ماعلمت أمي لأني أستحي منها 😎 علمت أختي وأختي ماقصرت قامت تشرح وتفصل وأمي ماقلت لها هي عرفت من التغيرات اللي حصلت وبصراحه يوم ماينسي محفور في الذاكره وأتوقع كل بنت لايمكن تنسى هاليوم لأن بالنسبه لنا يوم مفاجئ مهما كنا عارفين ودارسينه بالمدرسه لكن لازم نتفاجئ ..أما عمري وقتها كان 12 سنه
