عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا يافرشات ياحلوات ..
من زمان عنكم اشتقتلكم والله بس وش اسوي ظروفي ماتسمح ادخل بس بحاول اتواصل معكم قد مااقدر لاني مااقدر استغنى عنكم ……!
حبيباتي عندي مشكله والله مومشكله كاااااااااااااااااااااااااااارثه …بدخل بالموضوع على طول ..
انا متزوجه من 5 سنوات وعندي طفلين الله يحفظهم امشيه حياتي بالطول والعرض المهم تمشي
زوجي صعب صعب في كل شيء ذوه اسلوبه طبعه رضاه ……ألخ
مشكلتي معاه ان مافي شيء يعجبه ابدا ابدا لدرجة احس انه ماهو مقتنع في انا كلي !!!!!
عمري ماسمعت منه كلمه حلوه الا بطلعت الروح .. اكثر شيء يعلق على الملابس بطلونك مو حلو ..
هذا اللون اكره .. تنورتك تجيب الهم .. ريحة الشامو حقك كريها .. صابونك مو حلو .. ريحة شعرك .. وغيره وغيره
اخر شي اليوم بسم الله داخله الغرفه قالي بدون مقدمات تصدقين هذا السترتش عليك يلوع كبدي
انا من هول الصدمه على اني متعوده عليه بس مانطقت بولا كلمه ورحت مع عيالي اسبحهم …
انا مليت ماادري وش اسوي معاه كرهني بكل شيء رحت سبحت ولبست جلابيه وبدا يتميلح !!!
وش اسوي معاه حتى العطورات كرهني فيها والله لي اكثر من سنه ماحطيت عطر .. وش اسوي تعبت
صحيح ان جسمي رسمته ماهي حلوه مره بس والله ماهو سيء .. وهو ماعنده اسلوب ..
يكره علي القصير ..ويكره البناطيل الضيقه .. وااغلب الالوان يكرهها مثل الاسود والوردي …الخ
قولولي وش اسوي … انا قررت ابطل البس له عريان وقصير هل هذا صحيح ولا بيعتبره ضعف وان
كلامه اثر فيني .. دلوني وربي كرهت نفسي مافي شيء مايعلق عليه اطرافك .. اصابعك طويله .. صدرك
اسنانك .. واشياء كثيره وربي تشيب الراس وتنرفز … دلوووووووووووووووووني تكفون واللي ماترد
لا تحرمني من دعوه ان الله يسخر لي زوجي وانه مايشوف غيري يحليني بنظره …
اسفه عالاطاله … تحياتي
