دوالي الساقين (مشاركة في الدورة)

يا ترى شو هي عروق الساق؟

وعلاجها ؟

بداية

عروق الدوالي مثل ما نحنا ببلاد الشام بنسميها لانها عروق مثل عروق ورق العنب بتمد وبتكبر
بيكون بدايتها شكلها عروق رفيعه وزرقاء ولكن مع الوقت واذا تم اهمالها بتصير لونها
اخضر غامق وبتصير عروق عريضه ومدببه منتفخه
الحمدالله لم اصل لهالدرجه ولكن لي اخت وصلت لهذه الدراجه صدقا مخيفه دوالي الساقين
اذا ما تم اهمالها لكن بتروح بعد الولاده مثل ما راحت عندي

أنواعها

*دوالي بتيجي مع الانسان لما ينولد
* ودوالي بتيجي لما يصير اضطرابات او تغيرات في الجسم مثل الحمل

أسبابها

* الحمل بسبب انه بيزيد كبر الرحم
* الوراثه كمان الها دور عندي الوالده الله يطول بعمرها بتعاني من هالشغله وانا وجميع اخواتي
انتقلتنا منها
* السمنه لانه كل ما زاد وزن الوحده بيزيد الضغط على الاورده الدمويه
* وكل ما كبر الانسان كمان بتزيد فرصة اصابة فيها
* وللناس اللي بيضطروا يعملوا لوقت طويل وهما واقفين على رجولهم

أعراضها

* كنت احس بتنميل برجولي بثقل خاصة لما اوقف كتير او اجلس كتير
* أحك كتير رجولي لدرجه احس اني معي جرب هههههههههههه
* يصيبني مثل شد عضلي وقت النوم احس باصابع رجولي تصلبت من الالم
* كعب رجولي يكون منفوخ وعند بطات الرجل كمان يكون منفوخ

أخطارها

بتسبب جلطات الله يبعدها عن الجميع

علاجها

* قلي طبيبي اول شيء بتعمليه هو انك اتمي تحركي رجولك باستمرار وترفعيهم على مخده يكوناو اعلى من مستوى رأسك
* تاني شيء نصحني انه ما اوقف كتير واحاول اتحرك حتى لو كنت مكاني واقفه
* قلي كمان ما تثني رجولك او تربعيهم وانتي جالسه لانهم بيحبسوا الدم من انه يجري في العروق وهيك بيصير ضغط على الاورده
* ثالثا كنت ادلك رجولي بـ خل التفاح وزيت الزيتون والحمدالله كان يخف التورم والالم
* وفي حالة اذا كانت الدوالي عميقه كما في حالة اختى بيضطر الواحد يقوم بالجراحة وانا اختي لجأت للحجامه.