دورة و لا حمل؟ أصلي و لا ما أصلي؟

جاية على رحلة ترانزيت قبل موعد دورتي بثلاث أيام.. أول يوم.. نمت.. ثاني يوم رتبت أغراضي في الدولاب.. و ثالث يوم طلعت مع زوجي نتقضى للبيت حوالي ساعتين بعدين نظفت المطبخ ساعة.. و طبخت ساعتين… و كان يوم موعد دورتي.. و نزل معاي افراز بني.. قلت هذا أول الدورة.. و معد صليت.. هذا الكلام قبل أمس.. لكن بعدها صرت أغير الفوطة و انتوا بكرامة نظيفة.. بس اذا مسحت بمنديل أشوف هالبني بس خفيف.. و أمس طلعت برى البيت و جلست على كرسي مو مريح.. و يوم دخلت الحمام لقيت نفس البني بس أكثر شوي.. لكن اللي صار ان لي اللحين أكثر من أربع و عشرين ساعة بدون نزول دم..سويت اليوم الصباح أختبار حمل و طلع خط خفييييف جدا جدا جدا.. و جدا بعد.. حتى اني تندمت أني ما ركزت في جهاز الاختبار قبل استخدامه اذا فيه هذا الخط أو لا..

بحثت في النت.. و قريت كثير أن أي خط في اختبار الحمل هو حمل.. حتى لو كان خفيف جدا.. بس أنا خايفة أني أتوهمه.. و أن هذا الخط مصنعي.. يعني هو مضغوط على تحت عشان يدخله السائل.. يعني أصلا مب خط..
و و برضو اللي قريته يقول انتظري اسبوع و عيدي الاختبار.. بس المشكلة في الصلاة.. أصلي و لا لا

معلومات مهمة:
– معاي آلام الدورة.. ظهري يألمني مره.. و مزاجي كان يوم الدورة سيئ زي العادة.. و أنا عادة يوم الدورة أو قبلها أصير أصيح بدون سبب.. يجيني اكتئاب بسيط.. و كنت وقتها طالعة مع زوجي نتقضى.. و و نص الوقت مبعدة وجهي عنه عشان ما يشوف دموعي..
– تركت الحبوب من شهرين.. و كانت حايسة الهرمونات شوي لاني ما التزمت صح بمواعيد الحبوب..
– كان عندي فرصتين عشان أحمل.. الشهر الماضي و هالشهر.. و لو ما حملت يتأجل موضوع الحمل إلى أجل غير مسمى.. و زوجي و أنا و أهلي.. متحمسين للحمل.. و نفضله الآن.. و مسبب لي هذا ضغط نفسي شوي.. فدورتي الشهر الماضي تأخرت يومين.. و سويت اختبار حمل و طلع سالب و بعدها جتني الدورة..
– ما أبغى أسوي تحليل دم.. لأني مفهمة زوجي أن الدورة جتني زي العادة.. و ما أبغى أأمله.. بعدين يخيب أمله… خاصة أنه بذل كثير عشان هالحمل.. و ما ودي يخيب أمله مرتين.. يكفي عليه مره وحدة