عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
خواتي وربي اني اكتب لكم ودموعي على خدي ومتضايقه حييييييييييل
كل ما اسلك طريق القاه مسدود (اللهم لا اعتراض)
كم مدرسه رحت لها وكم مركز وشركه ومؤسسه وقفت عندها وكم وكم وكم ………الخ
ظروفي الماديه صعبه جدااااااااااااا جداااااااااااااااااااا
ومالي دخل وانا يتيمه
وعندي اطفال وزوجي عليه ديون اكثر من 500 الف ريال وانا في شقة اجار والان اخت زوجي جت عندي بسبب تكملة الدراسه وعندها اطفال
(وما قلت لها الا حياك الله واخدمك بعيوني )والان جهزت لها غرفه لها ولاطفالها وبوجودهم راح تكثر المصاريف والشغل وغيره
فالله يجزاها خير اللي تكون سبب في توظيفي او تعييني وربي واقسم بالله وربي شاهد على كلامي اني لاكفل لها يتيم من الراتب وهذا وعد ووعد الحر دين عليه
بس تسبب بتفريج همي وكربتي بعد الله سبحانه وتعالى ادري طولت الموضوع لكن وربي ما اقدر اقول الا يارب فرجك ودلني على من تسبب في قرب رزقي ❗
وحسبي الله ونعم الوكيل على من قطع عيشي وتلاعب في واستغل طيبتي ونيتي الحسنه …
انا معلمة تربيه فنيه واقتصاد منزلي
دبلوم تربوي تقدير جيد جدا
معي خبره سنه من مدرسه حكومية تقدير ممتاز
وسنه ونصف من مدرسه اهلية بتقدير ممتاز
ودورة حاسب ادخال بيانات ومعالجة نصوص (استخدام الحاسب في الاعمال المكتبيه ) مدة 6 شهور بتقدير ممتاز
ودورة معارف بتقدير ممتاز
معي شهادات تقدير وتفوق وتكريم من بعض الجهات والاداره ولي تطوع في برامج تطوعيه الخاصه بالمعاقين
وعندي خبره سنه ونصف في ريادة النشاط والانشطه والحفلات والاذاعه المدرسيه
اجيد الرسم والتنسيق والتشكيل والتغليف واقامة المعرض والانشاد
انا نشيطه جدا وصبوره جدا واحب العمل الجماعي
ولان ما عندي اي سيوله او اي دخل فما اقدر ادخل اي مشروع قدمت على صندوق عبد اللطيف والمئويه وما قبلو طلبي
حاولت اكمل دراستي علشان القى وظيفه ماقبلوا…!!!
رحت للجامعه قالوا ما ينفع لان شهادة الثانويه العامه مر عليه اكثر من 5 سنوات
يا سبحان الله حى التعليم صار له تاريخ صلاحيه
حاولت اكمل بشهادة الكليه قالوا ما فيه معادلة للمواد
قلت شنو اسوي
قالوا وبكل جراءة ادرسي من جيبك يا حلوه…؟؟
انا مو بنت الوطن لي حق اخدمه ولي حق المواطن اعيش يترف مثل باقي الناس
اللي علي سويته درست وكديت وتعبت وتخرجت شنو باقي اسوي ؟؟
اتمنى اللي لها معارف مع اميرات او سيدات اعمال تطرح موضوعي عليهم لعل وعسى القى رزق عن طريقها …
الله يسكنها جنة الفردوس من مرت او رفعت او ردت على موضوعي وحقق الله كل امانيها وحقق احلامها يارب وحرم جسدها من جهنم يارب العالمين
استغفر الله
سبحانك اللهم اني كنت من الضالمين
🙁
اسفه طولت الموضوع
➡
بس عشمي فيكم كبير بعد الله سبحانه وتعالى
لا تنسوني بخالص الدعاء يا اغلى خوات
💡 ➡ 😛
