عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
http://up.joreyat.org/20Apr2007/63c139f6e3.gif
هلا وغلا بكل الأمورات…
الصراحه وأنا أتصفح المواقع والمنتديات طحت لكم على موضوع جنــــــــــــان..
رائع وأكثر من رائع وهذا الموضوع كان جهد متعوب عليه من الأخت qtr221 وعجبني جدا وماحبيت
أفوته على اللي ما شافوه..
باختصار..
مـــــــ M.A.C ـــــــاك
ماركه روعه..وإذا جا طاري ماك ارتفعت الأعناق تدور المصدر..
لأنها ماركه روعه وماخذه عقل الكثير…
والموضوع عبارة عن دورة أقيمت في قطر في الفورسيزن من قبل ماركة ماك..من زمان..
والموضوع قديم فأكيد الأغلب اطلعوا على الموضوع حقها بس حبيت انقلها للاستفادة وللي ماشافوه..
والأخت qtr221 حضرتها وكانت تنقل أحداث هذي الدورة بشكل مفصل ورائع وأسلوب جدا رائع..
وإليكم أحداثها مثل ماوصفتها qtr221
http://up.joreyat.org/20Apr2007/85bc1bf8e0.gif
هالنوع من الدورات ينطرح من قبل ماك مرة بالسنه
تجي خبيره عالميه وتعطينا مبادئ المكياج
كانت الدورة لمده يومين تاريخ 19 و 20/11/2006
وسعر الدورة 1250 ريال بعد الدورة نشتري بهالقيمه اي شي من منتجات ماك لمده شهر واحد
من الساعه 4 العصر لحد الساعه 8 بالليل
وكان عندنا بريكين بعد صلاه المغرب وبعد صلاه العشا نصلي ونرجع القاعه وناكل من السناك اللي حاطينه
غير العصاير والقهوة والشاي
وكانت المجموعه تقريبا 25 وحدة موزعين على 5 طاولات
ومعانا جميع خبيرات التجميل بماك اللي يشتغلون بالمحل
كانت الخبيره هنديه وعايشه بلندن تدرس طب بس بعدين غيرت تخصصها وقررت تكون خبيره مكياج
وتقول انها حطت مكياج لكثير من المشاهير مثل نعومي كامبل واشوريا وتوني بلير ههههههه
كان عنده فلم وثائقي وهي مكيجته بهالفلم وكثير كثير من المشاهير
واستلمت قبل فتره مكياج افلام كامله مثل فلم دافيداس الهندي
http://up.joreyat.org/20Apr2007/437928017991326947.gif
واول شي عطتنا اياه هو نقاط مهمه قبل بدايه اي مكياج :
1- لازم نستعمل سكراب للبشره مرتين بالاسبوع
2- اي بشره محتاجه لترطيب حتى البشره الدهنيه والمختلطه
كان اليوم الاول درس عن كريم الاساس بـــــــــــــــــــس
جابت خبيره التجميل الفلبينيه اللي تشتغل بماك وقالتلنا شوفو وجهها الحين بتلاقونه مسطح
ومع المكياج راح نخلي الوجه بارز وفيه ملامح
اول شي نستعمل البخاخ الفيكس تقريبا 4 بخات على الوجه كامل بما فيه العيون ونخليه لمده دقيقتين عشان تمتصه البشره
http://up.joreyat.org/20Apr2007/1355301134_1.jpg
بعدين نحط كريم المرطب ويكون بكميه = ملعقه صغيره بس طبعا ما راح نستعمل كريم دهني
لا راح نستعمل الكريم اللي بماي مو دهن
http://up.joreyat.org/20Apr2007/1825812181_2.jpg
تقول مو تحطون 5 نقط هذا غلط كميه وافره ونستمر بالتدليك للوجه والعيون من تحت لفوق لحد ما تمتصه البشره
ونحط البرايم وهذا يعطي لمعه للبشره
http://up.joreyat.org/20Apr2007/3.jpg
بعدين نحط الكونسيلر ويكون بكميه بسيييييييطه
نحطها على الاصبع ونبتدي نسخنها بين الاصابع عن طريق الفرك
يعني تفركون اصابعكم ببعض وبعدين تحطون الكونسيلر بالصبع عن طريق الضغط على كل العين من فوق لين
تحت مو تنسون جهه الخشم كل العين بدون استثناء
http://up.joreyat.org/20Apr2007/4.jpg
http://up.joreyat.org/20Apr2007/5.jpg
وبالنسبه لحب الشباب والبقع الحمرا على الوجه
نحط عليها شويه من الكونسيلر عن طريق ضرب الفرشاه عليهم عده مرات
وشويه مزج لي تمتصه البشره وما يكون متكتل بمكان واحد
http://up.joreyat.org/20Apr2007/6.jpg
وبعدين نختار كريم الاساس اللي يريحنا سواء السائل او المضغوط الكريمي انا اخترت هالنوع
http://up.joreyat.org/20Apr2007/66755457_7.jpg
===>تابعو..
