عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخواتي العزيزات حبيت استفسر منكم عن دواء الحديد انا طفلي من سن ست شهور ودمه ناقص على طول والدكتورة تكتب لي في الوصفة الطبية هالدوا وبعد كم شهر نفس الشي ولدي دمه ناقص عطتني الدكتورة نوع ثاني من الحديد وقالت لي اعطيه مرتين في اليوم ،انا ابتديت اعطيه وبنفس الوقت انا خايفة لان حتى النوع الثاني الي كانت تكتبه لي ماكنت اعطيه اياه باستمرار بس هالمرة يوم شفت دمه نقص اكثر خفت عليه والتزمت بوقت الدوا ولاحظت انه انفتحت شهيته للاكل اكثر وحتى انه صار عمره سنة وشهرين وما ابتدى يمشي ولا حتى يتحمل يوقف على رجلينه وبالاسبوعين الي واضبت على الدوا ماشاء الله قام يمشي من غير مساعدة احد
مشكلتي اني خايفة وايد على ولدي لان سمعت من اكثر من شخص يقولون لي ان الحديد يمكن يعدل نسبة الدم للطفل لكن بنفس الوقت يخرب اسنانه وتصير الاسنان سودا وتتآكل وانا ماعندي حل غير اني اعطيه الدوا عشان تصير نسبة دمه زينة
اتمنى منكم تفيدوني سواء بتجاربكم مع اطفالكم او بخبرتكم
ومشكورين على اهتمامكم والله يحفظ لكم اولادكم ويحميهم من كل شر ان شاء الله
ام الياس
